San Lucas 3:11 - Mixteco Metlatónoc

¹¹ Ra saa ndakuiin ra, kachi ra saa xiꞌin na: ―Na iyoo uvi tikoto nuu, ra na taxi na iin ña ndaꞌa na köo ña nuu; ra na iyoo ña xixi, ra na taxi na ña kuxi na köo ña kuxi ―kachi ra Juan xiꞌin na.

San Lucas 3:11 Iomraidhean Croise

San Mateo 25:40

Ra saa ndakuiin yuꞌu, ra kuu Rey, kachi yu saa xiꞌin na: “Ña ndixa kaꞌan yu xiꞌin ndo, saa chi takundiꞌi ña vaꞌa, ña xa ndo xiꞌin na ndaꞌvi na ndee nuu ña yuuvi yoꞌo, na kuu ñani yu, ra süvi xiꞌin na kan ke ndixa ndo ña, chi xiꞌin yuꞌu va ke xa ndo ña”, kachi yu xiꞌin na.

San Lucas 11:41

Ña kan ke tu ndinuni ni nima ndo na taxi ndo ñaꞌa ndaꞌa na ndaꞌvi, ra saa ke kindoo vaꞌa ndo nuu Ndioxi.

San Lucas 18:22

Ra te ndiꞌi xini soꞌo Jesús ña ndikaꞌan ra, ra saa ndikaꞌan Jesús kachi ra saa xiꞌin ra: ―Iyoo ka va iin ña kumani nuu kun: Xiko takundiꞌi ñaꞌa ña iyoo nuu kun, ra ndataꞌvi kun xuꞌun xiꞌin na ndaꞌvi, ra saa ke taxi Ndioxi ña kuika ña iyoo ndivi ndaꞌa kun vaxi kii. Ra te xa na ndiꞌi, ra na kixi kun kundikun kun yuꞌu ―kachi Jesús xiꞌin ra.

San Lucas 19:8

Ra ta xa ndee ndia veꞌe ra Zaqueo, ra saa ndakundichi ra Zaqueo ra ndikaꞌan ra xiꞌin Jesús kachi ra saa: ―Tata, na kundaa ini kun chi kuni yu ndataꞌvi yu iin sava ñaꞌa ña iyoo nuu yu xiꞌin na ndaꞌvi. Ra tu ndia na sandaꞌvi yu, ra viꞌi ka va xuꞌun ndakiꞌin yu ndaꞌa na, ra ndia kumi va ichi sandiko yu ña ndaꞌa na vichin ―kachi ra.

San Juan 13:29

Ra sava ndia ndakani ini, ña kuꞌun ra Judas kan sata ra ñaꞌa ña kuniñuꞌu ndia viko, a ñaꞌa, ña saniꞌi ndia na ndaꞌvi va tu, saa chi mii ra kan kuvi ra ndiso xuꞌun va.

Hechos 10:2

Ra ra Cornelio xiꞌin takundiꞌi na veꞌe ra, ra na xindikun Ndioxi ndixiyo na, ra chindiee taꞌan ni ra xiꞌin na judío xiꞌin xuꞌun, ra tiaa ni tu ndikaꞌan ra xiꞌin Ndioxi va.

Hechos 10:31

Ra ndikaꞌan ra xiꞌin yu kachi ra saa: “Cornelio, xa xini va soꞌo Ndioxi ña kaꞌan ni kun xiꞌin ra, ra xa kundaa tu ini ra ña chindiee taꞌan ni kun xiꞌin na ndaꞌvi va.

Hechos 10:4

Saa ndakotoꞌni vaꞌa ra Cornelio nuu ra tatun kan ra iyuꞌvi ka vi ra, ra saa ndikaꞌan ra kachi ra saa: ―¿Ni chiñu kuni kun yuꞌu, Tata? ―kachi ra. Ra saa ndikaꞌan ra tatun kan xiꞌin ra kachi ra saa: ―Kusii ni ini Ndioxi ña chindiee taꞌan kun xiꞌin na ndaꞌvi, ra xa xini tu soꞌo ra ña kaꞌan ni kun xiꞌin va ra.

Efesios 4:28

Ra ndoꞌo, na xikuu na kuiꞌna, ra na sakuïꞌna ka ndo vichin, chi ña xiniñuꞌu sa ndo ke na sachiñu ndo xiꞌin ndaꞌa va ndo, ña vaꞌa na koo ñaꞌa nuu ndo ña chindiee taꞌan ndo xiꞌin na ndaꞌvi.

1 Timoteo 6:17

Ra na ñani yo, na kuu na kuika iyoo xuꞌun nuu ña yuuvi yoꞌo, ra na kaꞌan kun xiꞌin na ña na kutiäa ni ini na xiꞌin xuꞌun na, ra nii na kundiäa ni tu ini va na ña, saa chi ña ndiꞌi xaꞌa va kuvi ña. Ra ña xiniñuꞌu sa na ke na kondiaa ini na Tata yo Ndioxi ra tiaku va, saa chi ra kan kuvi ra ^taxi takundiꞌi va ñaꞌa ña xamani nuu yo ña vaꞌa na kuniñuꞌu yo ña, ra kusii ni ini yo xiꞌin ña.

1 Timoteo 6:18

Ra ña xiniñuꞌu kaꞌan kun xiꞌin na ñani yo na kuika ke vivii va na sa na xiꞌin xuꞌun na, ra na kuika xiꞌin chiñu vaꞌa va ke na kuu na, ra na koo nduvi tu na ña chindiee taꞌan na xiꞌin inka yuvi, ra ndataꞌvi tu na ñaꞌa ña kuu mii na xiꞌin inka yuvi va.

Hebreos 6:10

Ra Tata yo Ndioxi, ra ra vaꞌa va kuvi ra; ra näa vi ini ra xaꞌa ña xa nduxa ni ndo ña xachiñu ndo nuu ra, ra saa tu ña ^ndakundiee ka ndo xachiñu ndo nuu ra vichin va, ña ^chindiee taꞌan ndo xiꞌin na veꞌe ñuꞌu, xaꞌa ña ^ndañaꞌa ndo mii ndo ña kuꞌvi ni ini ndo xini ndo na.

Santiago 1:27

Saa chi ña vaꞌa, ña ndaa va kuvi ichi Tata yo Ndioxi, ra yuvi na ndikun ichi ra, ra ña xa na ke: chindiee taꞌan na xiꞌin na kuachi kundaꞌvi ndixiꞌi iva siꞌi, ra saa tu xiꞌin na siꞌi na ndukuaan ndixiꞌi yii va, ra nii ^xa yäkua tu na mii na xiꞌin ndia nii chiñu yakua ña iyoo nuu ña yuuvi yoꞌo va.

Santiago 2:14

Ñani yo, ¿ni ke ndiaa yaꞌvi vi ña tu kaꞌan sava ndo ña ndiaa ni ini ndo Tata yo Ndioxi, tu kuëe xa tu ndo ndia nii loꞌo chiñu vaꞌa? ¿A kaku ndo tu takua na kondiaa kuiti ini ndo ra, tuvi ndo?

1 San Juan 3:17

Ra tu iyoo na ñani yo na kuëe xamani ndia nii ñaꞌa nuu ña yuuvi yoꞌo, ra xini na ña ndaꞌvi ni ndoꞌo iin na ñani yo, ra xïin na ña chindiee taꞌan na xiꞌin na, saa ra köo vi ña kuꞌvi ini ña kuu mii Tata yo Ndioxi iyoo nima na.

1 San Juan 4:20

Ra tu kaꞌan sava na kachi na saa: “Yuꞌu, ra kuꞌvi ni va ini yu xini yu Tata yo Ndioxi”, kachi na, ndi su tu kundasi taꞌan va tu na, saa ra na chiꞌña tuꞌun va kuvi na. Saa chi tu küꞌvi ini na xini na yuvi taꞌan na na vaꞌa xini na, saa ra küꞌvi tu ini na xini na Tata yo Ndioxi, ra küvi kuni va na.