San Lucas 3:7 - Mixteco Metlatónoc

⁷ Ra kuaꞌa ka vi yuvi ndixaa nuu ra Juan ña kuni na, ña na sakuchi ra na. Ra ndikaꞌan ra xiꞌin na, kachi ra saa: ―¡Na ndivaꞌa kuvi ndoꞌo! ¿A kaku ndo xaꞌa kuachi ndo sa Ndioxi tuvi ndo tu na nandïko ini ndo?

San Lucas 3:7 Iomraidhean Croise

San Mateo 12:34

Ndi su ndoꞌo, ra yuvi ñàꞌa va kuvi ndo, chi ña sañaꞌa ndo, ra ta iyoo ndutia xatu ra kee yuꞌu ko̱o̱ va iyoo ña. Ra ña kuu ndo yuvi ñaꞌa, saa ra küvi vi kaꞌan ndo tuꞌun vaꞌa. Ra na kundaa ini ndo, chi takundiꞌi tuꞌun ña iyoo nima yuvi ke kaꞌan va na.

San Mateo 23:33

Ndoꞌo, yuvi ñaꞌa, seꞌe timiaꞌa, ¿ra ni ke sa ndo ña vaꞌa kaku ndo, ra küꞌun ndo ndiaya, tuvi ndo?

San Mateo 3:6

Ra na ^nandiko ini, ra ^ndinaꞌma na kuachi na, ra sakuchi ra na itia Jordán.

San Juan 8:44

Ña kan ke seꞌe timiaꞌa va kuvi ndo, ra kuenda ri kan kuvi va ndo, ña kan ke kuni ndo sa ndo chiñu ña ^xa ri. Saa chi timiaꞌa, ra ndia ta kii xaꞌa ra niña ri xaꞌni kuvi va ri. Ri kan, ra köo ña ndaku ^xa vi ri, ra nii käꞌan tu ri ña ndaa va. Ra ta kaꞌan ri tuꞌun chiꞌña, ra ta kuni mii ri ke kaꞌan va ri; saa chi ri chiꞌña tuꞌun va kuvi ri, ra ri kan kuvi iva tuꞌun chiꞌña va.

Hechos 13:10

ra ndikaꞌan ra xiꞌin ra, kachi ra saa: ―¡Yoꞌo, ra seꞌe timiaꞌa va kuvi kun, saa chi sandaꞌvi kun yuvi, ra kundasi tu kun ña ndaa va, ra iin chitu ndaa nima kun xiꞌin takundiꞌi chiñu maña, xiꞌin chiñu kuiꞌna! ¿Ra a täan xa vaꞌa na kutuvi kun ña kava kun ña ndaa ña kuu kuenda Ndioxi?

1 Tesalonicenses 1:10

Ra ^ndatuꞌun tu na xaꞌa ndo, ña ndiatu ndo ña nandiko Tata yo Jesucristo, ra kuu seꞌe Ndioxi, ra ndatiaku tiañu na ndii va. Ra mii Tata yo Jesucristo kuvi ra ^sakaku yoo nuu tundoꞌo ñaꞌa, ña kuu kii ña vaxi va.

Hebreos 6:18

Ra uvi kuvi ña ndikaꞌan Tata yo Ndioxi kindoo ra, ra chunaꞌa tu ra mii ra xaꞌa mii va ra, ra uvi saa ña yoꞌo, ra küvi vi ndasama ña, saa chi Tata yo Ndioxi ra kuëe xavaꞌa vi ini ra kan. Ra xaꞌa ña kan ke, yoo na xa ndikun Tata yo Ndioxi, ra ña vaꞌa na kondiaa ra yoo, ra na kondiaa ni ka ini yo ña ndakiꞌin yo ña kindoo ra taxi ra ndaꞌa va yo.

1 San Juan 3:8

Ndi su yuvi na kuëe xikutuvi ña ^xa na chiñu kiꞌvi, ra kuenda timiaꞌa va kuvi na, saa chi timiaꞌa ra ndia kii xaꞌa vi kuvi ña xaꞌa ri kan, ña ^xa ri chiñu kiꞌvi. Ra xaꞌa ña kan ke kixi Tata yo Jesucristo ña sandiꞌi ra xaꞌa chiñu kiꞌvi ña ^xa ri.