San Juan 9:16 - Mixteco Metlatónoc

¹⁶ Ra saa ndikaꞌan sava ndia fariseo kan kachi ndia saa: ―Tiaa ra xa saa kan ra süvi kuenda Ndioxi kuvi ra, saa chi xä toꞌo ra kii yii ña ndakindiee yo ―kachi ndia. Ndi su inka tu na kaꞌan kachi suꞌva va: ―¿Ni ke sa ra, ña vaꞌa sa ra ña xituꞌun, tu iin tiaa ra iyoo kuachi va kuvi ra? ―kachi na. Saa ra iin sana suꞌva va ini ndia saa chi nii nindakitäꞌan tuꞌun ndia.

San Juan 9:16 Iomraidhean Croise

San Mateo 12:10

Ra ini veꞌe ñuꞌu kan nduꞌu iin tiaa ra ndachi iin xiyo ndaꞌa; ra ndia fariseo ra xika nduku ni ndia ndixaa sa ndia, ña vaꞌa kuchuun ndia taxi ndiaa kuachi xaꞌa Jesús, ra saa nindakatuꞌun ndia ra kachi ndia saa: ―¿A kuvi sandaꞌa yo iin na xiꞌi kii ndakindiee? ―kachi ndia.

San Mateo 12:2

Ra ta xini ndia fariseo, ra saa ndikaꞌan ndia xiꞌin Jesús kachi na saa: ―Kutoꞌni, nichuun xa ndia itaꞌan xiꞌin kun saa: chi köo ndiayu ndaꞌa yo ña sa yo saa kii yii sábado, chi kii ndakindiee va yo ke ―kachi ndia xiꞌin ra.

San Lucas 13:14

Saa ra ndisaa ni ini ra kuchee ndiso chiñu ndiaa veꞌe ñuꞌu kan xiꞌin Jesús xaꞌa ña sandaꞌa ra ña xiꞌi kan, kii yii sábado ña ndakindiee̱ na, ra saa ndikaꞌan ra xiꞌin yuvi na ndee kan kachi ra saa: ―I̱ñu̱ va kii ke xiniñuꞌu sachiñu yo, ra kii kan ke na kixi ndo ña nandaꞌa ndo. Ndi su küvi nandaꞌa ndo kii yii sábado ña ndakindiee yo ―kachi ra xiꞌin na.

San Juan 10:19

Ra te xini soꞌo na judío ña kachi Jesús saa, saa ra nindakitäꞌan tuku va tuꞌun na, saa chi xa siin xa siin kaꞌan va na.

San Juan 14:11

Ra na kandixa ndo yuꞌu, ña íin Tata yo Ndioxi xiꞌin yu, ra yuꞌu tu íin xiꞌin ra kan va; ra tu kandïxa ndo ña kaꞌan yu, saa ra ña sa ndo ke na kandixa ndo yuꞌu xiꞌin chiñu ña ^xa va yu.

San Juan 15:24

Ra tu kuëe ndixa yu, ña xituꞌun ña täan sa ndia nii yuvi kuni na, saa ra köo vi kuachi na, ndi su vichin, ra xa xini va na ña xituꞌun xa yu, ra xaꞌa ña kan ke ^kundasi na yuꞌu, ra ^kundasi tu na Tata yu Ndioxi va.

San Juan 2:11

Ña yoꞌo ku ña xituꞌun ña nuu vaꞌa xa Jesús ñuu Caná, ña ndikun ndiaa chi Galilea, ña ndañaꞌa ra ndiee ña iyoo xiꞌin ra, saa ra kandixa va ndia itaꞌan xiꞌin ra ra.

San Juan 3:2

Ra saa kuu, ra kee ra iin ñuu ndixaꞌan ra nuu Jesús, ra ndikaꞌan ra xiꞌin ra kachi ra saa: ―Maestro, kundaa va ini ndi ña ndixa ke Ndioxi kuvi va ra tiꞌvi yoꞌo xaa kun ña sañaꞌa kun nduꞌu, saa chi ndia nii na kuchüun sa ña xituꞌun ña xa kun yoꞌo, tu köo Ndioxi íin xiꞌin na ―kachi ra.

San Juan 5:10

Saa ndikaꞌan na judío xiꞌin tiaa ra nduvaꞌa kan kachi na saa: ―Köo ndiayu ña kaniꞌi kun ixto kun kaka kun vichin chi kii yii ndakindiee va yo kuvi ña ―kachi na xiꞌin ra.

San Juan 5:36

Ndi su chee ni ka va iin ña ndakuiin xaꞌa yuꞌu nuu tuꞌun ña ndikaꞌan ra Juan, saa chi chiñu ña xa va yu ke ndakuiin xaꞌa yu, ra Tata yu Ndioxi va kuvi ra taxi chiñu yoꞌo ndaꞌa yu ña saxinu yu nuu ña, ra mii chiñu yoꞌo ke ndakuiin tu xaꞌa va yu ña tiꞌvi ra yuꞌu vaxi yu.

San Juan 6:52

Ra saa xaꞌa na judío kan ndatuꞌun kuachi na xiꞌin taꞌan na kachi na saa: ―¿Ni ke sa ra yoꞌo ña taxi ra kuñu ra kaxi yo? ―kachi na.

San Juan 7:12

Ra yuvi kan ra iin niniꞌi kaꞌan na xaꞌa ra. Ra sava na kaꞌan kachi na saa: “Ra vaꞌa va kuvi ra”, kachi na. Ra sava tu na kaꞌan kachi saa: “Süvi ra vaꞌa kuvi ra, chi ra sandaꞌvi yuvi va kuvi ra”, kachi na.

San Juan 7:23

Ra tu xaꞌa ña küni ndo kanduu ndo ndiayu ña ndakoo ra Moisés va ke xaꞌndia ndo ñii xini kaꞌa seꞌe tiaa vali ndo kii ña ndakindiee yo, ra na kundaa ini ndo, chi ña vaꞌa ke xa tu yuꞌu va kii ña ndakindiee yo, saa chi iin tiaa ka vi sandaꞌa yu, ¿ra nichuun sáa̱ ndo xiꞌin yu?

San Juan 7:43

Ra saa taꞌvi taꞌan ndiꞌi va yuvi kan xaꞌa Jesús.

San Juan 9:24

Saa ndakana tuku va ndia judío ra ndixiyo kuaa kan, ra ndikaꞌan ndia xiꞌin ra kachi ndia saa: ―Chunaꞌa Ndioxi tu ndixa ña ndaa kuvi ña ndatuꞌun kun xiꞌin ndi; saa chi nduꞌu, ra kundaa va ini ndi ña kuu ra iin tiaa ra iyoo kuachi ―kachi ndia xiꞌin ra.

Hechos 14:4

Ra saa ndataꞌvi taꞌan ndiꞌi va na ñuu, ra sava na xikitaꞌan xiꞌin na judío, ra sava tu na xikitaꞌan xiꞌin ra Pablo, xiꞌin ra Bernabé va.