San Lucas 1:53 - Mixteco Metlatónoc

⁵³ Ra sakuxi ra na ndaꞌvi xiꞌi soko. Ra kindiaa ra ña xixi na kuika; ra ndia nii loꞌo ka ña nindäkoo ra ndaꞌa na kuxi na.

San Lucas 1:53 Iomraidhean Croise

San Mateo 5:6

Ra vaꞌa ni kee tu ndoꞌo, na kaꞌun ini nima vichin, ra ndachi ini ndo ña kuni ndo kuni soꞌo ndo ña kaꞌan Ndioxi, chi vaxi kii ra kuni va soꞌo ndo tuꞌun ra.

San Lucas 1:54

Ra kundaꞌvi ini ra xini ra takundiꞌi yo na ñuu Israel na xachiñu nuu ra; ra chindiee taꞌan ra xiꞌin yo. Saa chi ninäa ini ra ña sa ra ña vaꞌa xiꞌin yo.

San Lucas 6:21

’Vaꞌa ni kee ndoꞌo, na kaꞌun ini vichin, chi vaxi kii ra ndoo ndoso va ña nuu ndo. Vaꞌa ni kee ndoꞌo na xaku vichin, chi vaxi kii ra kusii ni ini ndo.

San Lucas 6:24

’Ndi su ndaꞌvi ni ndoꞌo na kuika, chi xa iyoo vaꞌa ni va ini ndo vichin, ndi su vaxi kii ra köo ña vaꞌa niꞌi vi ndo.

San Juan 6:35

Ra saa ndikaꞌan Jesús xiꞌin na kachi ra saa: ―Yuꞌu kuvi ra kuu ixta ña ^taxi ña kutiaku yuvi. Ra na vaxi nuu yuꞌu, ra ndia nii ka kii käꞌun ini na, ra na kandixa yuꞌu, ra ndia nii ka tu kii ïchi ini na tiakuii va.

1 Corintios 1:26

Ra xa xini va ndo, ñani yo, chi nuu ña yuuvi yoꞌo, ra süvi takundiꞌi ndo kuvi ndo kuu na ndichi, ra loꞌo kuvi tu ndo kuu na chiñu va, a seꞌe na xiniñuꞌu va tu. Ra vaꞌa ni saa iyoo va ndo, ndi su kana va Ndioxi ndoꞌo.

1 Corintios 4:8

Ndoꞌo, ra xa kuika ni va ndo, ra ndia nii ka ñaꞌa xamäni nuu ndo tuvi ndo. Ra xa na rey naꞌnu va kuvi ndo, ra xiniñüꞌu ka vi nduꞌu nuu ndo tuvi ndo. ¡Ra vaꞌa ni vi, tu xa ndixa na rey xaꞌndia chiñu na kuu ndo, ra niꞌi ta ndi loꞌo kaꞌndia ndi chiñu xiꞌin ndo!