San Lucas 4:18 - Mixteco Metlatónoc

¹⁸ Ndie̱e̱ Tachi Yii Ndioxi iyoo xiꞌin yu. Saa chi ra kan va kuvi ra ndikaxin yuꞌu ña ndatuꞌun yu tuꞌun vaꞌa xiꞌin na ndaꞌvi, ra tiꞌvi ra yuꞌu vaxi yu ña chindiee taꞌan yu xiꞌin na ndoꞌo ni ini, ra sakaku yu na ñuꞌu veꞌe kàà ra saña ndika na, ra ndakuiña tu yu nuu na kuaa va, ra sakaku tu yu na ndoꞌo tundoꞌo va.

San Lucas 4:18 Iomraidhean Croise

San Mateo 11:5

Chi na kuaa, ra ^ndakotoꞌni va na, ra na küvi kaka, ra ^ndakaka va na, ra na ndoꞌo kueꞌe tiaꞌyu; ra ^nduvaꞌa va na, ra na soꞌo, ra ^ndakuni va soꞌo na, ra na ndii, ra ^ndatiaku va na. Ra ^ndakani tu yu tuꞌun Ndioxi nuu na ndaꞌvi ña vaꞌa na kaku va na.

San Mateo 12:18

Koto ndo, chi ra yoꞌo kuvi ra xachiñu nuu yu, ra ndikaxin yu; ra kuꞌvi ni ini yu xini yu ra, ra kusii ni ini yu xiꞌin ra. Ra taxi yu Tachi Yii yu koo ña xiꞌin ra, ra kaꞌan ndoso ra tuꞌun yu nuu takundiꞌi na yuuvi, ra kundaa ini na ña sandaku yu kuachi xiꞌin na.

San Mateo 12:20

Ra yuvi na xa takueꞌe, na ndoꞌo, ta kuꞌva ndoꞌo iin ndoo ñuꞌu tun xa nditaꞌnu, ra satakuëꞌe ka ra na; ra nii iꞌva loꞌo ña sakan ndixikun, ndäꞌva ra, ra saa ke ^sa va ra ndia te xaa kii ña ndakiꞌin ra kaꞌndia ra chiñu xiꞌin ña ndaa va.

San Mateo 4:16

Yuvi na xika nuu ñaa, ra xini na ndayeꞌe iin ñùꞌù chee; ra na ndee nuu ñaa, na xa ndiatu ini kuvi, ra xini na ndatuun iin ñùꞌù ra ndayeꞌe ña nuu na, kachi ra Isaías.

San Mateo 5:3

―Vaꞌa ni kee ndoꞌo, na nda̱ꞌví, na xini ñuꞌu ndiee Ndioxi nuu vichin, chi kuenda ndoꞌo va ke kuu ndivi nuu xanꞌdia ra chiñu.

San Lucas 4:17

Ra saa taxi na tutu ña tiaa ra Isaías ra ndikaꞌan tuꞌun yuꞌu Ndioxi xinaꞌa ndaꞌa ra. Ra ndakuiña ra nuu kachi ña suꞌva, ra kaꞌvi ra ña:

San Lucas 6:20

Ra saa ndakotoꞌni Jesús nuu na ndikun sata ra, ra ndikaꞌan ra xiꞌin na, kachi ra saa: ―Vaꞌa ni kee ndoꞌo, na ndaꞌvi, chi xa ndixaa va kii ña kaꞌndia Ndioxi chiñu nuu ndo.

San Lucas 7:22

Ra saa ndakuiin Jesús, kachi ra saa xiꞌin ndia: ―Kuaꞌan ndo ra ndatuꞌun ndo xiꞌin ra Juan ña xini ndo xiꞌin ña xini soꞌo ndo: Chi na kuaa ra ^ndakotoꞌni va na; ra na küvi kaka, ra ^ndakaka va na; ra na ndoꞌo kueꞌe̱ tiaꞌyu, ra ^nduvaꞌa va na; ra na soꞌo, ra ^ndanuña va soꞌo na; ra na ndii, ra ^ndatiaku va na. Ra ndakani yu tuꞌun Ndioxi nuu na ndaꞌvi ña vaꞌa na kaku va na.

San Juan 1:41

Ra ra Andrés yoꞌo, ra nu̱ú ni ka va ra Simón ñani ra kuvi ra nanduku ra, ra ndikaꞌan ra xiꞌin ra kachi ra saa: ―Xa ndaniꞌi va ndi ra kuu Mesías ―kachi ra xiꞌin ra. Tuꞌun Mesías yoꞌo, ra “Ra ndikaxin Ndioxi sakaku na yuuvi yoꞌo” va ke kachi ña.

San Juan 12:46

Yuꞌu, ra kuu ñùꞌù, ra ña xaa yu ña yuuvi yoꞌo, ra ña vaꞌa na kundëe na kandixa yuꞌu, nuu ñaa va kuvi ña.

San Juan 3:34

saa chi seꞌe Ndioxi ra tiꞌvi ra xaa, ra tuꞌun Ndioxi ke kaꞌan va ra, saa chi Ndioxi, ra taxi va ra takundiꞌi ndiee Tachi Yii ra ndaꞌa seꞌe ra.

Hechos 10:38

Ra xa kundaa tu ini ndo xaꞌa Jesús, ña taxi Ndioxi ndiee Tachi Yii ndaꞌa ra ña ndixiyo ña xiꞌin ra, ra xa kundaa tu ini ndo ña ndixika ra xa ra ña vaꞌa xiꞌin yuvi va, ra sandaꞌa tu ra na xindoꞌni ndaꞌa ndiee timiaꞌa va. Ra ña vaꞌa xa ra saa, ra mii va Ndioxi kuvi ra chindiee taꞌan xiꞌin ra.

Hechos 26:18

Ña vaꞌa na ndanuña nuu na, ra kee na nuu ñaa nuu xika na, ra ndakaka na nuu tuun ñuꞌu, ra kee tu na tixi ndiee timiaꞌa va, ra ndakundikun na Ndioxi, ra vaꞌa na kandixa na yuꞌu, ra koo kaꞌnu ini yu xaꞌa kuachi na, ra niꞌi taꞌvi na koo na xiꞌin na yii na kuu ñuu Ndioxi”, kachi ra.

Hechos 4:26

Na kuu rey, xiꞌin na xikuaꞌa kunaꞌnu nuu na ñuu ra xa iyoo nduvi na, ra ndakutaꞌan na ña kanitaꞌan na xiꞌin Ndioxi, ra saa tu xiꞌin Cristo ra kuu seꞌe va ra.

Hechos 4:27

’Ra mii ña ndixa saa ke ^kuu va ñuu yoꞌo vichin, saa chi ra Herodes xiꞌin ra Poncio Pilato, xiꞌin na inka ñuu, xiꞌin mii na ñuu Israel yoꞌo, ra kanitaꞌan na xiꞌin Jesús, ra yii, ra kuu seꞌe kun, ra ndakaxin kun sakaku na yuuvi yoꞌo.

Colosenses 1:13

Ra suvi mii ra kuvi tu ra saña ndika yoo nuu ndiee ña iyoo nuu ñaa va, ra ndachindee ra yoo nuu xaꞌndia chiñu seꞌe ra, ra kuꞌvi ni ini ra xini ra.

Santiago 2:5

Ra na kundaa ini ndo ña kaꞌan yu xiꞌin ndo yoꞌo, ñani yo, kuꞌva yo, mii va Tata yo Ndioxi kuvi ra ndikaxin na ndaꞌvi na iyoo nuu ña yuuvi yoꞌo, ña kuu na yuvi na ndinuni ni kundikun ichi ra, ra kuꞌun tu na koo na nuu iyoo va ra, ra kaꞌndia chiñu na xiꞌin ra, saa chi ikan ke kindoo ra taxi ra koo va yuvi na kuꞌvi ni ini xini ra.

1 San Pedro 2:9

Ndi su ndoꞌo, ra xa siin va iyoo ndo, saa chi mii va Tata yo Ndioxi kuvi ra ndikaxin ndoꞌo ña kuu ndo ndiseꞌe ra, ra kuu tu ndo sutu na ndinuni ni xachiñu nuu Tata yo Jesucristo, ra kuu rey va, ra kuu tu ndo iin ñuu yii ña kuu kuenda mii Tata yo Ndioxi va. Ra mii va Tata yo Ndioxi kuvi ra ndatava ndoꞌo nuu ñaa nuu xindoꞌni ndo, ra ndachindee ra ndoꞌo nuu iyoo ñùꞌù ña yeꞌe ña kuu mii ra, ña nduvi ni, ra ña ndatava ra ndoꞌo nuu ñaa, ra xaꞌa ña na kaꞌan ndo ^xiꞌin inka yuvi xaꞌa ña kaꞌnu ña ^xa va ra kuvi ña.