San Juan 7:6 - Mixteco Metlatónoc

⁶ Ra saa ndikaꞌan Jesús xiꞌin ndia kachi ra saa: ―Täan xaa kii ña kuꞌun yu, ndi su nuu ndoꞌo ra ndia ndia ka mii kii ra ña vaꞌa kuvi va ña.

San Juan 7:6 Iomraidhean Croise

San Mateo 26:18

Ra saa ndakuiin ra kachi ra saa xiꞌin ndia: ―Kuaꞌan ndo ñuu, ra ikan kuni ndo iin tiaa, ra kaꞌan ndo xiꞌin ra kachi ndo saa: “Suꞌva ke kachi ra Tata Maestro: Xa ninumi ni xaa kii ña sa yu chiñu ña xiniñuꞌu sa yu, ra veꞌe kun kuvi ña kuni yu xaa yu ndatava yu viko pascua xiꞌin ndia itaꞌan xiꞌin yu”, ^kachi yu, kachi ndo xiꞌin ra ―*kachi Jesús xiꞌin ndia.

San Juan 13:1

Ra ndia saloꞌo ni va kumani ña koo viko pascua, ra xa ^kundaa va ini Jesús ña xa ndixaa kii ña ndakoo ra ña yuuvi yoꞌo, ra nandiko ra kunuꞌu ra chi nuu nduꞌu Iva ra. Ra kuꞌvi ka vi ini ra xini ra na ndikun sata ra, na iyoo nuu ña yuuvi yoꞌo, ra ña kuꞌvi ni ini ra xini ra na, ra ndiakua ndataxi ra mii ra ña ndixiꞌi ra xaꞌa na.

San Juan 17:1

Ra te ndiꞌi ndikaꞌan Jesús tuꞌun yoꞌo, ra saa ndoniꞌi ra nuu ra chi ndivi, ra ndikaꞌan ra xiꞌin Ndioxi kachi ra saa: ―Tata, vichin ke ndixaa kii ña na ndañaꞌa kun yuꞌu, ra kuu seꞌe kun nuu yuvi ra na kundaa ini na ña kaꞌnu ni yu, ra ndañaꞌa tu yuꞌu va yoꞌo nuu na, ra kundaa ini na ña kaꞌnu ni kun.

San Juan 2:4

Ra saa ndakuiin Jesús kachi ra saa xiꞌin ña: ―Nana, ¿nichuun ^kaꞌan kun saa xiꞌin yu? Saa chi täan xa̱a̱ kii ña xaꞌa yu sachiñu yu ―kachi ra xiꞌin ña.

San Juan 7:30

Ra saa xaꞌa sava na kuni tiin na Jesús ña chikaa na ra veꞌe kàà, ndi su ndia nii na ndixändiee ini ña tiin na ra, saa chi täan xaa kii ña tiin na ra.

San Juan 7:8

Ña kan ke na kuꞌun mii va ndo viko, chi yuꞌu ra küꞌun yu, saa chi täan xa kii ña kuꞌun yu ―kachi ra xiꞌin ndia.

San Juan 8:20

Ra ini korra veꞌe ñuꞌu kaꞌnu nuu íin ñaꞌa ña taan na xuꞌun ña soko na ke ndichi Jesús sañaꞌa ra, ta ndikaꞌan ra tuꞌun yoꞌo, ndi su ndia nii na ndixäa ndiee ini ña tiin na ra, saa chi täan tandiaa kii ña tiin na ra.

Hechos 1:7

Ra saa ndakuiin Jesús kachi ra saa xiꞌin ndia: ―Xiniñüꞌu kundaa vi ini ndoꞌo xaꞌa ña chituni Iva yo Ndioxi sa ra, chi indaa mii va ra kuvi ra kundaa ini xaꞌa ña, ra ama ke sa ra ña, ra ndia kii ke sa tu ra ña.