San Juan 5:30 - Mixteco Metlatónoc

³⁰ Saa ndikaꞌan Jesús xiꞌin ndia kachi ra saa: ―Yuꞌu, ra süvi xiꞌin ndiayu mii yu ke xa ndaku yu kuachi xiꞌin yuvi, chi xiꞌin ndiayu Tata yu ra tiꞌvi yuꞌu vaxi va yu ke xa ndaku yu ña xiꞌin na, ra ndaku ni va ^tiin yu kuachi xiꞌin na.

San Juan 5:30 Iomraidhean Croise

San Mateo 26:39

Ra saa kuxika ra loꞌo nuu ndee ndia, ra ikan xikusiti ra, ra iin ndiakua nditiandiaa tiaan ra ndia nuu ñuꞌu, ra xaꞌa ra kaꞌan ra xiꞌin Ndioxi kachi ra saa: ―Tata, tu ña kuvi ke, ra na yaꞌa va tundoꞌo, ña kuyachin vaxi nuu yu; ndi su na köo ña kuni yuꞌu, chi na koo ña kuni yoꞌo va ―^kachi ra xiꞌin Ndioxi.

San Juan 14:10

¿Ra a kandïxa va kun ña íin Tata yo Ndioxi xiꞌin yu, ra yuꞌu tu íin xiꞌin ra kan va? Ra tuꞌun ña kaꞌan yu, ra süvi tuꞌun mii yu kuvi ña. Chi Tata yo Ndioxi va kuvi ra taxi ña, ra mii ra kuvi tu ra xa takundiꞌi chiñu va.

San Juan 17:4

’Ra xa ndañaꞌa va yu yoꞌo nuu na yuuvi ña kaꞌnu ni kun, xaꞌa ña xa saxinu yu takundiꞌi chiñu ña xaꞌndia kun nuu yu sa yu.

San Juan 18:11

Saa ndikaꞌan Jesús xiꞌin ra Pedro, kachi ra saa: ―Ndachikaa ichi kun, ini ñii nuu ndikaa ña. Saa chi tu xa Tata yu kuvi ra taxi ndiayu, ña ndoꞌo yu tundoꞌo yoꞌo, saa ra na ndoꞌo va yu ña ―kachi Jesús.

San Juan 4:34

Ra saa ndakuiin Jesús kachi ra saa xiꞌin ndia: ―Ñaꞌa ña xixi yu kuvi ña xa yu chiñu ña kuni Tata yu ra tiꞌvi yuꞌu vaxi va yu, xiꞌin ña saxinu yu chiñu ra.

San Juan 5:19

Ra saa ndakuiin Jesús kachi ra saa xiꞌin ndia: ―Ña ndixa ke kaꞌan yu xiꞌin ndo, chi ra kuu seꞌe Ndioxi, ra ndia nii chiñu loꞌo ke kuchüun ra sa vii ra xiꞌin ndiee mii ra; saa chi takundiꞌi chiñu ña ^xini ra ^xa Iva va ra ke ^xa ra.

San Juan 6:38

Saa chi yuꞌu, ra ña kee yu ndivi vaxi yu, ra ndixäa yu ña sa yu ña kuni mii yu, chi ña xiniñuꞌu sa yu ke na saxinu yu nuu chiñu Tata yu Ndioxi, ra tiꞌvi yuꞌu vaxi va yu.

San Juan 8:28

Ra saa ndikaꞌan ka Jesús xiꞌin ndia kachi ra saa: ―Te xa na ndoniꞌi ndo yuꞌu ra xaa yoꞌo vichin, ra saa vi ke kundaa ini ndo ña kuu yu tiaa ra kuu yu, ra xä yu ndia nii ña kuni mii yu, chi ña sañaꞌa Tata yu yuꞌu va ke ^xa yu.

San Juan 8:42

Ra saa ndikaꞌan Jesús xiꞌin na kachi ra saa: ―Tu ndixa seꞌe Ndioxi kuvi ndo, saa ra kuꞌvi va ini ndo kuni ndo yuꞌu, saa chi yuꞌu, ra nuu Ndioxi ke kee va yu ña xaa yu yoꞌo. Ra süvi ña kuni mii yu ke ndixaa yu, chi Ndioxi va kuvi ra tiꞌvi yuꞌu xaa yu.

San Juan 8:50

Yuꞌu, ra ndïꞌi ini yu a xa toꞌo na yuꞌu a kuëe xa toꞌo na yuꞌu va, saa chi iyoo va iin ra kuni ña na sa toꞌo na yuꞌu, ra ra kan kuvi tu ra xandaku kuachi va.

Romanos 15:3

Saa chi ndia nani mii Cristo, ra kuëe ndixindiꞌi ini ra takua xaꞌa mii ra; chi ra ndoꞌo va kuvi ra, xa ta kuꞌva kachi mii tuꞌun Ndioxi ña tiaa na xinaꞌa, ña kachi suꞌva va: “Ña kañaꞌa yuvi xiꞌin kun, Tata Ndioxi, ra xiꞌin yuꞌu va ke kañaꞌa na”, ^kachi ña.

Romanos 2:2

Ra xa ^kundaa va ini yo, chi ndakú ni va xayukun Ndioxi kuachi xiꞌin yuvi na ^xa chiñu kíꞌvi.

Romanos 2:5

Ra ña nda̱ku̱ ni ini ndo, ña xïin ndo nandiko ini ndo, ra ña ndasakuaꞌa ka va ndo kuvi kuachi ndo, ra xaꞌa kuachi ndo ke sandoꞌo Ndioxi ndoꞌo, te xa na xaa kii ña sandaku ra kuachi va, saa chi ra kan, ra ndaku ni va sayukun ra kuachi xiꞌin yuvi.