San Juan 7:39 - Mixteco Metlatónoc

³⁹ Ra ña ndikaꞌan Jesús tuꞌun yoꞌo xiꞌin na, ra xaꞌa Tachi Yii Ndioxi ña xinu koo xiꞌin takundiꞌi na kandixa tuꞌun va ra ke ndikaꞌan ra ña; saa chi täan xaa vi Tachi Yii Ndioxi ña koo ña xiꞌin na, chi täan nandiko Jesús kunuꞌu ra ndivi.

San Juan 7:39 Iomraidhean Croise

San Mateo 16:14

Ra saa ndakuiin ndia kachi ndia saa xiꞌin ra: ―Sava na kaꞌan kachi na saa, ña kuu kun ra Juan ra sakuchi yuvi; ra sava tu na kaꞌan ña kuu kun ra Elías va; ra inka tu na kaꞌan ña kuu kun ra Jeremías va; ra sava tu na kaꞌan ña kuu kun ndia iin ra ndikaꞌan tuꞌun yuꞌu Ndioxi xinaꞌa va ―kachi ndia xiꞌin Jesús.

San Mateo 21:11

Saa ndakuiin na kuaꞌan xiꞌin Jesús kachi na saa xiꞌin na: ―Ra yoꞌo kuvi Jesús ra kaꞌan tuꞌun yuꞌu Ndioxi, ra kee ñuu Nazaret ña ndikun ndiaa Galilea ―kachi na xiꞌin na.

San Lucas 24:49

Ra ñuu Jerusalén yoꞌo ke kundiatu ndo, ra saa tiꞌvi yu ña kindoo Tata yu tiꞌvi ra sata ndo, ra ndia ta xa na ndakiꞌin ndo ndiee ña kee ndivi, saa vi ke kee ndo kuꞌun ndo ña kaꞌan ndoso ndo tuꞌun yu ―kachi Jesús xiꞌin ndia xitaꞌan xiꞌin ra.

San Lucas 3:16

Ra saa ndikaꞌan ra Juan xiꞌin na, kachi ra saa: ―Süvi yuꞌu kuvi ra. Ra vaꞌa ni ña ndixa va ke ^sakuchi yu ndoꞌo xiꞌin tiakuii, ndi su vaxi inka ra kaꞌnu ni ka nuu yuꞌu, ra ndia nii chiñu loꞌo ke köo yaꞌvi ndiaa yu sa yu nuu ra. Ra ra kan kuvi ra sakuchi ndoꞌo xiꞌin ñuꞌu xiꞌin ndie̱e̱ Tachi Yii Ndioxi.

San Lucas 7:16

Ra te xini yuvi kan ña ndatiaku ra, ra ndiyuꞌvi ni na. Ra xaꞌa na ^ndasakaꞌnu na Ndioxi, kachi na saa: ―Iin ra kaꞌnu, ra kaꞌan ndoso tuꞌun yuꞌu Ndioxi kuvi ra xaa nuu yo. Chi Ndioxi kuvi ra xaa chindiee taꞌan xiꞌin yo ―*kachi na.

San Juan 1:21

Ra saa ndindakatuꞌun tuku va ndia ra kachi ndia saa: ―¿Yoo kuvi yoꞌo, tu saa? ¿A ra Elías, ra ndikaꞌan tuꞌun yuꞌu Ndioxi xinaꞌa kuvi kun? ―kachi ndia xiꞌin ra. Ra saa ndakuiin ra Juan kachi ra saa: ―Süvi yu ―kachi ra. Ra saa ndindakatuꞌun tuku va ndia ra kachi ndia saa: ―¿A yoꞌo kuvi ra iyoo tuꞌun xaꞌa kixi kaꞌan ndoso tuꞌun yuꞌu Ndioxi? ―kachi ndia xiꞌin ra. Ra saa ndakuiin ra kachi ra saa: ―Süvi yuꞌu kuvi ra ―kachi tuku va ra.

San Juan 1:25

Ra ndindakatuꞌun ndia ra kachi ndia saa: ―¿Nichuun ^sakuchi kun yu̱vi tu süvi Cristo kuvi kun, ra nii süvi tu ra Elías kuvi kun, ra nii süvi tu ra ka̱ꞌa̱n tuꞌun yuꞌu Ndioxi kuvi va kun? ―kachi ndia xiꞌin ra.

San Juan 1:33

Ra nii yuꞌu ndikundäa ini yoo kuvi ra, ndi su ra tiꞌvi yuꞌu vaxi yu, ña ^sakuchi yu yu̱vi xiꞌin tiakuii kuvi ra ndikaꞌan xiꞌin yu, kachi ra saa: “Ra kuni kun nduxínu̱ Tachi Yii sata ra kukoo ña xiꞌin ra, ra ra kan kuvi ra ^sakuchi yuvi xiꞌin Tachi Yii”, kachi ra xiꞌin yu.

San Juan 12:16

Ra ndia itaꞌan xiꞌin Jesús, ra ndikundäa vi ini ndia xiꞌin tuꞌun kan, ra ndia te ndatiaku Jesús kuanuꞌu ra chi ndivi vi ke, ndakaꞌan ndia ña ndikaꞌyu tuꞌun kan xaꞌa Jesús, ra iin ta kachi tuꞌun kan ña ndakani ña, ra iin saa ke kuu va.

San Juan 12:23

Ra saa ndikaꞌan Jesús kachi ra saa xiꞌin ndia: ―Xa kuyachin ni kii ña taxi Ndioxi ña kundaa ini yuvi, ña kaꞌnu ni yuꞌu, ra xaa yoꞌo.

San Juan 14:13

Ra takundiꞌi ña nduku ndo nuu Tata yo Ndioxi xiꞌin kivi yu, ra sa va yu ña, ra saa ke kundaa ini ndo ña kaꞌnu ni Ndioxi.

San Juan 14:26

ndi su Tachi Yii, ña tiꞌvi Tata yo Ndioxi kixi nuu va yu kuvi ña chindiee taꞌan xiꞌin ndo, ra taxi ña tuꞌun ndiee ini ndaꞌa ndo, ra sañaꞌa tu ña ndoꞌo xaꞌa takundiꞌi chiñu, ra sandakaꞌan tu ña ndoꞌo xaꞌa takundiꞌi tuꞌun ña ^kaꞌan yu xiꞌin va ndo.

San Juan 16:14

Ra Tachi Yii Ndioxi va kuvi ña chinduꞌu toꞌo tuꞌun xaꞌa yu, saa chi ^kundaa va ini ña xaꞌa takundiꞌi ña xa yu, xiꞌin ña sañaꞌa yu, ra ndañaꞌa tu ña ña nuu ndoꞌo va.

San Juan 16:7

Ndi su ña ndaa va ke kaꞌan yu xiꞌin ndo: chi ña vaꞌa ni ka va ke na kuꞌun yu, saa chi tu na küꞌun yu, saa ra küvi vi kixi Tachi Yii Ndioxi ña chindiee taꞌan ña xiꞌin ndo, ña kan ke xiniñuꞌu kuꞌun va yu, ra saa ke vaꞌa tiꞌvi yu Tachi Yii, ña kixi ña koo ña xiꞌin ndo.

San Juan 17:1

Ra te ndiꞌi ndikaꞌan Jesús tuꞌun yoꞌo, ra saa ndoniꞌi ra nuu ra chi ndivi, ra ndikaꞌan ra xiꞌin Ndioxi kachi ra saa: ―Tata, vichin ke ndixaa kii ña na ndañaꞌa kun yuꞌu, ra kuu seꞌe kun nuu yuvi ra na kundaa ini na ña kaꞌnu ni yu, ra ndañaꞌa tu yuꞌu va yoꞌo nuu na, ra kundaa ini na ña kaꞌnu ni kun.

San Juan 17:5

Ra vichin ke na ndataxi tuku kun ndiee ña xa xikuu mii yu ndaꞌa yu, Tata, xa ta kuꞌva ndixiyo ndiee yu xiꞌin kun ta kumani ka kukava xaꞌa ña yuuvi yoꞌo.

San Juan 20:22

Ra te ndiꞌi ndikaꞌan Jesús tuꞌun yoꞌo, ra saa tivi ra tachi yuꞌu ra, chi nuu ndita ndia ra ndikaꞌan ra xiꞌin ndia, kachi ra saa: ―Ndakiꞌin ndo Tachi Yii Ndioxi.

San Juan 6:14

Ra te xini yuvi kan ña xituꞌun xa Jesús, ra saa ndikaꞌan na kachi na saa: ―Ña ndixa ke ra kaꞌan tuꞌun yuꞌu Ndioxi, ra iyoo tuꞌun kixi nuu ña yuuvi yoꞌo kuvi ndixa va ra yoꞌo ―*kachi na.

San Juan 7:12

Ra yuvi kan ra iin niniꞌi kaꞌan na xaꞌa ra. Ra sava na kaꞌan kachi na saa: “Ra vaꞌa va kuvi ra”, kachi na. Ra sava tu na kaꞌan kachi saa: “Süvi ra vaꞌa kuvi ra, chi ra sandaꞌvi yuvi va kuvi ra”, kachi na.

San Juan 8:54

Ra saa ndakuiin Jesús kachi ra saa xiꞌin na: ―Tu na chinduꞌu toꞌo ni yu tuꞌun xaꞌa mii yu, saa ra köo yaꞌvi ndiaa vi ña. Saa chi ra kachi ndoꞌo kuu Ndioxi va ndo kuvi ra chinduꞌu toꞌo tuꞌun xaꞌa yu.

Hechos 19:2

Ra nindakatuꞌun ra ndia, kachi ra saa: ―¿A xa ndakiꞌin ndo Tachi Yii ta kandixa ndo Jesús? ―kachi ra. Ra saa ndakuiin ndia, kachi ndia saa: ―Kundäa tu ini mii vi ndi ni ñaꞌa kuu Tachi Yii ―kachi ndia.

Hechos 2:17

Yuꞌu, ra kuvi Ndioxi ndo kuvi ra kaꞌan xiꞌin ndo; saa chi te xa ninumi ndiꞌi xaꞌa ña yuuvi, ra tiꞌví yu Tachi Yii yu ña kuxinu ña sata takundiꞌi yuvi; ra takuu na kuvi seꞌe tiaa ndo xiꞌin na kuvi seꞌe siꞌi ndo, ra kuniñuꞌu yu na ña ka̱ꞌa̱n na tuꞌun yu xiꞌin yuvi; Ra seꞌe vali ndo kuvi na tuvi nuu kuni na ña kúni̱ yu; ra na naꞌnu kuvi na taxi yu xani nuu va.

Hechos 2:33

Ra nadaa ra ndivi ndakunduꞌu ra xitia kuaꞌa Ndioxi ña ^xaꞌndia ra chiñu vichin; ra ndakiꞌin ra Tachi Yii ndaꞌa Tata ra, ra tiꞌvi ra ña xaa ña sata ndi vichin, ra ta kuꞌva kindoo ra ke xa va ra. Ña kan ke vaꞌa xini ndo, ra xini tu soꞌo va ndo takundiꞌi ña kuu yoꞌo vichin, ra mii va Jesús kuvi ra ^xa ña.

Hechos 2:38

Saa ndikaꞌan ra Pedro xiꞌin na kachi ra saa: ―Nandiko ini ndo xaꞌa kuachi ndo, ra kuchi ndo tixi ndiee Jesucristo, ra saa ke koo káꞌnu ini Ndioxi xaꞌa kuachi ndo, ra taxi tu ra Tachi Yii ra ña koo ña xiꞌin va ndo.

Hechos 2:4

Ra saa ndakiꞌin takundiꞌi na Tachi Yii Ndioxi, ra xaꞌa na ^kaꞌan na inka nuu tuꞌun, ra ta iyoo mii tuꞌun ña taxi Tachi Yii Ndioxi ndaꞌa na kaꞌan na, ke ndikaꞌan va na.

Hechos 3:13

Chi Ndioxi ra kaꞌnu, ra xindikun, ra Abraham, xiꞌin ra Isaac, xiꞌin ra Jacob ndia kuu xii xikua yo, kuvi ra ndasa chee Jesús ra kuu seꞌe ra, ra ra yoꞌo kuvi ra tiin ndo ndataxi ndo ndaꞌa na chiñu va, ra nditäxi ndo sa̱ña̱ ra, ta kuni ra Pilato ña sa̱ñá ra ra.

Hechos 4:31

Ra te sandiꞌi na ndikaꞌan na xiꞌin Ndioxi, ra saa nditaan veꞌe nuu ndakitaꞌan na ndee na, ra ndixinu Tachi Yii Ndioxi sata na, ra nundaku ini na ra xaꞌa na kaꞌan ndoso na tuꞌun Ndioxi.

Romanos 8:9

Ndi su tu iyoo Tachi Yii nima ndo, saa ra tiäku ka vi ndo ta kuꞌva kuni mii ndo, chi xa ta kuꞌva kuni Tachi Yii Ndioxi va ke tiaku ndo. Ra na kundaa ini ndo, chi yuvi na köo Tachi Yii Cristo iyoo nima, ra süvi vi kuenda ra kuvi na.

2 Corintios 3:8

Ra tu ndixiyo ni va ndiee xiꞌin ndiayu kan, saa ra viꞌi ni ka va ndiee iyoo xiꞌin ndiayu xaa ña ^taxi Tachi Yii ndaꞌa yo vichin.

Efesios 4:30

Ra na sä ndo chiñu kiꞌvi ña kuvi sakusuchi ini Tachi Yii Ndioxi. Ra na näa ini ndo, chi ña taxi Ndioxi Tachi Yii ra iyoo xiꞌin ndo ra ta kuꞌva iyoo tuni va kuvi ña iyoo ña xakin ra ndoꞌo ña kuu ndo kuenda ra, ra ña xa ra suꞌva kuvi ña kindoo tu ra xiꞌin ndo ña sakaku ra ndoꞌo kii ña vaxi va.