San Juan 6:53 - Mixteco Metlatónoc

⁵³ Ra saa ndikaꞌan Jesús xiꞌin na kachi ra saa: ―Ña ndixa ke kaꞌan yu xiꞌin ndo, chi tu na käxi ndo kuñu ra kuu Seꞌe Ndioxi, ra köꞌo tu ndo nii ra, saa ra kuchüun vi ndo kutiaku ndo.

San Juan 6:53 Iomraidhean Croise

San Mateo 18:3

Ra ndikaꞌan ra xiꞌin ndia kachi ra saa: ―Ña ndixa kaꞌan yu xiꞌin ndo, chi tu na ^ndasäma ndo ña nduu ndo ta kuꞌva iyoo na kuachi vali, saa ra kuchüun ndo kiꞌvi ndo ndivi nuu iyoo Ndioxi ña koo ndo xiꞌin ra.

San Mateo 5:18

Ra ña ndixa ke kaꞌan yu xiꞌin ndo, ra na kundaa ini ndo: chi ndia nii tuꞌun loꞌo xiꞌin ndia nii letra loꞌo ña kuu ndiayu Ndioxi ña tiaa ra Moisés xinaꞌa, ra ndïꞌi xaꞌa ña, ra nii na ndiꞌi va xaꞌa ña yuuvi yoꞌo, ndi su xiniñuꞌu xinu ndiꞌi va ña kaꞌan tuꞌun Ndioxi.

San Mateo 8:20

Saa ndakuiin Jesús kachi ra saa xiꞌin ra: ―Yukuii, ra iyoo va yavi nuu kixi ri, ra saa tu iyoo saa va, chi iyoo tu chiꞌyo nuu kixi ri kan va. Ndi su, yuꞌu, ra xaa yoꞌo vichin, ra ndia nii nuu kusun yu ke köo vi ―kachi Jesús xiꞌin ra.

San Lucas 13:3

Ra ña kachi yuꞌu xiꞌin ndo ra süvi saa iyoo ña. Chi tu na nandïko ini ndo xaꞌa kuachi ndo, ra mii saa ke ndoꞌo tu ndoꞌo va.

San Lucas 13:5

Ra ña kachi yuꞌu xiꞌin ndo ra süvi saa iyoo ña. Chi tu na nandïko ini ndo xaꞌa kuachi ndo, ra kuvi tu ndoꞌo va ―kachi Jesús xiꞌin na.

San Juan 13:8

Ra saa ndikaꞌan ka ra Pedro kachi ra saa: ―Tata, ndia nii kii täxi yu ndakatia kun xaꞌa yu ―kachi ra. Ra saa ndakuiin Jesús kachi ra saa xiꞌin ra: ―Tu na ndakätia yu xaꞌa kun, saa ra küvi kutaꞌan kun xiꞌin yu ―kachi ra.

San Juan 15:4

Ña kan ke na kundikun ndiaa va ndo yuꞌu, ra yuꞌu tu kuiin xiꞌin ndoꞌo va. Ra na kundaa ini ndo, chi takundiꞌi yoꞌó vali ndaꞌa teꞌe uva, ra tu na kundïkun ndiaa ña sata mii yoꞌo chee teꞌe uva, saa ra küvi vi taxi ña uva, ra mii saa ke ndoꞌo tu ndoꞌo va, tu na kundïkun ndiaa ndo yuꞌu.

San Juan 3:3

Ra saa ndikaꞌan Jesús xiꞌin ra kachi ra saa: ―Ña ndixa ke kaꞌan yu xiꞌin kun chi tu na ndakäku xaa iin yuvi, saa ra küvi vi kuni na nuu xaꞌndia Ndioxi chiñu ―kachi Jesús xiꞌin ra.

San Juan 3:36

Ra na kandixa seꞌe Ndioxi, ra niꞌi va na kan ña kutiaku na ndia ndikaa ndikuꞌun; ndi su na xïin kandixa seꞌe Ndioxi, ra nïꞌi vi na kan ña kutiaku na xiꞌin ra, chi ña niꞌi na kan kuvi tundoꞌo ndiee ña taxi Ndioxi va.

San Juan 3:5

Saa ndakuiin Jesús kachi ra saa xiꞌin ra: ―Ña ndixa ke kaꞌan yu xiꞌin kun saa chi tu na ndakäku iin yuvi xiꞌin tiakuii xiꞌin Tachi yii Ndioxi, saa ra küvi vi kiꞌvi na nuu xaꞌndia Ndioxi chiñu.

San Juan 6:47

Ra ña ndixa ke kaꞌan yu xiꞌin ndo; chi yuvi na kandixa yuꞌu, ra niꞌi va na kan ña kutiaku na ndia ndikaa ndikuꞌun xiꞌin Ndioxi.

San Juan 6:51

Ra Yuꞌu va kuvi ra kuu ixta ña tiaku ña kee ndivi; ra na kuxi ixta yoꞌo kuvi na kutiaku iin ndisaa kii iin ndisaa tiempo va; Ra ixta ña taxi yu kuxi na, kuvi iki kuñu va yu. Ra taxi yu ña xaꞌa ña kutiaku na yuuvi va ―kachi ra xiꞌin na.

San Juan 6:55

Saa chi kuñu yu kuvi ñaꞌa ña ndixa xixi na, ra nii yu kuvi ndixa ndutia ra xiꞌi va na.

San Juan 6:62

Tu saa, ¿ra ni ke sa tu ndo tu na kuni ndo nandaa yuꞌu ra xaa yoꞌo chi ndivi nuu xinduꞌu yu ta yachi? ―kachi ra xiꞌin na.

1 San Juan 5:12

Ra xaꞌa ña kan ke yuvi na itaꞌan xiꞌin seꞌe Tata yo Ndioxi, ra niꞌi va na kan ña kutiaku na ndia ndikaa ndikuꞌun; ndi su yuvi na kuëe itaꞌan xiꞌin seꞌe ra, ra nïꞌi vi na kan ña kutiaku na ndia ndikaa ndikuꞌun.

Apocalipsis 2:17

Ra na veꞌe ñuꞌu, na xíni soꞌo ña kaꞌan Tachi Yii Ndioxi xiꞌin na, ra na tiaa ka soꞌo va na, chi na kuchuun sakanaa nuu ña väꞌa ra taxi yu ixtavaꞌa ña kée ndivi ña iyoo nuu se̱ꞌè kuxi na, ra taxi tu yu iin yuu yaa loꞌo va ndaꞌa na, ra nuu yuu loꞌo kan kunduꞌu iin kivi na, ña xaa, ra kivi na ña xaa yoꞌo, ra ndia nii yuvi xïni ña, chi takua mii na ndakiꞌin va ña kuvi na kundaa ini xiꞌin ña.”

Apocalipsis 2:7

Ra na veꞌe ñuꞌu, na xíni soꞌo ña kaꞌan Tachi Yii Ndioxi xiꞌin na, ra na tiaa ka soꞌo va na. Chi na kuchuun sakanaa nuu ña väꞌa, ra taxi yu kaxin na kuiꞌi ña kuun ndaꞌa itun tu taxi ña kutiaku na ndia ndixaa kii ndia ndixaa tiempo, itun kuiꞌi tu ndichi nuu ñuꞌú Ndioxi.”