San Juan 5:16 - Mixteco Metlatónoc

¹⁶ Ra xaꞌa ña sandaꞌa Jesús yuvi kii ndakindiee va ke ndixika nduku ndia judío tiin ndia ra, ra kaꞌni ndia ra.

San Juan 5:16 Iomraidhean Croise

San Mateo 12:13

Ra saa ndikaꞌan Jesús xiꞌin tiaa ra ndachi ndaꞌa kan kachi ra saa: ―Sandakaa ndaꞌa kun ―kachi ra xiꞌin ra. Ra saa sandakaa tiaa kan ndaꞌa ra, saa ra ndikun nduvaꞌa va ña, ra nduu ña ta kaa inka ña vaꞌa va.

San Marcos 3:6

Ra te ndakoyo na fariseo chi keꞌe, ra ndakutaꞌan na xiꞌin na partido na ndikun sata ra Herodes ra xaꞌa na kataꞌan na ndixa koo kaꞌni na Jesús.

San Lucas 6:11

Ra tiaa ni ndisaa ini ndia fariseo xini ndia Jesús. Ra xaꞌa ndia kataꞌan ndia ndixa koo taxi ndia kuachi xaꞌa ra.

San Juan 1:19

Ra saa kuu iin kii, ra ndakutaꞌan ndia sutu kunaꞌnu nuu na judío na ndee ñuu Jerusalén ra tiꞌvi ndia sava ndia sutu xiꞌin ndia levita ña ndixaꞌan ndia nindakatuꞌun ndia ra Juan ra sakuchi yuvi, kachi ndia saa: ―¿Ndia chiñu ke ^xa kun nuu Ndioxi? ―*kachi ndia xiꞌin ra.

San Juan 10:39

Ra saa kuni tuku va ndia tiin ndia Jesús, ndi su ndikuchüun ndia, chi ndisaña va ra ndaꞌa ndia.

San Juan 15:20

Ra na ndakaꞌan ndo xaꞌa tuꞌun ña ndikaꞌan yu xiꞌin ndo, ta kachi yu suꞌva: “Ndia nii na xachiñu tatu ra chëe na nuu xitoꞌo na.” Ra na kundaa ini ndo, chi tu taxi na yuꞌu, saa ra taxi tu na ndoꞌo va; ra tu xiin va na sakuaꞌa na tuꞌun ña sañaꞌa yu na, saa ra kuiin tu na sakuaꞌa na ña sañaꞌa ndoꞌo va na.

San Juan 5:10

Saa ndikaꞌan na judío xiꞌin tiaa ra nduvaꞌa kan kachi na saa: ―Köo ndiayu ña kaniꞌi kun ixto kun kaka kun vichin chi kii yii ndakindiee va yo kuvi ña ―kachi na xiꞌin ra.

San Juan 5:13

Ndi su tiaa kan ra ndikundäa ini vi ra ndia tiaa kuvi ra sandaꞌa ñaꞌa, saa chi Jesús ra xa kita va ra tiañu yuvi ndee kan kuaꞌan ra.

San Juan 5:15

Ra saa ndakiꞌin tiaa kan ndixaꞌan ra, ra ndatuꞌun ra xiꞌin ndia judío xaꞌa Jesús, chi Jesús va kuvi ra sandaꞌa ñaꞌa.

San Juan 5:17

Saa ndikaꞌan Jesús xiꞌin ndia kachi ra saa: ―Tata yu, ra iin ndisaa kii va xachiñu ra, ña kan ke iin takundiꞌi kii ke xachiñu tu yuꞌu va ―kachi ra xiꞌin ndia.

San Juan 5:18

Ra xaꞌa tuꞌun yoꞌo ke ndixika nduku ni ka na judío ña kaꞌni na Jesús, saa chi süvi niña kii yii ndakindiee na kuvi ña ndikanduu ra, chi ndikaꞌan tu ra ña kuu Iva ra Ndioxi va, ra iin kuvi va tu ra xiꞌin Ndioxi kachi ra, ña kan ke ndisaa ni ndia xiꞌin ra.

San Juan 7:21

Ra saa ndakuiin Jesús kachi ra saa xiꞌin na: ―Xaꞌa ña xa yu iin ña xituꞌun kii ndakindiee yo ke ndiee ni ndakanda ini ndo.

San Juan 7:25

Ra saa xaꞌa sava mii na ñuu Jerusalén kan kaꞌan na kachi na saa: ―¿A süvi ra yoꞌo, kuvi ra xika nduku na kaꞌni na?