San Juan 6:51 - Mixteco Metlatónoc

⁵¹ Ra Yuꞌu va kuvi ra kuu ixta ña tiaku ña kee ndivi; ra na kuxi ixta yoꞌo kuvi na kutiaku iin ndisaa kii iin ndisaa tiempo va; Ra ixta ña taxi yu kuxi na, kuvi iki kuñu va yu. Ra taxi yu ña xaꞌa ña kutiaku na yuuvi va ―kachi ra xiꞌin na.

San Juan 6:51 Iomraidhean Croise

San Mateo 20:28

Ta kuꞌva iyoo yuꞌu, ra xaa yoꞌo, chi yuꞌu ra ndixäa yu ña kaꞌndia yu chiñu, chi ra xaa xachiñu nuu takundiꞌi va ndo kuvi yu, ra ndataxi yu mii yu xaꞌa takundiꞌi va na yuuvi yoꞌo, ra saa ke vaꞌa saña ndika na ―kachi Jesús xiꞌin ndia.

San Lucas 22:19

Ra saa kiꞌin ra xita vaꞌa ra taxi ra tixaꞌvi ndaꞌa Ndioxi xaꞌa ña, ra saa taꞌvi ra ña taxi ra ndaꞌa ndia, ra ndikaꞌan ra xiꞌin ndia, kachi ra saa: ―Ña yoꞌo ku iki kuñu yu, ña ndataxi yu xaꞌa ndo vichin. Ra iin takundiꞌi ichi na sa ndo ña yoꞌo ña ndakaꞌan ndo xaꞌa yu ―kachi ra.

San Juan 1:14

Ra ña kuu tuꞌun kan ke nduu iin tiaa va, ra ra kan kuvi ra kixi ndixiyo nuu ña yuuvi yoꞌo va. Ra xini nuu va ndi ndiee ña taxi iva ra ndaꞌa ra, ña kuu ra ra mituꞌun, ra ndañaꞌa ra mii ra nuu ndi ña kuu ra ra ndaa, ra kuꞌvi ni ini ra xini ra yoo.

San Juan 1:29

Saa kuu ndiyaꞌa iin kii, ra xini ra Juan ña kuyachin Jesús kuaꞌan ra nuu íin ra. Ra saa ndikaꞌan ra kachi ra saa: ―Kutoꞌni ndo, chi ra yoꞌo kuvi ra kuu ndikachi loꞌo ra kuu kuenda Ndioxi, ra ra yoꞌo kuvi ra sandiꞌi xaꞌa kuachi na yuuvi yoꞌo.

San Juan 11:26

Ra takundiꞌi yuvi na tiaku, ra kandixa na yuꞌu, ra ndia nii kii küvi na. ¿A kandixa kun ña yoꞌo? ―kachi Jesús xiꞌin ña.

San Juan 3:13

’Ra na kundaa ini ndo chi ndia nii yuvi täan ndaa ndivi, ra nuu tuku na, ndi su iyoo va indaa ra kee ndivi, ra ra kan kuvi ra xaa nuu ña yuuvi yoꞌo vichin va.

San Juan 3:14

Ra ta kuꞌva xa ra Moisés ña xavaꞌa ra iin ko̱o̱ ra chinduꞌu ra ri xini iin itun, ra ndakani ndichi ra nu xiꞌin ri iku yuu, ra kuꞌva saa ke xiniñuꞌu tu ndoniꞌi na ra xaa yoꞌo vichin va,

San Juan 3:16

’Saa chi kuꞌvi ni ini Ndioxi xini ra na yuuvi yoꞌo, ña kan ke tiꞌvi ra seꞌe ra, ra mituꞌun nuu ra ña kixi ra ndixiꞌi ra xaꞌa na, ra takundiꞌi na kandixa ñaꞌa, ra ndoñüꞌu na, chi niꞌi va na ña kutiaku na xiꞌin ra ndia ndikaa ndikuꞌun.

San Juan 3:36

Ra na kandixa seꞌe Ndioxi, ra niꞌi va na kan ña kutiaku na ndia ndikaa ndikuꞌun; ndi su na xïin kandixa seꞌe Ndioxi, ra nïꞌi vi na kan ña kutiaku na xiꞌin ra, chi ña niꞌi na kan kuvi tundoꞌo ndiee ña taxi Ndioxi va.

San Juan 5:24

’Ra ña ndixa ni ke kaꞌan yu xiꞌin ndo, saa chi yuvi na xini soꞌo tuꞌun ña kaꞌan yu, ra kandixa tu na ra tiꞌvi yuꞌu vaxi yu, ra na kan kuvi na niꞌi kutiaku ndia ndikaa ndikuꞌun; ra küꞌun ka na nuu ndoꞌo na, saa chi xa ndikaku va na nuu ña kuvi na, ra xa na kutiaku va kuvi na vichin.

San Juan 6:33

Ra ixta ña taxi Ndioxi kuvi tiaa ra kee ndivi ra xaa ra nuu ña yuuvi yoꞌo vichin, ra ^taxi ra ña kutiaku takundiꞌi va na yuuvi ―kachi Jesús xiꞌin na.

San Juan 6:35

Ra saa ndikaꞌan Jesús xiꞌin na kachi ra saa: ―Yuꞌu kuvi ra kuu ixta ña ^taxi ña kutiaku yuvi. Ra na vaxi nuu yuꞌu, ra ndia nii ka kii käꞌun ini na, ra na kandixa yuꞌu, ra ndia nii ka tu kii ïchi ini na tiakuii va.

San Juan 6:41

Ra saa xaꞌa na judío kañaꞌa na xaꞌa Jesús, chi ndikaꞌan ra kachi ra saa: “Yuꞌu ku ra kuu ixta ña kee ndivi” ―kachi ra.

San Juan 6:47

Ra ña ndixa ke kaꞌan yu xiꞌin ndo; chi yuvi na kandixa yuꞌu, ra niꞌi va na kan ña kutiaku na ndia ndikaa ndikuꞌun xiꞌin Ndioxi.

San Juan 6:48

Saa chi yuꞌu kuvi ra kuu ixta ña ^taxi ña kutiaku va na.

San Juan 6:50

ndi su yuꞌu ra ixta ña kee ndivi va ke kaꞌan yu xiꞌin ndo xaꞌa; ra na kuxi ixta yoꞌo, ra küvi ka na.

San Juan 7:38

Ra yuvi na kandixa yuꞌu, ra ini vi na ke kana iin itia kaꞌnu, ra tiakuii ra taxi ña tiaku yuvi va kuvi ra, ta kuꞌva kachi tuꞌun Ndioxi ―kachi ra xiꞌin na.

2 Corintios 5:19

Ra suꞌva ke kuni kachi tuꞌun ña kaꞌan yu xiꞌin ndo yoꞌo: Mii va Ndioxi kuvi ra ndachutaꞌan mani yoo na yuuvi yoꞌo xiꞌin mii ra, xaꞌa ña xa Cristo. Ra ndixitöꞌni ra nuu vi kuachi yo; ra nduꞌu kuvi ndia sakuiso chiñu tu ra, ña kaꞌan ndoso ndi tuꞌun ra nuu yuvi, ña vaꞌa na ndakutaꞌan mani na xiꞌin ra.

2 Corintios 5:21

Ra Cristo, ra ndia nii kuachi ra ndixïyo; ndi su xaꞌa kuachi ña xa yoo, ra ta iyoo ra xa kuachi va ndasa Ndioxi ra, ra xaꞌa ña kan ke vichin ña nduu yo iin xiꞌin Cristo, ra ña vaꞌa na nduu yo yuvi na köo kuachi nuu Ndioxi va kuvi ña.

Efesios 5:2

Ra ña tiaku ndo vichin, ra na kuꞌvi ni ini ndo kuni taꞌan ndo, ta kuꞌva xa Cristo ña kuꞌvi ini ra xini ra yoo, ra ndisoko ra mii ra xaꞌa yo, ta kuꞌva iyoo iin ndikachi loꞌo ri soko na nuu Ndioxi ña xixi ri, ra kuandaa xiko xaꞌan tami nuu ra.

Efesios 5:25

Ra tiaa ra iyoo yasiꞌi, ra ña xiniñuꞌu va kuvi ña na kuꞌvi ini ra yasiꞌi ra, ta kuꞌva xa Tata yo Jesucristo ña kuꞌvi ini ra xini ra na veꞌe ñuꞌu, ra ndataxi ra mii ra ña ndixiꞌi ra xaꞌa na.

Tito 2:14

Ra mii Tata yo Jesucristo kuvi ra ndixiꞌi xaꞌa yo, ña sakaku ra yoo nuu takundiꞌi chiñu kiꞌvi va, ra ndakatia tu ra kuachi va yo, ña vaꞌa na kuu yo na ñuu ra, ra ndataxi tu yo mii yo ña sa yo chiñu vaꞌa ña kuni mii va ra.

Hebreos 10:20

Ra ña ndixiꞌi ra kuvi ña ndakuiña ra iin ichi xa̱a nuu yo; ra ichi kan kuvi ña ^taxi ña kutiaku va yo, ra ña yoꞌo, ra suꞌva va ke kuni kachi ña, ña nditata tikoto ña xitanii ini veꞌe ñuꞌu, ra ndanuña Nuu Yii Ni, ra xaꞌa ña nditaxin iki kuñu va ra kuvi ña kaꞌan ña.

1 San Pedro 2:4

Ra na kuyachin ndo nuu Tata yo Jesucristo, ra iyoo ta kuꞌva iyoo yuu ña tiaku ña kundasi na xavaꞌa veꞌe te yachi, ndi su nuu Tata yo Ndioxi ra ta kuꞌva iyoo iin yuu vaꞌa ña ndiaa yaꞌvi ni va ke iyoo ra.

1 San Juan 2:2

Saa chi Tata yo Jesucristo kuvi ra ndixiꞌi nuu yoo xaꞌa kuachi yo ña kan ke vaꞌa xa kaꞌnu ini Tata yo Ndioxi xaꞌa yo, ra süvi takua yoo kuvi na ndixa kaꞌnu ini ra xaꞌa kuachi, chi saa tu xaꞌa kuachi takundiꞌi yuvi na ndee nuu iinii kuvi ña yuuvi va.

1 San Juan 4:10

Ra na kundaa ini ndo, chi suꞌva va ke iyoo ña vaꞌa kuꞌvi ini Tata yo Ndioxi xini ra yoo: süvi xiꞌna yoo kuvi na ndikuꞌvi ini kuni Tata yo Ndioxi, chi ra kan va kuvi ra kuꞌvi ini xini yoo, ra xaꞌa ña kan ke tiꞌvi ra seꞌe ra ña ndisoko ra mii ra, ña vaꞌa sandiꞌi ra xaꞌa kuachi yo.

1 San Juan 4:14

Ra xini nuu tu ndi ña tiꞌvi Tata yo Ndioxi seꞌe ra ña kixi ra sakaku ra na yuuvi yoꞌo va, ña kan ke ndakani ndi nuu ndo xaꞌa ra vichin va.