San Juan 4:53 - Mixteco Metlatónoc

⁵³ Ra saa ndakaꞌan ra iyoo seꞌe kan ña kuꞌva mii hora kan ke ndikaꞌan Jesús xiꞌin ra kachi ra saa: “Xa nduvaꞌa va seꞌe kun”, kachi ra. Ra mii ra xiꞌin na veꞌe ra ra kandixa ndiꞌi va na Jesús.

San Juan 4:53 Iomraidhean Croise

San Mateo 8:13

Ra te ndiꞌi saa ndikaꞌan Jesús xiꞌin ra soldado kan kachi ra saa: ―Kuanuꞌu veꞌe kun, chi ra xachiñu nuu kun, ra xa nduvaꞌa va ra, chi ta kuꞌva ^kandixa kun saa kuu va ―kachi Jesús xiꞌin ra. Saa ra ndikun mii hora kan nduvaꞌa ndixa va ra xachiñu nuu ra soldado kan.

San Lucas 19:9

Saa ndikaꞌan Jesús xaꞌa ra Zaqueo nuu takundiꞌi na ndee kan kachi ra saa: ―Kii vichin ke xa sakaku Ndioxi ra yoꞌo, xiꞌin na veꞌe ra. Saa chi ndiseꞌe ra Abraham kuvi tu ra yoꞌo va.

San Juan 4:51

Ra nani saa kuu ra ndikaa ra ichi kuaꞌan ra, saa xaa sava na xachiñu nuu ra ichi kan ndakutaꞌan na xiꞌin ra, ra ndikaꞌan na xiꞌin ra kachi na saa: ―Xa nduvaꞌa va seꞌe kun ―kachi na xiꞌin ra.

San Juan 4:52

Ra saa nindakatuꞌun ra na kachi ra saa: ―¿Ndia hora ke xaꞌa kuaꞌan kuvita loꞌo ña xiꞌin seꞌe yu? ―kachi ra xiꞌin na. Ra saa ndikaꞌan na kachi na saa xiꞌin ra: ―Kuꞌva ka iin xikuaa kuni vi ke nuu kaꞌni seꞌe kun ―kachi na xiꞌin ra.

Hechos 11:14

chi ra kan kuvi ra ndakani nuu kun, ra kundaa ini kun ndia kuꞌva ke sa kun ña kaku kun, ra saa tu na veꞌe va kun”, kachi ra tatun kan xiꞌin ra, kachi ra xiꞌin ndi.

Hechos 16:15

Ra saa chichi ña, ra saa tu na veꞌe va ña, ra ta ndiꞌi saa xakundaꞌvi ña nuu ndi, kachi ña saa: ―Tu ndakuni ndo yuꞌu, ña kuu yu ña ndikun Jesús, ra na kuꞌun ndo veꞌe yu ña ndakindiee ndo ―kachi ña xiꞌin ndi. Ña xa nduxa ña xiꞌin ndi, ra saa ndixaꞌan ndi veꞌe ña ndakindiee ndi.

Hechos 16:34

Ra saa ndakiꞌin ra ndia ndixaꞌan ndia xiꞌin ra veꞌe ra, ra taxi ra xixi ndia. Ra tiaa ni kusii ini tiaa kan, ra saa tu na veꞌe va ra xaꞌa ña kandixa na Ndioxi.

Hechos 18:8

Ra tiaa ra nani Crispo, ra inuu nuu na veꞌe ñuꞌu, xiꞌin na veꞌe ra, ra kandixa va na Jesús. Ra kuaꞌa ni tu mii va na ñuu Corinto kan va kandixa Jesús ña xini soꞌo na ña ndakani ra Pablo, ra chichi na.

Hechos 2:39

Chi mii va Ndioxi kuvi ra kindoo ña tiꞌví ra Tachi Yii ra kixi ña sata ndo xiꞌin sata seꞌe ndo, ra saa tu sata takundiꞌi yuvi na iyoo xika ka nuu va ra; ra saa tu na kuni mii Ndioxi kana ra kixi nuu va ra, chi taxi tu ra Tachi Yii ra koo xiꞌin na kan va ―kachi ra Pedro xiꞌin na.