San Juan 8:6 - Mixteco Metlatónoc

⁶ Ra ña ndikaꞌan ndia tuꞌun yoꞌo, ra ndia kuni sandakava va ku vi ndia ra, ña vaꞌa na niꞌi ndia kuachi taxi ndia xaꞌa ra, káꞌán ndia. Ndi su Jesús ra nuu ñuꞌu va ndakandiee ra, ra xaꞌa ra tiaa ra nuu ñuꞌu kan xiꞌin nduku ndaꞌa ra.

San Juan 8:6 Iomraidhean Croise

San Mateo 10:16

Ra saa ndikaꞌan ka Jesús kachi ra saa xiꞌin ndia: ―¡Ra na kundaa ini ndo! Chi yuꞌu kuvi ra tiꞌvi ndoꞌo kuꞌun ndo, ra ta iyoo ndikachi vali ri kuaꞌan tiañu ndivaꞌyu ke iyoo ndo. Ña kan ke ndichi ni na koo ndo iin ta kuꞌva iyoo ko̱o̱ ke, na koo ndo; ra vita ni tu na koo ini va ndo, iin ta kuꞌva iyoo paloma ke, na koo ndo.

San Mateo 15:23

Ndi su nindäa Jesús ña kuu yuꞌu vi ña. Ra saa kuyachin ndia itaꞌan xiꞌin ra, ra xakundaꞌvi ndia nuu ra kachi ndia saa: ―Tata, chindiee taꞌan xiꞌin ñaꞌa kaa, saa chi kaꞌan ni ña vaxi ña sata yo ―kachi ndia xiꞌin ra.

San Mateo 16:1

Ra saa ndixaa sava ndia fariseo xiꞌin ndia saduceo nuu Jesús, ña kuni ndia kotondoso ndia ra, ra saa ndikaꞌan ndia xiꞌin ra, ña na sa ra iin ña xituꞌun kuni ndia, ra saa ke kandixa ndia ra ña tiꞌvi Ndioxi ra xaa ra.

San Mateo 19:3

Saa ra ndixaa va sava ndia fariseo nuu íin Jesús, ña ^kuni ndia kotondoso ndia ra, ra saa ndikaꞌan ndia xiꞌin ra kachi ndia saa: ―Tata Maestro, ¿a iyoo ndiayu ña ndakoo iin tiaa yasiꞌi ra, xaꞌa ndia ndia ka kuachi? ―kachi ndia xiꞌin ra.

San Mateo 22:18

Ndi su xa ^kundaa va ini Jesús, ña kuni ndia kotondoso ndia ra, ra saa ndikaꞌan ra xiꞌin ndia kachi ra saa: ―Ndia chiꞌña tuꞌun va kuvi ndo, saa chi yuꞌu va kuvi ra ixtondoso ndo.

San Mateo 22:35

Ra saa nindakatuꞌun iin ra maestro ra sañaꞌa ndiayu Ndioxi Jesús, ña kuni ra kotondoso ra ra, ra saa ndikaꞌan ra xiꞌin ra kachi ra saa:

San Mateo 26:63

Ndi su ndia nii tuꞌun loꞌo nindäkuiin Jesús, ra saa ndikaꞌan tuku ra sutu kuchee kan xiꞌin ra kachi ra saa: ―Xiꞌin kivi Ndioxi ra tiaku ke na ndatuꞌun kun xiꞌin ndi vichin, ¿a ndixa yoꞌo kuvi ra kuu seꞌe Ndioxi, ra tiꞌvi ra vaxi sakaku na yuuvi yoꞌo? ―kachi ra xiꞌin ra.

San Marcos 10:2

Saa kuyachin sava na fariseo nuu iin ra, ra ndindakatuꞌun na ra kachi na saa: ―¿A iyoo ichi ndakoo iin tiaa yasiꞌi ra? ―kachi na xiꞌin Jesús, saa chin na kuni tandoso va kuvi na ra.

San Marcos 12:15

Ra xa kundaa va ini Jesús ra ixtondoso va na kuvi ra, saa ndikaꞌan ra xiꞌin na kachi ra saa: ―¿Nichuun xamaña ndo ra ixtondoso ndo yuꞌu? Taxi ndo iin xuꞌun kaa ndaꞌa yu na kuni yu ―kachi ra xiꞌin na.

San Marcos 3:2

Ra iin suꞌva nuu na fariseo ña ixtonani na Jesús, a sandaꞌa ra ra kue̱ꞌe ndaꞌa kan kii yii sábado, ra saa ke kuvi ni̱ꞌi̱ na kuachi taxi na xaꞌa Jesús, kaꞌan na.

San Marcos 8:11

Ra te ndixaa ndia ñuu kan, saa ra ndixaa tu na fariseo va ra xaꞌa na tiin taꞌan na xiꞌin Jesús, ra kaꞌan na xiꞌin ra ña na sa ra iin ña ndichi kuni na, ña ixtondoso na ra, a ndixa ndivi ke kee ra.

San Lucas 10:25

Ra saa ndakundichi iin ra maestro xini ndiayu Ndioxi ra kuyachin ra nuu iin Jesús ra ndikaꞌan ra xiꞌin ra ña kuni ra kotondoso ra ra. Ra kachi ra saa: ―Tata Maestro, ¿ni ke xiniñuꞌu sa yu ña vaꞌa niꞌi yu kutiaku yu xiꞌin Ndioxi ndia ndikaa ndikuꞌun? ―kachi ra xiꞌin Jesús.

San Lucas 11:16

Ra sava tu na kaꞌan xiꞌin Jesús, ña na sa ra iin ña ndichi nuu ndivi va kuni na, ña ixtondoso na ra, ra a ndixa xiꞌin ndie̱e̱ Ndioxi ke tava ra tachi ndivaꞌa káꞌán na, chi ndikandïxa na ra.

San Juan 8:2

Ra te ndituvi inka kii ra saa nandiko ra xaa ra ini korra veꞌe ñuꞌu kaꞌnu. Ra saa ndixaa takundiꞌi yuvi kan nuu ra, ra saa ndakunduꞌu ra, ra xaꞌa sañaꞌa ra na.

1 Corintios 10:9

Ra nii na kötondoso ndo, ña kaꞌnu ni ini Ndioxi ña sa ndo chiñu kiꞌvi, saa chi saa ke xa na xii xikua yo, ra xaꞌa ña kan ke yaxi koo na, ra ndixiꞌi va na.