San Juan 7:11 - Mixteco Metlatónoc

¹¹ Ra ndanduku ni va na judío ra viko kan, ra ndikaꞌan na kachi na saa: ―¿Ndia chi xika tiaa kan? ―kachi na.

San Juan 7:11 Iomraidhean Croise

San Juan 1:19

Ra saa kuu iin kii, ra ndakutaꞌan ndia sutu kunaꞌnu nuu na judío na ndee ñuu Jerusalén ra tiꞌvi ndia sava ndia sutu xiꞌin ndia levita ña ndixaꞌan ndia nindakatuꞌun ndia ra Juan ra sakuchi yuvi, kachi ndia saa: ―¿Ndia chiñu ke ^xa kun nuu Ndioxi? ―*kachi ndia xiꞌin ra.

San Juan 11:56

Ra ndanduku tu na Jesús va, ra ta ndixaa na veꞌe ñuꞌu kaꞌnu kan, ra saa ^ndakatuꞌun taꞌan na kachi na saa: ―¿Ndixa tuvi ndo, a kixi ra viko yoꞌo a kïxi ra? ―kachi na xiꞌin taꞌan na.

San Juan 7:1

Ra suvi mii ñuu ña ndoꞌni chi Galilea kan ke, ndixika niꞌni va Jesús tiempo kan, saa chi ndiküni ra koo ra chi Judea, saa chi na judío ra na xika nduku va ku na ña kaꞌni na ra.

San Juan 7:13

Ra ndia nii na ndiküvi kaꞌan tuvi xaꞌa Jesús, xaꞌa ña iyuꞌvi na nuu na judío.

San Juan 7:15

Saa ra iin ndakanda ini na judío kan ra kachi na saa: ―¿Ni ke ^xa tiaa yoꞌo ña xini ni ra, ra ndikäꞌvi ra xaꞌa tuꞌun Ndioxi veꞌe ñuꞌu? ―kachi na.

San Juan 9:12

Ra saa ndikaꞌan na xiꞌin ra kachi na saa: ―¿Ndia chi íin tiaa kan vichin? ―kachi na. Ra saa ndakuiin ra kachi ra saa xiꞌin na: ―Xïni yu ―kachi ra.