San Juan 9:7 - Mixteco Metlatónoc

⁷ Ra ndikaꞌan ra xiꞌin ra kachi ra saa: ―Kuaꞌan ndakatia kun nuu kun ini pozo ña nani Siloé ―kachi ra xiꞌin ra. ―Ra tuꞌun Siloé yoꞌo, ra tiakuii ra ndixaꞌan na kiꞌin na xaa xiꞌin chichi va kuvi ra ―kachi ña. Ra saa ndakiꞌin ra kuaa kan ndixaꞌan ra ndakatia ra nuu ra, ra te nandiko ra xaa ra, saa ra xa vaꞌa va ndakutoꞌni ra.

San Juan 9:7 Iomraidhean Croise

San Mateo 11:5

Chi na kuaa, ra ^ndakotoꞌni va na, ra na küvi kaka, ra ^ndakaka va na, ra na ndoꞌo kueꞌe tiaꞌyu; ra ^nduvaꞌa va na, ra na soꞌo, ra ^ndakuni va soꞌo na, ra na ndii, ra ^ndatiaku va na. Ra ^ndakani tu yu tuꞌun Ndioxi nuu na ndaꞌvi ña vaꞌa na kaku va na.

San Lucas 13:4

Ra na xaꞌun uni na ndixiꞌi ñuu Jerusalén te nduva torre ña nani Siloé sata na, ¿ra a iyoo ni ka kuachi na kan, nuu takundiꞌi ka na ndee ñuu Jerusalén, tuvi ndo?

San Lucas 2:32

Chi ra yoꞌo kuvi ra kuu ñuꞌu ña ndayeꞌe nuu takundiꞌi yuvi, na täan kundaa ini xaꞌa ichi kun. Ra xaꞌa ra yoꞌo ke chinuu toꞌo ni na tuꞌun xaꞌa na ñuu Israel, kachi ra Simeón.

San Juan 10:36

Ra Ndioxi va kuvi ra ndikaxin yuꞌu, ra tiꞌvi ra yuꞌu xaa yu ña yuuvi yoꞌo vichin, ra kaꞌan yu ña kuu yu seꞌe ra, ra ña kan ke kaꞌan ndo, ña ndaa yuꞌu yu ra.

San Juan 11:37

Ra sava tu na kaꞌan kachi saa: ―Ra yoꞌo, ra vaꞌa va sandaꞌa ra nuu na kuaa, ¿ra a väꞌa saa ndixa ra, ña täxi kuvi ra Lázaro? ―kachi na.

San Juan 9:11

Ra saa ndakuiin ra yuꞌu na kachi ra saa: ―Tiaa ra nani Jesús va kuvi ra xavaꞌa ndiaꞌyu, ra ndikuꞌni ra ña nuu yu, ra te ndiꞌi ra saa ndikaꞌan ra xiꞌin yu kachi ra saa: “Kuaꞌan, ra ndakatia kun nuu kun ini pozo ña nani Siloé”, kachi ra xiꞌin yu. Ra saa ndixaꞌan yu ndakatia yu nuu yu, saa ra ndanuña va ña ra vaꞌa va ndakutoꞌni yu ―kachi ra xiꞌin na.

San Juan 9:39

Ra saa ndikaꞌan Jesús kachi ra saa: ―Ña xaa yu ña yuuvi yoꞌo, ra kuachi yuvi va ke xaa yu sandaku yu; saa chi na kuaa, ra vaꞌa va ndakutoꞌni na sa yu, ra na vaꞌa ixtoꞌni kuu kuaa va tu ―kachi ra.

Hechos 26:18

Ña vaꞌa na ndanuña nuu na, ra kee na nuu ñaa nuu xika na, ra ndakaka na nuu tuun ñuꞌu, ra kee tu na tixi ndiee timiaꞌa va, ra ndakundikun na Ndioxi, ra vaꞌa na kandixa na yuꞌu, ra koo kaꞌnu ini yu xaꞌa kuachi na, ra niꞌi taꞌvi na koo na xiꞌin na yii na kuu ñuu Ndioxi”, kachi ra.

Romanos 8:3

Saa chi ndixïyo vi ndiee ndiayu Ndioxi ña ndakoo ra Moisés ña chindiee taꞌan ña xiꞌin yo, ña ndatava ña yoo ndaꞌa kuachi, saa chi ndikuchüun vi yo saxinu yo ña xaꞌndia ña, ndi su Ndioxi ra kuchuun va ra xa ra ña ndikuchüun ña kan sa ña. Saa chi tiꞌvi va ra seꞌe ra ña kixi ra nuu ña yuuvi yoꞌo xaꞌa yo, ra nduu ra ta kuꞌva iyoo yuvi na iyoo kuachi, ra ndisoko ra mii ra xaꞌa yo, ra sandiꞌi va ra xaꞌa ndiee ña kuu mii kuachi yo.

Gálatas 4:4

Ndi su ta ndixaa kii ña kindoo Ndioxi tiꞌvi ra seꞌe ra, ra tiꞌvi va ra ra, ra kaku ra tixi iin ñaꞌa, ra ta iyoo na judío va ndixiyo ra, saa chi xiin va ra ña xaꞌndia chiñu ndiayu Ndioxi ña ndakoo ra Moisés nuu ra.