San Juan 6:41 - Mixteco Metlatónoc

⁴¹ Ra saa xaꞌa na judío kañaꞌa na xaꞌa Jesús, chi ndikaꞌan ra kachi ra saa: “Yuꞌu ku ra kuu ixta ña kee ndivi” ―kachi ra.

San Juan 6:41 Iomraidhean Croise

San Lucas 15:2

Ra xaꞌa ña kuyachin na yoꞌo nuu Jesús ke xaꞌa ndiaa fariseo xiꞌin ndiaa maestro sañaꞌa ndiayu Ndioxi, ndikaꞌan ñaꞌa ndia xaꞌa Jesús kachi ndia saa: ―Tiaa yoꞌo, ra itaꞌan va ra xiꞌin yuvi, na iyoo ni kuachi, ra xixi tu ra xiꞌin va na ―kachi ndia.

San Lucas 19:7

Ra ta xini yuvi kan ña ndakiꞌin Jesús kuaꞌan ra xiꞌin ra Zaqueo, saa ra xaꞌa na kañaꞌa na xaꞌa ra kachi na saa: ―¿Nichuun kuaꞌan Jesús veꞌe ra Zaqueo? Saa chi süvi ra vaꞌa kuvi ra ―kachi na.

San Lucas 5:30

Ra ndia fariseo, xiꞌin ndia sañaꞌa ndiayu Ndioxi ña ndakoo ra Moisés, ra xaꞌa ndia xa kuachi ndia ra ndikaꞌan ndia xiꞌin ndia itaꞌan xiꞌin Jesús, kachi ndia saa: ―¿Nichuun xixi ndo xiꞌin ndia kaya xuꞌun ndaꞌa yuvi, xiꞌin sava ka yuvi kuachi? Ra süvi na vaꞌa kuvi na ―kachi ndia.

San Juan 1:19

Ra saa kuu iin kii, ra ndakutaꞌan ndia sutu kunaꞌnu nuu na judío na ndee ñuu Jerusalén ra tiꞌvi ndia sava ndia sutu xiꞌin ndia levita ña ndixaꞌan ndia nindakatuꞌun ndia ra Juan ra sakuchi yuvi, kachi ndia saa: ―¿Ndia chiñu ke ^xa kun nuu Ndioxi? ―*kachi ndia xiꞌin ra.

San Juan 6:33

Ra ixta ña taxi Ndioxi kuvi tiaa ra kee ndivi ra xaa ra nuu ña yuuvi yoꞌo vichin, ra ^taxi ra ña kutiaku takundiꞌi va na yuuvi ―kachi Jesús xiꞌin na.

San Juan 6:43

Ra saa ndakuiin Jesús kachi ra saa xiꞌin na: ―Xavaꞌa käꞌan ñaꞌa ndo xaꞌa yu.

San Juan 6:48

Saa chi yuꞌu kuvi ra kuu ixta ña ^taxi ña kutiaku va na.

San Juan 6:58

Ra ixta ña kee ndivi, ña kaꞌan yu xaꞌa xiꞌin ndo yoꞌo, ra süvi taꞌan ixta ña nani maná ña xixi na xii xikua ndo, ra ndixiꞌi va tu na kuvi ña, chi xa siin va kuvi ña yoꞌo, chi na kuxi ña yoꞌo, ra iin ndisaa kii iin ndisaa tiempo ke kutiaku va na ―kachi ra xiꞌin na.

San Juan 6:60

Ra te xini soꞌo na itaꞌan xiꞌin Jesús tuꞌun ña ndikaꞌan ra, ra saa ndikaꞌan na kachi na saa: ―Tiaa ni ndaku tuꞌun ña kaꞌan ra yoꞌo, ¿ra yoo ku na kundiee saxinu nuu ña? ―kachi na.

San Juan 6:66

Ra mii kii kan ra kuaꞌa ni na itaꞌan xiꞌin Jesús nandiko kuaꞌan, ra ndixïka ka na xiꞌin ra.

San Juan 7:12

Ra yuvi kan ra iin niniꞌi kaꞌan na xaꞌa ra. Ra sava na kaꞌan kachi na saa: “Ra vaꞌa va kuvi ra”, kachi na. Ra sava tu na kaꞌan kachi saa: “Süvi ra vaꞌa kuvi ra, chi ra sandaꞌvi yuvi va kuvi ra”, kachi na.

1 Corintios 10:10

Ra nii na käꞌan kuachi ndo nuu Ndioxi, saa chi saa ke xa na xii xikua yo xinaꞌa, ra kixi ra tatun ra xaꞌni, ra xaꞌni va ra na.

Judas 1:16

Ra tiaa ndia ^kaꞌan tuꞌun chiꞌña kan, ra ndia nii kii ke kuëe ^kusii ini vi ndia, chi iin takundiꞌi ichi ke ^kaꞌan kuachi va ndia, ra niña chiñu ña ^kuni mii va ndia ke ^xa ndia, ra tiaa ni tu ndichi ^xa kaꞌan va ndia, ra tiaa ni vaꞌa tu ^xa kaꞌan ndia xaꞌa yuvi va, xaꞌa ña kuni ndia ndakiꞌin ndia ñaꞌa iyoo nuu na ña nduu ña ñaꞌa ndia.