San Juan 5:10 - Mixteco Metlatónoc

¹⁰ Saa ndikaꞌan na judío xiꞌin tiaa ra nduvaꞌa kan kachi na saa: ―Köo ndiayu ña kaniꞌi kun ixto kun kaka kun vichin chi kii yii ndakindiee va yo kuvi ña ―kachi na xiꞌin ra.

San Juan 5:10 Iomraidhean Croise

San Mateo 12:10

Ra ini veꞌe ñuꞌu kan nduꞌu iin tiaa ra ndachi iin xiyo ndaꞌa; ra ndia fariseo ra xika nduku ni ndia ndixaa sa ndia, ña vaꞌa kuchuun ndia taxi ndiaa kuachi xaꞌa Jesús, ra saa nindakatuꞌun ndia ra kachi ndia saa: ―¿A kuvi sandaꞌa yo iin na xiꞌi kii ndakindiee? ―kachi ndia.

San Marcos 2:24

Ra saa, ndikaꞌan na fariseo xiꞌin Jesús kachi na saa: ―Toꞌni, ¿nichuun xa ndia itaꞌan xiꞌin kun saa? Chi köo ndiayu ndaꞌa yo ña sa yo saa kii yii sábado, chi kii ndakindiee̱ va yo ke ―kachi na xiꞌin ra.

San Marcos 3:4

Ra saa ndindakatuꞌun Jesús na ndee kan, kachi ra saa: ―¿Ni ke iyoo ndiayu sa yo kii yii: a ña vaꞌa, a ña väꞌa? ¿Ni ke vaꞌa sa yo: a chindiee taꞌan yo xiꞌin yuvi, a sandiꞌi yo xaꞌa na? ¿Ni ke vaꞌa tuvi ndoꞌo? ―kachi ra xiꞌin na. Ra ndia nii mii tuꞌun na ndindäkuiin.

San Lucas 13:14

Saa ra ndisaa ni ini ra kuchee ndiso chiñu ndiaa veꞌe ñuꞌu kan xiꞌin Jesús xaꞌa ña sandaꞌa ra ña xiꞌi kan, kii yii sábado ña ndakindiee̱ na, ra saa ndikaꞌan ra xiꞌin yuvi na ndee kan kachi ra saa: ―I̱ñu̱ va kii ke xiniñuꞌu sachiñu yo, ra kii kan ke na kixi ndo ña nandaꞌa ndo. Ndi su küvi nandaꞌa ndo kii yii sábado ña ndakindiee yo ―kachi ra xiꞌin na.

San Lucas 23:56

Ra ta ndiꞌi, saa nandiko na siꞌi kan ndaxaa na chi veꞌe, ra saa xavii na ndutia xaꞌan tami, xiꞌin tatan ña xaꞌan tami, ña chikaa na sata iki kuñu Jesús. Ra ndakindiee̱ va na kii yii sábado, xa ta kuꞌva kachi mii ndiayu Ndioxi ña ndakoo ra Moisés va.

San Lucas 6:2

Ra saa ndikaꞌan ndia fariseo xiꞌin ndia, kachi ndia saa: ―¿Nichuun xa ndo saa?, saa chi köo ndiayu ndaꞌa yo, ña sa yo saa kii yii saa chi kii ña ñakindiee̱ va yo kuvi ña ―kachi ndia xiꞌin ndia itaꞌan xiꞌin Jesús.

San Juan 1:19

Ra saa kuu iin kii, ra ndakutaꞌan ndia sutu kunaꞌnu nuu na judío na ndee ñuu Jerusalén ra tiꞌvi ndia sava ndia sutu xiꞌin ndia levita ña ndixaꞌan ndia nindakatuꞌun ndia ra Juan ra sakuchi yuvi, kachi ndia saa: ―¿Ndia chiñu ke ^xa kun nuu Ndioxi? ―*kachi ndia xiꞌin ra.

San Juan 5:11

Ra saa ndakuiin tiaa kan yuꞌu na kachi ra saa: ―Tiaa ra sandaꞌa yuꞌu, kuvi ra ndikaꞌan xiꞌin yu kachi ra saa: “Ndakiꞌin ixto kun ra kaka kuaꞌan”, kachi ra xiꞌin yu ―kachi ra xiꞌin na.

San Juan 5:15

Ra saa ndakiꞌin tiaa kan ndixaꞌan ra, ra ndatuꞌun ra xiꞌin ndia judío xaꞌa Jesús, chi Jesús va kuvi ra sandaꞌa ñaꞌa.

San Juan 5:16

Ra xaꞌa ña sandaꞌa Jesús yuvi kii ndakindiee va ke ndixika nduku ndia judío tiin ndia ra, ra kaꞌni ndia ra.

San Juan 7:23

Ra tu xaꞌa ña küni ndo kanduu ndo ndiayu ña ndakoo ra Moisés va ke xaꞌndia ndo ñii xini kaꞌa seꞌe tiaa vali ndo kii ña ndakindiee yo, ra na kundaa ini ndo, chi ña vaꞌa ke xa tu yuꞌu va kii ña ndakindiee yo, saa chi iin tiaa ka vi sandaꞌa yu, ¿ra nichuun sáa̱ ndo xiꞌin yu?

San Juan 9:16

Ra saa ndikaꞌan sava ndia fariseo kan kachi ndia saa: ―Tiaa ra xa saa kan ra süvi kuenda Ndioxi kuvi ra, saa chi xä toꞌo ra kii yii ña ndakindiee yo ―kachi ndia. Ndi su inka tu na kaꞌan kachi suꞌva va: ―¿Ni ke sa ra, ña vaꞌa sa ra ña xituꞌun, tu iin tiaa ra iyoo kuachi va kuvi ra? ―kachi na. Saa ra iin sana suꞌva va ini ndia saa chi nii nindakitäꞌan tuꞌun ndia.