San Lucas 2:34 - Mixteco Metlatónoc

³⁴ Saa ndikaꞌan ra Simeón xiꞌin na, kachi ra saa: ―Ndioxi na taxi ka ña vaꞌa ndaꞌa ndo; ra na chindiee taꞌan ra xiꞌin ndo ―kachi ra. Ra saa ndikaꞌan ka ra xiꞌin ña María, kachi ra saa: ―Xa mii Ndioxi ndikaxin ra loꞌo seꞌe kun, ña sakaku ra na ñuu Israel. Ra kuaꞌa ni na kaku sa ra, ra kuaꞌa ni tu na ndiꞌi xaꞌa va. Ra ra yoꞌo ku ra kuu iin seña nuu na yuuvi yoꞌo, ra kuaꞌa ni na kuïin kandixa.

San Lucas 2:34 Iomraidhean Croise

San Mateo 11:19

Ra vichin xa̱a tu yuꞌu, ra tiꞌvi Ndioxi; ra xíxi yu, ra xiꞌi yu vino, ra kaꞌan ndo xaꞌa yu: ña kini ni xixi yu, ra kini ni xiꞌi yu vino, ra itaꞌan tu yu xiꞌin yuvi kuachi, xiꞌin na kaya xuꞌun kuaꞌan ndaꞌa gobierno ñuu Roma va, kachi ndo xaꞌa yu. Ndi su na ndakiꞌin ña vaꞌa, ña ndichi ña táxi Ndioxi kuvi yuvi na ndañaꞌa mii ña kúu na seꞌe va ra, chi xiin va na kandixa na ña sañaꞌa ra Juan, ra saa tu ña ^sañaꞌa yuꞌu va ―kachi Jesús xiꞌin na.

San Mateo 12:46

Ra saa kuu Jesús ndatuꞌun ka ra xiꞌin yuvi kan, saa ra ndixaa va siꞌi ra xiꞌin na ñani ra, ra xikundita na chi keꞌe ña ndiatu na ra, chi kuni na kaꞌan na xiꞌin ra.

San Mateo 21:44

Ra ndia ndia ka yuvi na nduva sata yuu yoꞌo, saa ra taꞌnu ndiꞌi va na; ra tu mii yuu yoꞌo tu na ndakava sata na, saa ra kuu xeꞌe yaa va na sa ña ―*kachi Jesús xiꞌin na.

San Mateo 27:63

ra ndikaꞌan ndia xiꞌin ra kachi ndia saa: ―Tata gobernador, vaxi ndi nuu kun ndatuꞌun ndi xiꞌin kun, saa chi ndakuꞌun ini ndi xaꞌa tuꞌun ña ndikaꞌan Jesús, ra maña, ra sandaꞌvi yuvi kan, te xitiaku ra, chi ndikaꞌan ra kachi ra saa: “Te xa na kuvi yu ra kii uni ndatiaku tuku va yu”, kachi ra.

San Lucas 2:35

Ra kundaa ini ra xaꞌa ña ndakani ini yuvi. Ra kusuchi ni tu ini va kun xaꞌa ra. Chi iin ndiakua ta ndoꞌo na siso ichi nima, saa ndoꞌo kun xaꞌa ra ―kachi ra Simeón xiꞌin ña María.

San Juan 3:20

Ra takundiꞌi yuvi na ^xa chiñu kiꞌvi ra kundasi va na ñùꞌù ña tuun, ra xïin na kuyachin na nuu ña, saa chi tu köo, ra ndatuvi ndiꞌi va xaꞌa chiñu kiꞌvi ña xa na.

San Juan 5:18

Ra xaꞌa tuꞌun yoꞌo ke ndixika nduku ni ka na judío ña kaꞌni na Jesús, saa chi süvi niña kii yii ndakindiee na kuvi ña ndikanduu ra, chi ndikaꞌan tu ra ña kuu Iva ra Ndioxi va, ra iin kuvi va tu ra xiꞌin Ndioxi kachi ra, ña kan ke ndisaa ni ndia xiꞌin ra.

Hechos 13:45

Ndi su ta xini na judío kan ña kuaꞌa ni yuvi ndakutaꞌan ña kuni soꞌo na tuꞌun Ndioxi, saa ra tiaa ni ndukuini ini na xini na ra Pablo, Ra saa xaꞌa na ndikaꞌan ñaꞌa kini na xaꞌa ra, ra ni süvi ña ndaa ke kaꞌan ra, kachi na.

Hechos 17:6

Ndi su ndindanïꞌi vi na ra Pablo xiꞌin ra Silas, ra ndia ra Jasón va tiin kañuꞌu na kuaꞌan na, xiꞌin sava ka na ndikun Jesús, ra ndixaa na xiꞌin na nuu na chiñu ñuu kan, ra ndaꞌyu na, kachi na saa: ―Ra Pablo xiꞌin ra Silas, kuvi ndia xika sakaku kuachi ini saa ña yuuvi, ra vichin ra ndia yoꞌo va xaa ndia,

Hechos 24:5

Ra na kundaa ini kun chi tiaa yoꞌo, ra iin kueꞌe chee kuvi ra, chi iinii kuvi va ñuu xika ra ndataꞌvi ra yuvi, ña inuu ra nuu iin tiꞌvi yuvi na vatia na kuu nazareno.

Hechos 28:22

Ndi su ^kuni va tu ndi ña kuni soꞌo ndi, xaꞌa ña kaꞌan kun, saa chi iinii kuvi va kundasi na ña ndikun kun ñaa ―kachi ndia.

Hechos 4:26

Na kuu rey, xiꞌin na xikuaꞌa kunaꞌnu nuu na ñuu ra xa iyoo nduvi na, ra ndakutaꞌan na ña kanitaꞌan na xiꞌin Ndioxi, ra saa tu xiꞌin Cristo ra kuu seꞌe va ra.

Hechos 6:7

Ra iin nindutia ndoso tuꞌun Ndioxi kuaꞌan ña ini kuvi ñuu Jerusalén, ra iin ndisaa kii va ndukuaꞌa na ndakundikun Jesús, ra kuaꞌa ni tu ndia sutu judío va kandixa tuꞌun ña sañaꞌa ndia ndikun Jesús.

Romanos 9:32

¿Ra nichuun ke ndoꞌo na saa tuvi ndo? Saa ndoꞌo na, saa chi ña xa na ke kuni na nduu na ta kuꞌva iyoo yuvi na köo kuachi nuu Ndioxi xaꞌa ña saxinu na ña kaꞌan ndiayu Ndioxi ña ndakoo ra Moisés va, ndi su ndixïndiaa ini vi na mii Ndioxi. Ra xaꞌa ña kan ke kakiꞌi va na xa “yuu ña ^sakakiꞌi yuvi”.

1 Corintios 1:23

Ndi su nduꞌu, ra xaꞌa Jesucristo ra katakaa na ndaꞌa cruz va ke ^kaꞌan ndoso ndi. Ra ña yoꞌo, ra ña kàꞌàn nuu va kuvi ña tuvi na judío, ra ña köo vaꞌa yaꞌvi ndiaa vi tu kuvi ña kaꞌan ndi tuvi yuvi na küu judío;

Hebreos 7:1

Ra ra Melquisedec yoꞌo, kuvi ra xikuu rey nuu na ñuu Salem, ra xikuu tu ra sutu ra xachiñu nuu Tata yo Ndioxi ra kaꞌnu va. Ra te ndixaꞌan ra Abraham xiꞌin ndia xitaꞌan xiꞌin ra ña kanitaꞌan ndia xiꞌin inka ndia rey, ra kuchuun va ndia sandiꞌi ndia xaꞌa ndia rey kan. Ra te xa nandiko ra vaxi ra xiꞌin ndia itaꞌan xiꞌin ra, ra saa kanata ra Melquisedec ndakutaꞌan ra xiꞌin ra ichi nuu vaxi ra, ra saa ndikaꞌan ra xiꞌin Ndioxi xaꞌa ra Abraham ña na taxi Ndioxi ña vaꞌa kutaꞌvi ra.

Hebreos 7:7

Ra vichin, ra xa kundaa va ini yo, chi yuvi na kaꞌan xiꞌin Ndioxi xaꞌa yuvi ña na niꞌi na ña vaꞌa va kuvi na ndiaa yaꞌvi ni ka nuu yuvi na ndakiꞌin ña vaꞌa. Ra xiꞌin ña yoꞌo ke kundaa ini yo ña xiniñuꞌu ni ka va ra Melquisedec nuu ra Abraham.

1 San Pedro 4:14

Ra na kusii ini ndo, te kaꞌan ñaꞌa na xiꞌin ndo xaꞌa ña ndikun ndo Tata yo Jesucristo, saa chi te xa na saa xiꞌin ndo, saa ra kuni kachi ña saa, ña iyoo ña kaꞌnu ña kuu Tachi Yii Tata yo Ndioxi xiꞌin va ndo. Saa chi na kan, ra na kaꞌan ñaꞌa va kuvi na xaꞌa Tata yo Jesucristo, ndi su ndoꞌo, ra ra ndasakaꞌnu va ndo kuvi ra.