San Lucas 21:8 - Mixteco Metlatónoc

⁸ Saa ndakuiin Jesús, kachi ra saa xiꞌin ndia: ―Kuenda ni koo ndo ra täxi ndo sandaꞌvi na ndoꞌo. Saa chi kuaꞌa ni na kixi ra kuniñuꞌu na kivi yu ña sandaꞌvi na ndoꞌo, ra kaꞌan na xiꞌin ndo, kachi na saa: “Yuꞌu ku Cristo; ra vichin ke nditandiaa kii ndiꞌi xaꞌa ña yuuvi yoꞌo”, kachi na. Ra na kandïxa ndo na, ña ndakundikun ndo na.

San Lucas 21:8 Iomraidhean Croise

San Mateo 24:11

Ra kii kan ra kuaꞌa ni na maña, na xa kaꞌan tuꞌun yuꞌu Ndioxi kixi sandaꞌvi yuvi, ra kuaꞌa ni yuvi sandaꞌvi na.

San Mateo 3:2

ra kachi ra saa: ―Nandiko ini ndo xaꞌa kuachi ndo, ra ndakiꞌin ndo ichi Ndioxi, chi xa kuyachin ni ña kaꞌndia Ndioxi chiñu ―*kachi ra.

San Mateo 4:17

Ra kii kan xaꞌa Jesús kaꞌan ndoso ra tuꞌun Ndioxi nuu yuvi, kachi ra saa: ―Nandiko ini ndo xaꞌa kuachi ndo ra ndakiꞌin ndo ichi Ndioxi, chi xa kuyachin va ra ña kaꞌndia ra chiñu nuu ndo ―*kachi ra xiꞌin na.

San Lucas 17:23

Ra kii kan ra kaꞌan na xiꞌin ndo kachi na saa, “Yoꞌo íin ra ke̱e nuu Ndioxi”; a “kaa íin ra ke̱e nuu Ndioxi”, na kachi na. Ra na küꞌun ndo nuu na, ra nii na ndakundïkun ndo sata na.

San Lucas 21:7

Ra saa nindakatuꞌun ndia ra kachi ndia saa: ―Tata Maestro, ¿ama ke kuu saa? ¿Ra ni ke sa ndi ña vaꞌa kundaa ini ndi ta xa na kuyachin ndiꞌi xaꞌa ña? ―kachi ndia.

San Lucas 21:9

Ra te xa na xaꞌa kuni soꞌo ndo ña iyoo ni kuachi, ra xaꞌa kuni soꞌo ndo ña kanitaꞌan ni yuvi, saa ra na kuayüꞌvi ndo, chi xiniñuꞌu saa ke kuu va. Ndi su süvi ña xa ndiꞌi xaꞌa kuvi ña yuuvi.

San Juan 5:43

Ra yuꞌu, ra xiꞌin ndiayu Tata va yu ke vaxi yu, ra xïin ndo kandixa ndo yuꞌu, ra tu inka tu na na kixi xiꞌin ndiayu mii, saa ra ndakiꞌin mani va ndo na kan.

San Juan 8:24

Ña kan ke ndikaꞌan yu xiꞌin ndo ña kuvi ndo xaꞌa kuachi ndo, saa chi tu na kuïin ndo kandixa ndo yuꞌu ña ^kuu yu tiaa ra kuu yu, saa ra kuvi va ndo xaꞌa kuachi ndo ―kachi ra.

San Juan 8:28

Ra saa ndikaꞌan ka Jesús xiꞌin ndia kachi ra saa: ―Te xa na ndoniꞌi ndo yuꞌu ra xaa yoꞌo vichin, ra saa vi ke kundaa ini ndo ña kuu yu tiaa ra kuu yu, ra xä yu ndia nii ña kuni mii yu, chi ña sañaꞌa Tata yu yuꞌu va ke ^xa yu.

1 Corintios 6:9

¿A kundäa ini ndo ña küvi vi koo yuvi na xa chiñu kiꞌvi nuu xaꞌndia Ndioxi chiñu? Ra na sandäꞌvi ndo mii ndo, chi xa kundaa va ini ndo, chi nuu xaꞌndia Ndioxi chiñu, ra küvi vi koo yuvi na xika sii, na ndikun Ndioxi ndii, xiꞌin tiaa ndia xa siki yasiꞌi, a na siꞌi va tu, xiꞌin tiaa ndia kixi xiꞌin inka tiaa, xiꞌin tiaa ndia ndusiꞌi xiꞌin inka tiaa,

Efesios 5:6

Ra tu kaꞌan sava na xiꞌin ndo ña vaꞌa va sa ndo chiñu yakua, ra na täxi ndo ña sandaꞌvi na ndo, saa chi yuvi na ^xa chiñu yakua ra xïin na kandixa na Ndioxi, ra ^sandoꞌo va ra na.

2 Tesalonicenses 2:3

Ra xaꞌa ña kan ke ndia nii loꞌo na täxi ndo sandaꞌvi na ndoꞌo. Saa chi te xa na xaa kii ña nandiko tuku Tata yo Jesucristo kixi ra, ra xiꞌna ka va na sáa̱ ini xini Ndioxi kuvi na ndakuita kanitaꞌan xiꞌin ra, ra mii kii kan ke ndita tuvi tu ra ndivaꞌa ra chituni Tata yo Ndioxi ndiꞌi xaꞌa va.

2 Timoteo 3:13

ndi su yuvi väꞌa, yuvi chiꞌña tuꞌun, ra ta iin iin kii ra na nduu ñaꞌa vaꞌa ka va kuvi na, saa chi ña sa na ke sandaꞌvi na yuvi, ra inka tu yuvi sandaꞌvi taꞌan xiꞌin mii va na.

1 San Juan 4:1

Ñani yo, na kandïxa ndo yuꞌu takundiꞌi yuvi na kaꞌan ña kuu mii na Tachi Yii Tata yo Ndioxi, chi ña xiniñuꞌu sa ndo ke na kotondoso va ndo na, ra saa ke kundaa ini ndo, a ndixa Tachi Yii Tata yo Ndioxi ke kuu mii na, a süvi va ña. Saa chi vichin, ra xa vaxi xikoo ni va yuvi na chiꞌña tuꞌun nuu ña yuuvi yoꞌo, ra kaꞌan na ña kuu na yuvi na kaꞌan tuꞌun yuꞌu Tata yo Ndioxi.

2 San Juan 1:7

Ra suꞌva ke kachi yu xiꞌin ndo xaꞌa ña yoꞌo, saa chi xa iinii kuvi va iyoo kuaꞌa ni yuvi na sandaꞌvi, ra sañaꞌa na tuꞌun chiꞌña inka na, ra kaꞌan na ña nindüu Tata yo Jesucristo iin tiaa taꞌan mii yo, ra kixi ra nuu ña yuuvi yoꞌo. Ra yuvi na xa saa kan, ra na chiꞌña tuꞌun va kuvi na, ra kuu tu na na ^kanitaꞌan xiꞌin Tata yo Jesucristo va.

Apocalipsis 1:3

Ra vaꞌa ni kee yuvi na ^kaꞌvi tuꞌun Ndioxi, ña yii, ña vaxi nuu tutu yoꞌo, ra ^xini soꞌo na ña kaꞌan ña, ra kandixa na ña, saa chi xa kuyachin ni kii ña kuu ña ndikaꞌan Ndioxi.

Apocalipsis 12:9

Ra suꞌva ke ndoꞌo ko̱o̱ ñàꞌa, ri kuu ko̱o̱ yata ni, ri kuu timiaꞌa, ri ^sandaꞌvi iinii saa ña yuuvi, chi sakutiaꞌa ra tatun Ndioxi kan ri nuu ndivi ra sakoꞌni ra ri ndia nuu ñuꞌú, ra ndia na tatun ñàꞌa na itaꞌan xiꞌin ri kuvi na ndikoyo xiꞌin ri.