San Lucas 16:9 - Mixteco Metlatónoc

⁹ Ra saa ndikaꞌan ka Jesús kachi ra saa: ―Ña kuni yu kaꞌan yu xiꞌin ndo ke na kuniñuꞌu ndo ña kuika iyoo nuu ña yuuvi yoꞌo, ña sakanaa ndo yuvi kutaꞌan xiꞌin ndo, ra te xa na ndiꞌi ña, ra koo na ndakiꞌin mani ndoꞌo veꞌe nuu koo ndo ndia ndikaa ndikuꞌun.

San Lucas 16:9 Iomraidhean Croise

San Mateo 19:21

Ra saa ndakuiin Jesús kachi ra saa xiꞌin ra: ―Tu kuni kun ña kuu kun iin tiaa ra ndaku, saa ra kuaꞌan ra xiko kun takundiꞌi ñaꞌa ña iyoo nuu kun, ra saniꞌi kun xuꞌun na ndaꞌvi, ra saa ke kuu kun ra kuika ndivi nuu xaꞌndia Ndioxi chiñu, ra te ndiꞌi saa na kixi kun ra kundikun kun yuꞌu ―kachi Jesús xiꞌin ra.

San Mateo 6:19

Ra saa ndikaꞌan ka Jesús xiꞌin na, kachi ra saa: ―Chiväꞌa ndo ña kuika nuu ña yuuvi yoꞌo, chi yoꞌo ra ^kíꞌvi va tikixin ña, ra kuxi va tu ña, saa ra ndiꞌi xaꞌa va ña, ra ^kíꞌvi tu na kuiꞌna va sakuiꞌna na ña.

San Mateo 6:24

Ra saa ndikaꞌan ka Jesús xiꞌin na kachi ra saa: ―Ra kuni yu na kundaa ini ndo, chi ndia nii yuvi ra küvi sachiñu na nuu uvi tiaa ndia xaꞌndia chiñu, saa chi na xachiñu nuu uvi tiaa, ra küvi kindoo vaꞌa na xiꞌin uvi saa ndia. Saa chi tu vaꞌa na kitaꞌan na xiꞌin iin ra, ra inka tu ra sáa̱ na xiꞌin va. Xaꞌa ña kan ke küvi sachiñu ndo nuu Ndioxi ra sachiñu tu ndo nuu xuꞌun ―kachi Jesús xiꞌin na.

San Lucas 11:41

Ña kan ke tu ndinuni ni nima ndo na taxi ndo ñaꞌa ndaꞌa na ndaꞌvi, ra saa ke kindoo vaꞌa ndo nuu Ndioxi.

San Lucas 12:33

Ra na xiko ndo ñaꞌa ña kuu mii ndo, ra saa ke kuchuun ndo chindiee taꞌan ndo xiꞌin na xamani nuu. Ra na ndiꞌi ini ndo ña chuvaꞌa ndo ñaꞌa ndo ini ñaꞌa ña nduꞌu ndivi, ña kuëe ndiꞌi xaꞌa, nuu koo ña kuika ña kuëe ndiꞌi xaꞌa, ra nii ra kuiꞌna kuchüun sakuiꞌna ña, ra nii tikixin sandïꞌi xaꞌa ña.

San Lucas 14:14

Saa ra vaꞌa ni kee kun. Saa chi na kan, ra küvi sandiko na ña ndaꞌa kun, ndi su vaꞌa ni va kee kun ta xa na ndatiaku na ndikun Ndioxi ―kachi Jesús xiꞌin ra.

San Lucas 16:11

Ra tu na kondiäa ndo ña kuika iyoo nuu ndo, ¿saa ra ndixaa sa ndo ña kondiaa ndo ñaꞌa ña ndiaa yaꞌvi ni ka?

San Lucas 16:13

Ra saa ndikaꞌan ka Jesús xiꞌin ndia kachi ra saa: ―Ndia nii yuvi ra küvi sachiñu na nuu uvi tiaa ndia xaꞌndia chiñu, saa chi na xachiñu nuu uvi tiaa, ra küvi kindoo vaꞌa na xiꞌin uvi saa ndia. Saa chi tu vaꞌa na kitaꞌan na xiꞌin iin ra, ra inka tu ra saa na xiꞌin va. Xaꞌa ña kan ke küvi sachiñu ndo nuu Ndioxi ra sachiñu tu ndo nuu xuꞌun ―kachi Jesús xiꞌin ndia itaꞌan xiꞌin ra.

San Lucas 16:4

Ra ña sa yo vichin ke, na nduku yo ndia kuꞌva ke ndakiꞌin mani yuvi yoo veꞌe na, te xa na kindiaa ra ixtoꞌo yo chiñu ndaꞌa yo”, kaꞌan ra.

Hechos 10:31

Ra ndikaꞌan ra xiꞌin yu kachi ra saa: “Cornelio, xa xini va soꞌo Ndioxi ña kaꞌan ni kun xiꞌin ra, ra xa kundaa tu ini ra ña chindiee taꞌan ni kun xiꞌin na ndaꞌvi va.

Hechos 10:4

Saa ndakotoꞌni vaꞌa ra Cornelio nuu ra tatun kan ra iyuꞌvi ka vi ra, ra saa ndikaꞌan ra kachi ra saa: ―¿Ni chiñu kuni kun yuꞌu, Tata? ―kachi ra. Ra saa ndikaꞌan ra tatun kan xiꞌin ra kachi ra saa: ―Kusii ni ini Ndioxi ña chindiee taꞌan kun xiꞌin na ndaꞌvi, ra xa xini tu soꞌo ra ña kaꞌan ni kun xiꞌin va ra.

2 Corintios 4:17

Saa chi tundoꞌo ña ndoꞌo ndi, ña tiaku ndi vichin, ra ña loꞌo va kuvi ña, ra ña yaꞌa va kuvi ña; ndi su ña chindiee taꞌan ka va kuvi ña xiꞌin ndi, ña vaꞌa na ndakiꞌin ndi iin ña vaꞌa ña kuëe ndiꞌi xaꞌa, ña ndiaa yaꞌvi ni.

Judas 1:21

Ra na ndaköo ndo ña ndikun ndo Tata yo Ndioxi, ra kuꞌvi ni ini xini ndoꞌo, ra kondiaa va ra ndoꞌo; ra na kundiatu tu ndo ña xaa kii ña kundaꞌvi ini Tata yo Jesucristo yoo, ra taxi ra ña kutiaku yo ndia ndikaa ndikuꞌun.