San Lucas 10:3 - Mixteco Metlatónoc

³ Ra vichin kuaꞌan ndo sanduvi ndo ña ndikaꞌan yu xiꞌin ndo. Ra kuenda ni na koo ndo, chi ta iyoo ndikachi vali ri kuaꞌan tiañu ndivaꞌyu va ke iyoo ndo.

San Lucas 10:3 Iomraidhean Croise

San Mateo 10:16

Ra saa ndikaꞌan ka Jesús kachi ra saa xiꞌin ndia: ―¡Ra na kundaa ini ndo! Chi yuꞌu kuvi ra tiꞌvi ndoꞌo kuꞌun ndo, ra ta iyoo ndikachi vali ri kuaꞌan tiañu ndivaꞌyu ke iyoo ndo. Ña kan ke ndichi ni na koo ndo iin ta kuꞌva iyoo ko̱o̱ ke, na koo ndo; ra vita ni tu na koo ini va ndo, iin ta kuꞌva iyoo paloma ke, na koo ndo.

San Mateo 10:22

Ra iin takundiꞌi yuvi ra kundasi ni na ndoꞌo xaꞌa ña ndikun ndo yuꞌu; ndi su na kuchuun sa ndiee ini ndia kii ndiꞌi, kuvi na kaku va.

San Mateo 7:15

Ra saa ndikaꞌan ka Jesús kachi ra saa xiꞌin na: ―Ra na kondiaa ni ndo mii ndo nuu yuvi na chiꞌña tuꞌun, na xá kaꞌan ndoso tuꞌun Ndioxi ta vaxi na nuu ndo, chi toꞌo ni va ñaꞌa na, ndi su süvi na ndixa kaꞌan tuꞌun yuꞌu Ndioxi kuvi na. Chi na kan ra ta iyoo ndivaꞌyu kuiꞌna va ke iyoo na.

San Lucas 10:4

Ra nii leka ndo kanïꞌi ndo, ra nii xuꞌun kanïꞌi ndo, ra nii küꞌun tu inka naꞌa ndixan va ndo xiꞌin ndo, ra nii kundïta ndo ña kaꞌan ndioxi ndo xiꞌin na ndakutaꞌan xiꞌin ndo ichi. Chi iin ndaku ndaku na kuꞌun va ndo.

San Juan 10:12

Ndi su iin tiaa ra kiꞌin xuꞌun, ña ndiaa tatu ra ndikachi vali, ra te xini ra vaxi ndivaꞌyu, saa ra ndakoo ndaꞌa va ra ri, ra xinu ra kuaꞌan va ra, saa chi süvi sana ra kuvi ri, ña kan ke ndakoo va ra ri, ra xaa ndivaꞌyu kan ra kanitaꞌan ri xiꞌin va ri, saa ra taxi ndiꞌi ri ri kuaꞌan va ri.

San Juan 15:20

Ra na ndakaꞌan ndo xaꞌa tuꞌun ña ndikaꞌan yu xiꞌin ndo, ta kachi yu suꞌva: “Ndia nii na xachiñu tatu ra chëe na nuu xitoꞌo na.” Ra na kundaa ini ndo, chi tu taxi na yuꞌu, saa ra taxi tu na ndoꞌo va; ra tu xiin va na sakuaꞌa na tuꞌun ña sañaꞌa yu na, saa ra kuiin tu na sakuaꞌa na ña sañaꞌa ndoꞌo va na.

San Juan 16:2

Saa chi vaxi kii, ra tava va na ndoꞌo veꞌe ñuꞌu nuu ndakitaꞌan ndo, ra ndia kaꞌni va na ndoꞌo, ra ta xa na ^sa na saa, ra ña vaꞌa kuni Ndioxi va ke ^xa na kàꞌàn na.

Hechos 20:29

Ra na kundaa ini ndo, saa chi ta xa na kuꞌun yu, ra kixi va yuvi ña kuni na sandiꞌi na xaꞌa na veꞌe ñuꞌu, ra ta kuꞌva xa ndivaꞌyu kuiꞌna ña sandiꞌi ri xaꞌa ndikachi, saa ke sa na.

Hechos 9:16

Ra ñaꞌa yu takundiꞌi ña ndoꞌo ra xaꞌa ña ndikun ra yuꞌu nuu ra ―kachi ra.

Hechos 9:2

ña nduku ra ndiayu kuꞌun xiꞌin ra iin takundiꞌi veꞌe ñuꞌu na judío ña iyoo ñuu Damasco, ña vaꞌa na nanduku ra tiaa xiꞌin na siꞌi, na ndikun Jesús, ra kundiaka ra na kuꞌun na xiꞌin ra ñuu Jerusalén ña taan ra na veꞌe kàà.