San Lucas 19:10 - Mixteco Metlatónoc

¹⁰ Saa chi yuꞌu ra xaa yoꞌo vichin, kuvi ra xaa ndanduku na nindoñuꞌu, ra sakaku yu na ―kachi ra.

San Lucas 19:10 Iomraidhean Croise

San Mateo 1:21

Ra tiaa loꞌo kuu seꞌe ña ra kaku, ra JESÚS ke chinduꞌu kun kivi ra, ra saa ke kunani ra, saa chi ra yoꞌo kuvi ra sakaku na ñuu ra xaꞌa kuachi na ―*kachi ra tatun Ndioxi kan xiꞌin ra José.

San Mateo 10:6

chi sata ndikachi vali ri xinuꞌni xika sana, ri kuu ndiseꞌe ñuu Israel va ke na kuꞌun ndo.

San Mateo 15:24

Ra saa ndakuiin Jesús kachi ra saa: ―Takua na ñuu Israel va kuvi na tiꞌvi Ndioxi yuꞌu vaxi yu xaꞌa, saa chi ta iyoo ndikachi vali ri nindoñuꞌu va ke iyoo na ―*kachi ra.

San Mateo 18:10

Ra saa ndikaꞌan ka Jesús xiꞌin ndia kachi ra saa: ―Kuenda ni koo ndo, ra na kundäsi ndo ndia nii yuvi na xa ninu xiꞌin mii, saa chi na tatun Ndioxi na kiꞌin kuenda xiꞌin na iin takundiꞌi kii, ra yachin ni va ndee na xiꞌin Tata yu Ndioxi ndivi ninu.

San Mateo 18:11

Ra yuꞌu, ra xaa yoꞌo vichin, ra xaa yu ña nanduku yu yuvi na nindoñuꞌu, ra sakaku va yu na.

San Lucas 15:32

Ndi su xiniñuꞌu va ndatava yo viko, ña na kusii ini yo, saa chi xa ta iyoo ra ndixiꞌi va ndixiyo ñani kun, ña ndindoñuꞌu ra ndixaꞌan ra, ndi su vichin ra ndaxaa va ra, ra ta iyoo ra ndatiaku va iyoo ra”, kachi iva ra xiꞌin ra, kachi tuꞌun ndichi yoꞌo ―kachi Jesús xiꞌin ndia.

San Lucas 15:8

Ra saa ndikaꞌan Jesús inka tuꞌun ndichi xiꞌin ndia kachi ra saa: ―Ra tu ndia tu iin ñaꞌa ña iyoo uxi xuꞌun kaa nuu, ra na sandoñuꞌu ña iin ña, ¿ra a ndavikun ña ñuꞌu, ra kaka ña ndatiꞌvi ña veꞌe ña ndiakua ndaniꞌi ña ña?

San Juan 3:17

Ra nditïꞌvi Ndioxi seꞌe ra ña kixi ra ña kaꞌan ra ña na ndoꞌo na yuuvi yoꞌo xaꞌa kuachi na, chi xaꞌa ña sakaku va ra na ke kixi ra.

Romanos 5:6

Ra kii ña xindoꞌni yo ndaꞌa kuachi, ra ndikuchüun vi yo ña ndatava yo mii yo ndaꞌa ña, ndi su ndixaa va tu iin kii ña chituni Ndioxi, ña kixi Cristo ndixiꞌi ra xaꞌa yoo yuvi na iyoo kuachi.

Hebreos 7:25

Ra ña kuëe ndakoo Tata yo Jesús, ña kuu ra sutu kuvi ña ^sakaku ra takundiꞌi va yuvi na kuyachin nuu Tata yo Ndioxi xiꞌin kivi ra. Ndi su ra kan ra köo ka ña ndiko ra sa ra, chi xa xa ndiꞌi va ra ña. Ra ña tiaku Tata yo Jesús iin takundiꞌi kii, ra ña xaku ndaꞌvi ra xaꞌa yo nuu Tata yo Ndioxi va kuvi ña.