San Lucas 23:3 - Mixteco Metlatónoc

³ Ra saa ndindakatuꞌun ra Pilato Jesús, kachi ra saa: ―¿A ndixa rey na judío kuvi yoꞌo? ―kachi ra. Saa ndakuiin Jesús, kachi ra saa xiꞌin ra: ―Ta iyoo ña ndikaꞌan kun, saa iyoo va ña ―kachi ra.

San Lucas 23:3 Iomraidhean Croise

San Mateo 27:11

Ra saa ndiaka na Jesús ndixaa na xiꞌin ra nuu ra Pilato ra kuu gobernador, ra saa nindakatuꞌun ra Jesús kachi ra saa: ―¿A ndixa yoꞌo kuvi ra kuu rey na Judío? ―kachi ra. Saa ndakuiin Jesús kachi ra saa xiꞌin ra: ―Ta kachi kun ke iyoo va ña ―kachi Jesús xiꞌin ra.

San Marcos 15:18

Ra xaꞌa na xasiki na ra kachi na saa: ―¡Ra kaꞌnu ni ku rey na judío! ―kachi na xiꞌin ra.

San Marcos 15:2

Ra saa ndindakatuꞌun ra Pilato Jesús kachi ra saa: ―¿A yoꞌo ku rey na judío? ―kachi ra. Saa ndakuiin Jesús kachi ra saa xiꞌin ra: ―Xa mii kun ku ra ndikaꞌan va ―kachi ra.

San Marcos 15:32

Saa ndikaꞌan na xiꞌin Jesús kachi na saa: ―Yoꞌo ra ndikaxin Ndioxi ra ku Rey nuu nduꞌu, na Israel; nuu ndaꞌa cruz ñaa takaꞌan na kuni ndi ra kandixa ndi yoꞌo, ―kachi na xiꞌin ra. Ra ndia ndia takaa ndaꞌa cruz kan, kañaꞌa xiꞌin ra.

San Lucas 22:70

Ra saa ndindakatuꞌun takundiꞌi ndia ra, kachi ndia saa: ―¿A Seꞌe Ndioxi kuvi ndixa va kun? ―kachi ndia. Ra saa ndakuiin Jesús, kachi ra saa: ―Xa mii ndo ndikaꞌan va, ra suvi kuvi va yu ―kachi ra.

San Lucas 23:38

Ra tiaa na nuu iin vitu loꞌo, ra chinuu ndiaa na nu xini cruz tu takaa Jesús ndaꞌa, ra kaꞌan tuꞌun kan kachi ña saa: “Ra yoꞌo kuvi rey na Israel”, kachi ña, ra uni nuu tuꞌun ke tiaa na, tuꞌun griego, xiꞌin tuꞌun latin, xiꞌin tuꞌun hebreo.

San Juan 1:49

Ra saa ndikaꞌan ra Natanael kachi ra saa xiꞌin Jesús: ―Maestro, yoꞌo kuvi ndixa va ra kuu Seꞌe Ndioxi, ra yoꞌo kuvi tu ra kuu Rey na ñuu Israel va ―kachi ra xiꞌin ra.

San Juan 18:29

Xaꞌa ña kan ke kita ra Pilato chi keꞌe, ra ndikaꞌan ra xiꞌin na kachi ra saa: ―¿Ndia ña kuu kuachi xa tiaa yoꞌo, ña kan ke taxi ndo kuachi xaꞌa ra? ―kachi ra.

San Juan 19:3

Ra kaꞌan ndia xiꞌin ra kachi ndia saa: ―¡Kaꞌnu ni yoꞌo, ra kuu rey na judío! ―^kachi ndia. Saa ra xakin tu ndia xaꞌndia nuu va ra.

1 Timoteo 6:13

Ra ^xitoꞌni va Tata yo Ndioxi, ra ^taxi ña tiaku takundiꞌi ñaꞌa ña iyoo, ra xitoꞌni tu Tata yo Jesucristo, ra ndakuiin ña kuu ra rey nuu na judío ta nditakatuꞌun ra Poncio Pilato va ra,