San Juan 5:18 - Mixteco Metlatónoc

¹⁸ Ra xaꞌa tuꞌun yoꞌo ke ndixika nduku ni ka na judío ña kaꞌni na Jesús, saa chi süvi niña kii yii ndakindiee na kuvi ña ndikanduu ra, chi ndikaꞌan tu ra ña kuu Iva ra Ndioxi va, ra iin kuvi va tu ra xiꞌin Ndioxi kachi ra, ña kan ke ndisaa ni ndia xiꞌin ra.

San Juan 5:18 Iomraidhean Croise

San Mateo 12:5

¿Ra a täan kaꞌvi tu ndo ndiayu Ndioxi ña ndakoo ra Moisés, ña kaꞌan ña na sachïñu ndia nii yuvi kii yii sábado, ndi su ndia sutu ra xa va ndia kan chiñu ini veꞌe ñuꞌu kaꞌnu, ra köo vi tu na kaꞌan kuachi xaꞌa ña xa ndia kan?

San Juan 1:19

Ra saa kuu iin kii, ra ndakutaꞌan ndia sutu kunaꞌnu nuu na judío na ndee ñuu Jerusalén ra tiꞌvi ndia sava ndia sutu xiꞌin ndia levita ña ndixaꞌan ndia nindakatuꞌun ndia ra Juan ra sakuchi yuvi, kachi ndia saa: ―¿Ndia chiñu ke ^xa kun nuu Ndioxi? ―*kachi ndia xiꞌin ra.

San Juan 10:30

Ra Yuꞌu, xiꞌin Tata yu, ra indaa mituꞌun va kuvi ndi ―kachi Jesús xiꞌin ndia.

San Juan 10:33

Saa ndakuiin ndia judío kan kachi ndia saa xiꞌin ra: ―Süvi xaꞌa chiñu vaꞌa ña xa kun ke kakin ndi yuu yoꞌo, chi xaꞌa ña ndaa yuꞌu kun Ndioxi va ke kakin ndi ña yoꞌo. Saa chi tiaa yuuvi yoꞌo va kuvi kun, ra kaꞌan kun ña kuu kun Ndioxi ―kachi ndia xiꞌin ra.

San Juan 14:23

Saa ndakuiin Jesús kachi ra saa xiꞌin ra: ―Yuvi na kuꞌvi ini xini yuꞌu, ra kandixa va na tuꞌun ña kaꞌan yu, ra Tata yu Ndioxi, ra kuꞌvi ni va ini ra kuni ra na, ra yuꞌu xiꞌin Tata yu, ra kixi va ndi koo ndi xiꞌin na.

San Juan 14:9

Saa ndakuiin Jesús kachi ra saa xiꞌin ra: ―Felipe, ¿xa kuaꞌa ni va kii iyoo yu xiꞌin ndo, ra nani saa xïni kun yuꞌu saa va? Yuvi na ^xíní yuꞌu, ra ^xíní tu na Tata va yu; ¿ra nichuun ke kaꞌan kun, ña na ñaꞌa yu Tata yo Ndioxi nuu kun?

San Juan 19:7

Ra saa ndakuiin ndia judío kunaꞌnu kan kachi ndia saa xiꞌin ra: ―Nduꞌu, ra kuu mii ndi iin ndiayu, ra ta kuꞌva kachi mii ndiayu ndi ke xiniñuꞌu kuvi va ra, saa chi kaꞌan ra, ña kuu ra seꞌe Ndioxi ―*kachi ndia.

San Juan 5:15

Ra saa ndakiꞌin tiaa kan ndixaꞌan ra, ra ndatuꞌun ra xiꞌin ndia judío xaꞌa Jesús, chi Jesús va kuvi ra sandaꞌa ñaꞌa.

San Juan 5:16

Ra xaꞌa ña sandaꞌa Jesús yuvi kii ndakindiee va ke ndixika nduku ndia judío tiin ndia ra, ra kaꞌni ndia ra.

San Juan 5:17

Saa ndikaꞌan Jesús xiꞌin ndia kachi ra saa: ―Tata yu, ra iin ndisaa kii va xachiñu ra, ña kan ke iin takundiꞌi kii ke xachiñu tu yuꞌu va ―kachi ra xiꞌin ndia.

San Juan 5:23

Saa ke vaꞌa na satoꞌo na ra ta kuꞌva xa na ña xatoꞌo na Iva ra. Chi yuvi na xïin satoꞌo ra kuu seꞌe Ndioxi, saa ra, xätoꞌo tu na Iva va ra, chi Iva ra kuvi ra tiꞌvi ñaꞌa vaxi va ra.

San Juan 7:1

Ra suvi mii ñuu ña ndoꞌni chi Galilea kan ke, ndixika niꞌni va Jesús tiempo kan, saa chi ndiküni ra koo ra chi Judea, saa chi na judío ra na xika nduku va ku na ña kaꞌni na ra.

San Juan 7:19

’Ra ndoꞌo, ra ña ndixa ke iyoo va ndiayu Ndioxi ña ndakoo ra Moisés ndaꞌa ndo, ndi su ndia nii ndo xïin kandixa ña. ¿Nichuun kuni ndo kaꞌni ndo yuꞌu? ―kachi ra xiꞌin na.

San Juan 8:54

Ra saa ndakuiin Jesús kachi ra saa xiꞌin na: ―Tu na chinduꞌu toꞌo ni yu tuꞌun xaꞌa mii yu, saa ra köo yaꞌvi ndiaa vi ña. Saa chi ra kachi ndoꞌo kuu Ndioxi va ndo kuvi ra chinduꞌu toꞌo tuꞌun xaꞌa yu.

San Juan 8:58

Ra saa ndikaꞌan Jesús xiꞌin na kachi ra saa: ―Ña ndixa ke kaꞌan yu xiꞌin ndo, saa chi te kuni ka kaku vi ra Abraham ra xa iyoo va yuꞌu ―kachi ra xiꞌin na.

Filipenses 2:6

Saa chi Tata yo Jesucristo, ra vaꞌa ni ta kuꞌva iyoo mii Tata yo Ndioxi va iyoo ra, ndi su ndïxa nduxa vi ra ña koo ra ta kuꞌva iyoo Tata ra Ndioxi, ña kunduꞌu ra ndivi,

Apocalipsis 22:1

Te ndiꞌi ra saa ndiñaꞌa ra tutun Ndioxi kan iin itia ra kuíí ní nuu yu, ra ra yoꞌo kuvi ra taxi ña kutiaku yuvi. Ra vaꞌa ni ra chi iin ndiakua yeꞌe niꞌni ra, ra nuu íin tiayu kaꞌnu nuu nduꞌu Ndioxi xiꞌin nuu nduꞌu ra kuu ndikachi loꞌo ke kana ra.

Apocalipsis 22:3

Ra ñuu kan, ra köo ka ñaꞌa ña tavi chiꞌña. Saa chi mii Ndioxi va kuvi ra kaꞌndia chiñu nuu na xiꞌin ra kuu ndikachi loꞌo, ra na ^xachiñu nuu ra, ra ikan ke ndasakaꞌnu ni ka va na ra.