San Juan 4:52 - Mixteco Metlatónoc

⁵² Ra saa nindakatuꞌun ra na kachi ra saa: ―¿Ndia hora ke xaꞌa kuaꞌan kuvita loꞌo ña xiꞌin seꞌe yu? ―kachi ra xiꞌin na. Ra saa ndikaꞌan na kachi na saa xiꞌin ra: ―Kuꞌva ka iin xikuaa kuni vi ke nuu kaꞌni seꞌe kun ―kachi na xiꞌin ra.

San Juan 4:52 Iomraidhean Croise

San Mateo 17:18

Ra saa xaꞌndia Jesús chiñu nuu tachi ndivaꞌa kan, ña na ^saña ña ra loꞌo kan, saa ra saña ndixa va ña ra, ra ndikun nduvaꞌa va ra.

San Mateo 8:13

Ra te ndiꞌi saa ndikaꞌan Jesús xiꞌin ra soldado kan kachi ra saa: ―Kuanuꞌu veꞌe kun, chi ra xachiñu nuu kun, ra xa nduvaꞌa va ra, chi ta kuꞌva ^kandixa kun saa kuu va ―kachi Jesús xiꞌin ra. Saa ra ndikun mii hora kan nduvaꞌa ndixa va ra xachiñu nuu ra soldado kan.

San Juan 4:51

Ra nani saa kuu ra ndikaa ra ichi kuaꞌan ra, saa xaa sava na xachiñu nuu ra ichi kan ndakutaꞌan na xiꞌin ra, ra ndikaꞌan na xiꞌin ra kachi na saa: ―Xa nduvaꞌa va seꞌe kun ―kachi na xiꞌin ra.

San Juan 4:53

Ra saa ndakaꞌan ra iyoo seꞌe kan ña kuꞌva mii hora kan ke ndikaꞌan Jesús xiꞌin ra kachi ra saa: “Xa nduvaꞌa va seꞌe kun”, kachi ra. Ra mii ra xiꞌin na veꞌe ra ra kandixa ndiꞌi va na Jesús.