San Lucas 2:10 - Mixteco Metlatónoc

¹⁰ Ra saa ndikaꞌan ra tatun Ndioxi kan xiꞌin ndia, kachi ra saa: ―Kuayüꞌvi ndo, chi ña vaꞌa va vaxi yu ndatuꞌun yu xiꞌin ndo. Chi iin kusii ini takundiꞌi va na yuuvi yoꞌo xaꞌa ña ndatuꞌun yu xiꞌin ndo.

San Lucas 2:10 Iomraidhean Croise

San Mateo 14:27

Saa ra, ndikun ndikaꞌan va Jesús xiꞌin ndia kachi ra saa: ―¡Yayaa koo ndo! ra ¡Kuayüꞌvi ndo!, chi yuꞌu va kuvi ra ―kachi ra xiꞌin ndia.

San Mateo 28:18

Ra saa kuyachin Jesús nuu ndia, ra ndikaꞌan ra xiꞌin ndia kachi ra saa: ―Ndaꞌa yuꞌu ke ndataxi Ndioxi takundiꞌi ndiayu ña kaꞌndia yu chiñu ndivi, ra saa tu nuu ña yuuvi yoꞌo va.

San Mateo 28:5

Ra saa ndikaꞌan ra tatun Ndioxi kan xiꞌin na siꞌi kan, kachi ra saa: ―Kuayüꞌvi ndo, chi xa kundaa va ini yu ña nanduku ndo Jesús, ra xitakaa ndaꞌa cruz.

San Marcos 1:15

Ra kaꞌan ndoso ra nuu na kachi ra saa: ―Xa nditiandiaa kii kuu ña ndikaꞌan Ndioxi kuu, ra xa kuyachin kii ña kaꞌndia Ndioxi chiñu nuu ndo; nandiko ini ndo xaꞌa kuachi ndo, ra kandixa ndo tuꞌun vaꞌa ña taxi Ndioxi xiꞌin ndinuni nima ndo ―kachi ra xiꞌin na.

San Marcos 16:15

Saa ndikaꞌan ra xiꞌin ndia kachi ra saa: ―Kuaꞌan ndo iinii kuvi ña yuuvi ra kaꞌan ndoso ndo tuꞌun vaꞌa, tuꞌun Ndioxi nuu iin takundiꞌi na yuvi.

San Lucas 1:13

Ra saa ndikaꞌan ra tatun Ndioxi kan xiꞌin ra, kachi ra saa: ―Kuayüꞌvi kun, Zacarías, saa chi xa xini va soꞌo Ndioxi ña ndikaꞌan kun xiꞌin ra. Ra vichin kaku iin tiaa loꞌo seꞌe yasiꞌi kun, ra Juan chinduꞌu kun kivi ra.

San Lucas 1:19

Ra saa ndakuiin ra tatun Ndioxi kan, kachi ra saa: ―Yuꞌu kuvi ra nani Gabriel. Ra iin ndisaa kii va iyoo nduvi yu ña xika yu chiñu nuu Ndioxi. Ra suvi kuvi ra tiꞌvi yuꞌu ña vaxi yu ndatuꞌun yu xiꞌin kun xaꞌa ña vaꞌa yoꞌo va.

San Lucas 1:30

Ra saa ndikaꞌan ra tatun Ndioxi xiꞌin ña, kachi ra saa: ―Kuayüꞌvi kun María, chi ña vaꞌa va kuni Ndioxi sa ra xiꞌin kun.

San Lucas 2:11

Chi vichin kaku iin ra loꞌo ñuu Belén, nuu kaku ra rey David; ra ra loꞌo yoꞌo ku Cristo, ra kaꞌnu nuu yo, ra ra ndikaxin Ndioxi sakaku ndoꞌo kuvi ra.

San Lucas 24:47

ra kaꞌan ndoso na ndikun ichi ra kivi ra iinii kuvi ña yuuvi, ña vaꞌa na nandiko ini takundiꞌi yuvi xaꞌa kuachi na, ra koo kaꞌnu ini ra xaꞌa na, ra xiꞌna ka va ñuu Jerusalén ke kiꞌin na kaꞌan ndoso na kuꞌun na, kachi ña.

San Lucas 8:1

Ra ta ndiꞌi, ra ndakiꞌin Jesús kuaꞌan ra xiꞌin uxi uvi saa ndia itaꞌan xiꞌin ra. Ra iinii kuvi ñuu naꞌnu, xiꞌin ñuu vali kaꞌan ndoso ra tuꞌun Ndioxi. Ra ndatuꞌun ra xiꞌin na xaꞌa ichi nuu xaꞌndia Ndioxi chiñu.

Hechos 13:32

’Xaꞌa ña kan ke ndatuꞌun tu nduꞌu va xiꞌin ndo vichin, xaꞌa tuꞌun vaꞌa, ña kindoo Ndioxi xiꞌin na xii xikua yo xinaꞌa.

Romanos 10:15

¿Ra ni ke sa tu na xa ndikun Ndioxi ña kuꞌun na ña ndatuꞌun na xaꞌa Jesucristo xiꞌin yuvi, tu süvi Ndioxi kuvi ra nditiꞌvi na ña kuꞌun na? Ra suꞌva ke kachi tuꞌun Ndioxi ña tiaa na xinaꞌa ña kaꞌan, kachi suꞌva: “¡Tiaa ni nduvi, ta xa ^xaa yuvi nuu yo ña kaꞌan ndoso na tuꞌun vaꞌa ña ^taxi Ndioxi!”, ^kachi ña.

Efesios 3:8

Ra mii ña ndixa ra köo vi yaꞌvi ndiaa yu nuu takundiꞌi na ñani yo na ndikun Tata yo Ndioxi; ndi su vaꞌa ni saa va, ndi su ndiniꞌi taꞌvi va yu ña vaꞌa nuu Ndioxi, ña kaꞌan ndoso yu tuꞌun vaꞌa xaꞌa ña kuika ña kuëe ndiꞌi xaꞌa ña iyoo nuu Tata yo Jesucristo.

Colosenses 1:23

ra ña vaꞌa na xaa ndo nuu Ndioxi, ra ña xiniñuꞌu va kuvi ña ndaku ni na koo nima ndo, ña kundikun ndo Tata yo Jesucristo, ña vaꞌa na ndaköo ndo tuꞌun vaꞌa xaꞌa Tata yo Jesucristo ña xini soꞌo ndo. Ra tuꞌun vaꞌa yoꞌo, ra xa iinii kuvi va nuu ña yuuvi xini soꞌo na ña, ra suvi kuvi tu ña kaꞌan ndoso yuꞌu, ra Pablo va.