San Juan 7:4 - Mixteco Metlatónoc

⁴ Saa chi iin tiaa ra kuni ña na kundaa ndiꞌi ini yuvi xaꞌa ra, ra xä seꞌe ra chiñu. Ra ña kan ke yoꞌo, ra chiñu ña xa kun ra na sa kun ña kuni takundiꞌi va yuvi ―kachi ndia xiꞌin ra.

San Juan 7:4 Iomraidhean Croise

San Mateo 23:5

Ra takundiꞌi chiñu ña xa ndia, ra süvi ña xatoꞌo ndia Ndioxi ke xa ndia ña, chi ña kuni ndia kindoo vaꞌa ni ndia nuu na ñuu va ke xa ndia ña. Ra xaꞌa ña kan ke iin niꞌi savi ndia tutu ña ndoso tuꞌun Ndioxi nuu xika ndia, ra ndia nuu tikoto ndia xiꞌin tiaan va ndia ndee tuꞌun Ndioxi xika ndia, ra xinisii ni tu ndia kundixi ndia tikoto ña nani ni iꞌva yuꞌu va ña vaꞌa na kuni yuvi ra kaꞌan na xaꞌa ndia, ña ndinuni ni ndikun ndia Ndioxi.

San Mateo 4:6

Ra ndikaꞌan ri xiꞌin ra kachi ri saa: ―Tu ndixa seꞌe Ndioxi kuvi kun ra sandakava mii kun yoꞌo vichin, chi saa kachi tuꞌun Ndioxi: Chi tiꞌvi va ra na tatun ra kixi na ña kondiaa na yoꞌo, ra nuu ndaꞌa va ná ndakava kun, ra täxi na takueꞌe xaꞌa kun sa yuu ―kachi ri xiꞌin Jesús.

San Mateo 6:16

Ra saa ndikaꞌan ka ra xiꞌin na kachi ra saa: ―Te iyoo suꞌun ndo ña xïxi ndo, ra na ndañäꞌa ndo mii ndo ña kuvita ini ndo ta kuꞌva xa na chiꞌña tuꞌun, chi na kan, ra iin ndanama chuun na nuu na, ña kuni na kuni yuvi ña iyoo suꞌun na ña xïxi na. Ra ña ndixa ke kaꞌan yu xiꞌin ndo, chi na xa saa kan, ra xa ña kan kuvi yaꞌvi va na, ra köo ka ñaꞌa taxi Ndioxi ndaꞌa vi na.

San Mateo 6:5

Ra saa ndikaꞌan ka ra kachi ra saa xiꞌin na: ―Te kaꞌan ndo xiꞌin Ndioxi, ra xä ndo ta xa na chiꞌña tuꞌun, chi na kan ra kutoo ni na kundita na ini veꞌe ñuꞌu nuu tuvi, ra xini sii ni tu na ña kundita na tutun yaꞌya va ña kaꞌan na xiꞌin Ndioxi, ña vaꞌa na kuni yuvi na, ra kaꞌan toꞌo ni na xaꞌa na kuni na. Ra ña ndixa kaꞌan yu xiꞌin ndo, chi na kan, ra köo ka ñaꞌa taxi Ndioxi ndaꞌa vi na, chi xa ña kan ku yaꞌvi va na.

San Lucas 6:45

Ra saa tu iin tiaa va, ra iyoo ña vaꞌa nima, ra ña vaꞌa tu ndatuꞌun va ra. Ra iin tiaa ra iyoo ña väꞌa nima, ra ña väꞌa ndatuꞌun va ra. Chi takundiꞌi ña iyoo nima yo ke kaꞌan va yo ―kachi Jesús xiꞌin na.

San Juan 18:20

Saa ndakuiin Jesús, kachi ra saa xiꞌin ra: ―Köo iin ña ndikaꞌan seꞌe yu, saa chi takundiꞌi ichi ña ndixika yu sañaꞌa yu na ñuu yo Israel, ra veꞌe ñuꞌu naꞌnu xiꞌin veꞌe ñuꞌu vali va ndixika yu, ra nuu chitu kuaꞌa yuvi va sañaꞌa yu na.

San Juan 7:3

Ra xaꞌa ña kan ke ndikaꞌan ndia ñani Jesús xiꞌin ra kachi ndia saa: ―Kanata ñuu yoꞌo, ra kuaꞌan chi Judea, ña vaꞌa na kuni tu na ndikun sata kun na ndee kan va chiñu ña xa kun.

San Juan 7:5

Saa chi nii ndia ñani ra, ra ndikandïxa vi ndia ra.