San Juan 3:32 - Mixteco Metlatónoc

³² Ra ña xini ra xiꞌin ña xini soꞌo ra, ra ndatuꞌun va ra ña xiꞌin na yuuvi yoꞌo, ndi su ndia nii na xïin kandixa ña ndatuꞌun ra.

San Juan 3:32 Iomraidhean Croise

San Mateo 7:8

Saa chi takundiꞌi yuvi na nduku ñaꞌa kumani nuu na nuu Ndioxi ra taxi va ra ña nduku na ndaꞌa na, ra na ndanduku ñaꞌa ña kuni na, ra ndaniꞌi va na ña. Ra na kani ndaꞌa yeꞌe, ra ndakuiña va ra nuu na.

San Juan 1:11

Ra nuu mii na ñuu ra ke kixi va ra, ndi su na ñuu ra ra nindakïꞌin mani na ra.

San Juan 15:15

Ra käꞌan ka yu ña kuu ndo, ndia xachiñu tatu, saa chi ndia xachiñu tatu ra xïni vi ndia kan, xaꞌa takundiꞌi chiñu ña xa xitoꞌo ndia. Ña kan ke ndoꞌo, ra ndia itaꞌan mani xiꞌin va yu kaꞌan yu xiꞌin ndo, saa chi xa ndañaꞌa ndiꞌi va yu tuꞌun ña ndikaꞌan Tata yu xiꞌin yu nuu ndo.

San Juan 18:37

Ra saa ndikaꞌan ra Pilato xiꞌin Jesús, kachi ra saa: ―¿Saa ra, rey kuvi ndixa va kun? ―*kachi ra. Ra saa ndakuiin Jesús, kachi ra saa xiꞌin ra: ―Xa mii kun ndikaꞌan ña kuu yu rey va. Ra xaꞌa ña yoꞌo ke kaku va yu, ra xaꞌa ña yoꞌo ke, xaa tu yu ña yuuvi yoꞌo va, ña vaꞌa na kaꞌan yu xaꞌa ña ndaa xiꞌin na yuuvi. Ra takundiꞌi na kandixa ña ndaa, ra kandixa tu na tuꞌun ña ^kaꞌan yu xiꞌin va na ―*kachi ra.

San Juan 3:11

Ña ndixa ke kaꞌan yu xiꞌin kun chi ña ^xíni̱ ndi xaꞌa va ke kaꞌan ndi xaꞌa xiꞌin ndo; ra ña xini nuu tu ndi ke ^ndatuꞌun ndi xiꞌin ndo xaꞌa va; ndi su ndoꞌo, ra xïin ndo kandixa ndo ña kaꞌan ndi.

San Juan 3:26

Ra saa kee sava ndia ndixaꞌan ndia nuu ra Juan ra ndikaꞌan ndia xiꞌin ra kachi ndia saa: ―Maestro, kutoꞌni, chi ra ndixiin xiꞌin kun chi inka xiyo yuꞌu itia Jordán, ra ndikaꞌan kun xaꞌa, ra vichin ra ^sakuchi tu ra kan va yuvi, ra kuaꞌa ni ka va na kuaꞌan nuu ra kan ―kachi ndia xiꞌin ra Juan.

San Juan 3:33

Ra na kandixa ña kaꞌan ra, ra na kan kuvi na kundaa ini ña kaꞌan Ndioxi ña ndaa va;

San Juan 5:20

Saa chi Iva ra, ra kuꞌvi ni va ini ra xini ra ra, ña kan ke ñaꞌa ra takundiꞌi va chiñu ña ^xa ra nuu ra; ra chiñu chee vaꞌa ka va ñaꞌa ra nuu ra kuni ndo, ra saa ke tiaa ni ka va ndakanda ini ndo.

San Juan 8:26

Iyoo ni ña kaꞌan yu xaꞌa ña ^xa ndo ra sandaku tu yu xaꞌa ña xiꞌin va ndo. Ra ña ndaa va ke kaꞌan yu saa chi ra tiꞌvi yuꞌu vaxi yu ra ña ndaa va ke kaꞌan ra, ra ña ndikaꞌan ra kan xini soꞌo yu ke, kaꞌan yu xiꞌin na yuuvi yoꞌo va ―kachi ra xiꞌin ndia.