San Lucas 18:9 - Mixteco Metlatónoc

⁹ Ra saa ndatuꞌun Jesús inka tuꞌun ndichi xaꞌa yuvi na ndasavaꞌa ni mii, ra kundasi na inka na, ra kachi ra saa:

San Lucas 18:9 Iomraidhean Croise

San Lucas 10:29

Ra ña kuni ra maestro xini ndiayu Ndioxi kan ña ndasa vaꞌa ra mii va ra ke ndindakatuꞌun ra Jesús, kachi ra saa: ―¿Yoo kuvi na taꞌan yo tuvi yoꞌo, Tata? ―kachi ra xiꞌin ra.

San Lucas 15:2

Ra xaꞌa ña kuyachin na yoꞌo nuu Jesús ke xaꞌa ndiaa fariseo xiꞌin ndiaa maestro sañaꞌa ndiayu Ndioxi, ndikaꞌan ñaꞌa ndia xaꞌa Jesús kachi ndia saa: ―Tiaa yoꞌo, ra itaꞌan va ra xiꞌin yuvi, na iyoo ni kuachi, ra xixi tu ra xiꞌin va na ―kachi ndia.

San Lucas 16:15

Ra saa ndikaꞌan Jesús xiꞌin ndia fariseo kan kachi ra saa: ―Ndoꞌo, ra nuu yuvi yoꞌo va ke ndasa vaꞌa ni ndo mii ndo, ndi su Ndioxi, ra xini va ra ndixaa ke iyoo nima ndo. Ra ñaꞌa ña chee ni nuu na yuuvi yoꞌo, ra ña kundasi va Ndioxi kuvi ña ―kachi ra xiꞌin ndia.

San Lucas 18:11

Ra saa ndixaa ra fariseo kan, xikundichi ra ini veꞌe ñuꞌu, ra xaꞌa kaꞌan ra xiꞌin Ndioxi kachi ra saa: “Tata, taxi ni yu tixaꞌvi ndaꞌa kun, saa chi kuëe iyoo yu ta kuꞌva iyoo na kuiꞌna, na ndivaꞌa, ra nii xïka yu xiꞌin inka ñaꞌa; ra ni kuëe iyoo yu ta kuꞌva iyoo tiaa ra kaya xuꞌun yoꞌo.

San Lucas 19:7

Ra ta xini yuvi kan ña ndakiꞌin Jesús kuaꞌan ra xiꞌin ra Zaqueo, saa ra xaꞌa na kañaꞌa na xaꞌa ra kachi na saa: ―¿Nichuun kuaꞌan Jesús veꞌe ra Zaqueo? Saa chi süvi ra vaꞌa kuvi ra ―kachi na.

San Lucas 7:39

Ra ta xini ra Simón ña xa ñaꞌa kan, saa xaꞌa ra ndakani ini ra, kaꞌan ra saa: “Süvi ndixa vi ra kaꞌan tuꞌun yuꞌu Ndioxi kuvi ra yoꞌo, saa chi tu ndixa suvi ra, saa ra xa kundaa va ini ra ndia ñaꞌa kuvi ña yoꞌo, saa chi süvi ña vaꞌa kuvi ña”, kaꞌan ra.

San Juan 8:48

Ra saa ndikaꞌan na judío kan xiꞌin Jesús kachi na saa: ―Xini vaꞌa va ndi ña ndikaꞌan ndi ña kuu kun ra ñuu Samaria, ra sana kun, ra kuu mii kun tachi ndivaꞌa ―*kachi na xiꞌin ra.

San Juan 9:28

Ra saa ndikaꞌan ndivaꞌa ndia xiꞌin ra, kachi ndia saa: ―Yoꞌo va kuvi ra ndikun sata tiaa ñaa, ndi su nduꞌu, ra ra Moisés va kuvi ra ndikun ndi.

San Juan 9:34

Ra saa ndikaꞌan ndia kachi ndia saa xiꞌin ra: ―¿A yoꞌo, ra kaku xiꞌin kuachi vi kuvi ra xaa sañaꞌa nduꞌu? ―kachi ndia xiꞌin ra. Ra saa tava ndia ra ini veꞌe ñuꞌu kan, kuaꞌan va ra.

Hechos 22:21

Ra saa ndikaꞌan tuku ra xiꞌin yu, kachi ra saa: “Savii, saa chi kani ni tiꞌvi yu yoꞌo kuꞌun kun ña ndakani kun xaꞌa yu, saa chi ndia nuu na küu judío ke kuꞌun kun”, kachi ra xiꞌin yu, ―kachi ra Pablo xiꞌin na.

Romanos 10:3

Saa chi xïni vi na ndia kuꞌva ke ^xa Ndioxi ña sandiꞌi ra xaꞌa kuachi yuvi, ra nduu na ta kuꞌva iyoo yuvi na köo kuachi nuu ra, chi ña xa na ke nduku mii va na kuꞌva ña nduu na ta kuꞌva iyoo yuvi na köo kuachi nuu ra, ra ^xïin vi na sa na ta kuꞌva kuni mii ra ña vaꞌa na nduu na yuvi na köo kuachi.

Romanos 14:10

Ña kan ke na käꞌan kiꞌvi ndo xaꞌa na ñani yo na ndikun Cristo, ra nii na kundäsi taꞌan tu ndo xiꞌin va na, saa chi iin kii, ra xaa takundiꞌi va yo nuu Tata yo Jesús ña sayukun ra kuachi xiꞌin yo.

Romanos 14:3

Ra na ñani yo, na xaxi takundiꞌi nuu ñaꞌa, ra na kundäsi na, na ñani yo, na kuëe xaxi takundiꞌi nuu ñaꞌa; ra na ñani yo na kuëe xaxi takundiꞌi nuu ñaꞌa, ra na käꞌan kiꞌvi na xaꞌa na ñani yo na xaxi takundiꞌi nuu ñaꞌa, saa chi ^ndakiꞌin mani Ndioxi uvi saa va na.

Romanos 7:9

Ra ta ndikundäa ini yu xiꞌin ndiayu Ndioxi ta yachi, ra vaꞌa va ndixiyo yu, saa chi köo ña ndisandiꞌi yuꞌu, ndi su ta kundaa ini yu ña kaꞌan ndiayu Ndioxi ña väꞌa kutoo yu ñaꞌa inka yuvi, saa ra ndatiaku va kuachi yu, saa ra nduu yu ta kuꞌva iyoo iin ndii va.