San Juan 5:4 - Mixteco Metlatónoc

⁴ Saa chi iin kama suꞌva va ^nduxinu iin ra tatun Ndioxi ña sakanda ra tiakuii kan; ra yuvi na nuu vaꞌa kita ini tiakuii kan te ndiꞌi suꞌva kanda ra, ra ndia ndia ka mii kueꞌe ke xiꞌin na ra nduvaꞌa va na.

San Juan 5:4 Iomraidhean Croise

San Mateo 11:12

’Ndia kii te xaꞌa ra Juan, ra sakuchi yuvi kaꞌan ndoso ra tuꞌun Ndioxi, iin saa ndia vichin, ra xika nduku ña ndivaꞌa ña sandiꞌi ña xaꞌa ichi nuu xaꞌndia Ndioxi chiñu, ra takua yuvi na ndaku ini va kuvi na kuchuun kiꞌvi koo nuu xaꞌndia Ndioxi chiñu.

San Mateo 6:33

Ña kan ke, ndoꞌo, ra xiꞌna ka va chiñu ña xaꞌndia Ndioxi ke ná ndanduku ndo, ra sa ndo ña, ra saa ke taxi ra takundiꞌi ñaꞌa ña xíniñuꞌu nuu ndo ndaꞌa ndo.

San Lucas 13:24

―Na sa nduxa ndo ña kee ndo yeꞌe tiañu; saa chi kuaꞌa ni yuvi kuni kiꞌvi, ndi su kuchüun ka na.

San Lucas 16:16

Ra saa ndikaꞌan ka Jesús kachi ra saa: ―Te yachi ra ndiayu Ndioxi ña tiaa ra Moisés, xiꞌin tuꞌun ña ndikaꞌan na ndikaꞌan tuꞌun yuꞌu Ndioxi xinaꞌa, ke xindikun va yuvi iin saa ndia kii ña kixi ra Juan, ra sakuchi yuvi va, ra ndia kii ña kixi ra kan ke xaꞌa na kaꞌan ndoso na tuꞌun vaꞌa xaꞌa ichi nuu xaꞌndia Ndioxi chiñu. Ra takundiꞌi yuvi ra xa nduxa va na ña kuni na ndakiꞌin na ichi Ndioxi.

San Juan 5:3

Ra ikan ndee kuaꞌa ni na xiꞌi, na kuaa, na köo iin xiyo xaꞌa, xiꞌin na nduchiꞌña küvi kaka, ña ndiatu na kanda nuu tiakuii kan.

San Juan 5:5

Ra tiañu na kan kanduꞌu iin tiaa, ra xa oko xaꞌun uni kuiya vi ke ndiee ndoꞌo ra.

San Juan 5:7

Ra saa ndakuiin ra xiꞌi kan kachi ra saa: ―Tata, köo mii vi yuvi tiin yuꞌu ra chikaa na yuꞌu ini tiakuii kaa te kanda ra, ra te kuni yu kuꞌun yu kita yu, saa ra xa inka va na kita nuu yu, ―kachi ra xiꞌin Jesús.

1 Corintios 6:11

Ra taꞌan chiñu yakua kan ke xa tu sava ndoꞌo va ta yachi; ndi su vichin ra xa ndoo va kuachi ndo, ra xa nduyaa va ndo. Ra xa ta kuꞌva iyoo yuvi na köo kuachi va nduu ndo nuu Ndioxi, xaꞌa ndiee Tata yo Jesucristo, xiꞌin xaꞌa ndiee Tachi Yii Tata yo Ndioxi.

1 San Juan 1:7

Ndi su tu vivii va ^xa yo, xaꞌa ña xa iyoo yo nuu iyoo ñùꞌù yeꞌe, ta kuꞌva iyoo mii Tata yo Ndioxi ña ^xa ra ña ndaa, xaꞌa ña kuu mii ra ñùꞌù yeꞌe, saa ra iin yuꞌu kuvi takundiꞌi va yo, saa ra xa ndiꞌi tu xaꞌa takundiꞌi kuachi va yo xaꞌa ña ndixitia nii Tata yo Jesucristo, ra kuu seꞌe Tata yo Ndioxi.