San Lucas 17:6 - Mixteco Metlatónoc

⁶ Saa ndakuiin Jesús kachi ra saa, xiꞌin ndia: ―Tu ña kandixa ndo ra na koo ña ta kuꞌva iyoo iin ndikin loꞌo itun mostaza, saa ra kuvi va kaꞌan ndo xiꞌin itun sicómoro yoꞌo kachi ndo saa: “Tuꞌun mii kun, ra kuaꞌan ndataan kun mii kun ini mini”, na kachi ndo, ra itun yoꞌo ra kandixa va nu ndoꞌo ―kachi Jesús xiꞌin ndia.

San Lucas 17:6 Iomraidhean Croise

San Mateo 14:29

Ra saa ndikaꞌan Jesús xiꞌin ra Pedro kachi ra saa: ―Naꞌa ―kachi ra xiꞌin ra. Saa ra ndikun nuu ndixa va ra Pedro barca loꞌo kan, ra ndakiꞌin ra xika xaꞌa ra kuaꞌan nuu mini kan, ña ndakutaꞌan ra xiꞌin Jesús.

San Mateo 17:20

Saa ndakuiin Jesús kachi ra saa xiꞌin ndia. ―Xaꞌa ña kuëe kandixa ndo Ndioxi va ke ndikuchüun ndo tava ndo ña. Ra ña ndixa kaꞌan yu xiꞌin ndo, chi tu ña kandixa ndo ra na koo ña ta kuꞌva iyoo iin ndikin loꞌo itun mostaza, saa ra kuvi va kaꞌan ndo xiꞌin iku kaa, kachi ndo saa: “Sakutiaꞌa mii kun, ra kuaꞌan ndakundichi kun inka xiyo”, kachi ndo xiꞌin ña, saa ra, saa sa ndixa va ña. Saa chi köo ña uꞌvi tu na kandixa ndo.

San Mateo 21:21

Ra saa ndakuiin Jesús kachi ra saa xiꞌin ndia: ―Ña ndixa ke kaꞌan yu xiꞌin ndo, chi tu ndinuni ni na kandixa ndo, ra sä uvi ini ndo, saa ra süvi takua itun koxi kuvi nu kuchuun ndo sandachi ndo, ta kuꞌva xa yuꞌu, chi kuchuun tu ndo, ña kaꞌan ndo xiꞌin iku kaa ra kachi ndo saa xiꞌin ña: “Kita nuu iin kun ñaa, ra kuaꞌan sakoꞌni kun mii kun ini mini”, kachi ndo xiꞌin ña, saa ra, saa sa ndixa va ña.

San Marcos 4:31

Chi suꞌva va ke iyoo ña: ta kuꞌva iyoo iin ndikin mostaza loꞌo ña chiꞌi na, saa iyoo ña. Ra xa kundaa va ini ndo chin ndikin itun mostaza yoꞌo ke loꞌo vaꞌa ka nuu takundiꞌi va ndikin ña iyoo nuu ña yuuvi yoꞌo;

San Marcos 9:23

Saa ndakuiin Jesús kachi ra saa xiꞌin ra: ―Tu na kandixa kun saa ra kuvi va, chin takundiꞌi na kandixa ra köo ña uꞌvi nuu na kan ―kachi Jesús xiꞌin ra.

San Lucas 13:19

Ra kuni yu na kundaa ini ndo, chi ta kuꞌva iyoo ndikin loꞌo itun mostaza ña chiꞌi iin tiaa nuu ñuꞌu ra, ra xaꞌnu ña nduu ña ta kuꞌva iyoo iin itun chee va, ra ndia sàà va xaa xavaꞌa chiꞌyo ndaꞌa itun ña, ra kuꞌva saa va ke iyoo nuu xaꞌndia Ndioxi chiñu ―kachi Jesús xiꞌin na.

San Lucas 17:7

Saa ndikaꞌan ka Jesús xiꞌin ndia itaꞌan xiꞌin ra kachi ra saa: ―Tu ndia iin ndo ra iyoo iin ra xachiñu nuu ndo, ña taꞌvi ra ñuꞌu ndo, a kiti sana va tu ndo ndiaa ra, ra ta xa na ndaxaa ra veꞌe ndo, ¿ra a kaꞌan ndo xiꞌin ra kachi ndo saa: “Kuayaꞌa ra kunduꞌu kun kuxi kun”?

San Lucas 19:4

Ra saa ndakosonuu ra xinu ra kuaꞌan ra chi nuu, ra ikan ndaa ra ndaꞌa iin itun, tu nani sicómoro ña vaꞌa kuni ra yaꞌa Jesús, saa chi mii ikan ke yaꞌa va ra.

San Lucas 7:13

Ra ta xini Jesús ñaꞌa yoꞌo, ra kundaꞌvi ni ini ra xini ra ña, ra ndikaꞌan ra xiꞌin ña kachi ra saa: ―Nana, xäku kun ―kachi ra.

San Lucas 7:19

ra tiꞌvi ra ndia kuaꞌan ndia ndakatuꞌun ndia Jesús ña vaꞌa na kundaa ini ra: a ra kan kuvi ra xa iyoo tuꞌun xa kixi sakaku na yuuvi yoꞌo, a kundiatu ndia inka va ra, kachi ra Juan xiꞌin ndia.

1 Corintios 13:2

Ra vaꞌa ni na ^kaꞌan tu yu tuꞌun ña ^taxi Ndioxi va, ra nii na kundaa ini tu yu xiꞌin takundiꞌi va ña iyoo seꞌé, ra nii na koo kuaꞌa ni tu ña xinituni va nuu yu, ra nii na kondiaa ni va ini yu Ndioxi ña kuvi kaꞌan yu xiꞌin iku ña ndasama ña nuu iin ña, ndi su tu köo ña kuꞌvi ini ña taxi Ndioxi iyoo nima yu, saa ra ^köo vaꞌa yaꞌvi ndiaa vi yu.