San Lucas 20:17 - Mixteco Metlatónoc

¹⁷ Ra saa xitoꞌni Jesús nuu na, ra ndikaꞌan ra xiꞌin na, kachi ra saa: ―¿Ni ke kachi ndo xaꞌa tuꞌun Ndioxi ña tiaa na xinaꞌa? Chi suꞌva va ke kachi ña: Yuu ña kuñuꞌu na xavaꞌa veꞌe ta yachi ku yuu ña xiniñuꞌu vaꞌa ka va vichin.

San Lucas 20:17 Iomraidhean Croise

Hechos 4:11

Ra Jesús yoꞌo kuvi ra kuu yuu ña kundasi ndoꞌo, na xavaꞌa veꞌe, ndi su ra yoꞌo kuvi ra kuu yuu ña xiniñuꞌu vaꞌa ka va vichin.

San Mateo 21:42

Ra saa ndikaꞌan Jesús xiꞌin na kachi ra saa: ―¿A ndia nii va ichi täan kaꞌvi ndo tuꞌun Ndioxi ña tiaa na xinaꞌa, ña kachi suꞌva?: Yuu ña kuñuꞌu na xavaꞌa veꞌe ta yachi kuu yuu ña xiniñuꞌu vaꞌa ka va vichin. Ra Ndioxi va ku ra xa ña yoꞌo, ra ndakanda ni ini yo xiꞌin ña, ^kachi ña.

San Marcos 12:10

Ra saa ndikaꞌan ka Jesús xiꞌin na xikuaꞌa veꞌe ñuꞌu, kachi ra saa: ―¿A täan kaꞌvi ndo tuꞌun Ndioxi ña tiaa na xinaꞌa? Ña kachi suꞌva: Yuu ña ku̱ñu̱ꞌu̱ na xavaꞌa veꞌe te yachi ku yuu ña xiniñuꞌu vaꞌa ka va vichin.

San Lucas 22:37

Ra kaꞌan yu ña yoꞌo xiꞌin ndo, chi vichin ke xiniñuꞌu xinu nuu tuꞌun Ndioxi ña tiaa na xaꞌa yu xinaꞌa ña ndakani kachi suꞌva: “Ra tiꞌvi Ndioxi xaa, ra xiꞌin yuvi na iyoo kuachi va ndachutaꞌan na ra”, kachi ña. Ra takundiꞌi tuꞌun ña ndakani xaꞌa yu, ra ña xaa yu vichin ke xinu nuu va ña ―kachi ra.

San Juan 15:25

Ra suꞌva ke xiniñuꞌu kuu va, ña kan ke vaꞌa xinu nuu tuꞌun Ndioxi ña kachi suꞌva: “Iin saa kaa kundasi na yuꞌu va”, kachi ña.

San Lucas 24:44

Ra saa ndikaꞌan ra xiꞌin ndia, kachi ra saa: ―Xaꞌa takundiꞌi ña kuu yoꞌo ke ndikaꞌan yu xiꞌin ndo te ndixiyo yu xiꞌin ndo ta yachi: ña xiniñuꞌu xinu nuu ndiayu Ndioxi ña ndakoo ra Moisés, ra saa tu ña ndikaꞌan na ndikaꞌan tuꞌun yuꞌu Ndioxi xinaꞌa va, ra saa ke ^kachi tu ña tiaa na nuu tutu Salmo va ―kachi Jesús xiꞌin ndia.

San Lucas 22:61

Ra saa ndikokuiin Jesús ndakotoꞌni ra nuu ra Pedro, ra saa vi ke ndakaꞌan ra Pedro xaꞌa tuꞌun ña ndikaꞌan Jesús xiꞌin ra, ta kachi ra suꞌva: “Ñuu vichin ra xa uni va ichi tiseꞌe tuꞌun kun xaꞌa yu, ra saa kana chele”, kachi ra.

San Marcos 10:23

Saa ndikokuiin Jesús ra ndakotoꞌni ra nuu ndia xika xiꞌin ra, ra ndikaꞌan ra xiꞌin ndia, kachi ra saa: ―Na kuika, ra tiaa ni uꞌvi saa kuchuun na kiꞌvi na ndivi nuu xaꞌndia Ndioxi chiñu ―kachi ra xiꞌin ndia.

San Marcos 3:5

Saa xakueꞌe ni Jesús ixtoꞌni ra nuu takundiꞌi na ndee kan, ra kusuchi ni tu ini ra xiꞌin va na xaꞌa ña ndiee ni ini na; chi xïin na kandixa na ña kaꞌan ra. Saa ndikaꞌan ra xiꞌin ra kue̱ꞌe ndaꞌa kan, kachi ra saa: ―Sandakaa ndaꞌa kun ―kachi ra xiꞌin ra. Ra saa sandakaa tiaa kan ndaꞌa ra, ra ndikun nduvaꞌa va ña.

San Lucas 19:41

Ra te ndixaa Jesús nuu ñuu kaꞌnu Jerusalén, ra saa ndakoto ndiaa ra nuu ñuu kan, saa ra xaku va ra xaꞌa na ñuu kan.

Efesios 2:20

Ra ta iyoo iin veꞌe chee ña sakan ^xavaꞌa Ndioxi va kuvi ña iyoo ndo; ra ndia xika chiñu nuu Jesucristo, xiꞌin ndia ndikaꞌan ndoso tuꞌun yuꞌu Ndioxi xinaꞌa, ra ta kuꞌva iyoo yuu ña xakin xaꞌa na veꞌe va kuvi ña iyoo ndia kan, saa chi ndia kan kuvi ndia sañaꞌa yuvi xaꞌa tuꞌun Ndioxi, ra sata tuꞌun kan va kuvi ña ^kuvaꞌa ndoꞌo vichin, saa chi xa ^kandixa va ndo tuꞌun ña ndikaꞌan ndoso ndia; ra mii Jesucristo va kuvi ra kuu yuu kaꞌnu ña kuu ndiee xaꞌa veꞌe kan.

1 San Pedro 2:6

Ra xaꞌa ña yoꞌo kuvi tu ña kaꞌan tuꞌun Tata yo Ndioxi ña kachi suꞌva va: Chi Sión chinduꞌu yu iin yuu kaꞌnu ña xiniñuꞌu ni, yuu kan ra vaꞌa ni ña, ra ndiaa yaꞌvi ni va tu ña; ra yuvi na kandixa ra iyoo ta kuꞌva iyoo yuu kan, ra ndukäꞌan nuu na, ra ni ndakäva tu ini va na.