San Juan 3:3 - Mixteco Metlatónoc

³ Ra saa ndikaꞌan Jesús xiꞌin ra kachi ra saa: ―Ña ndixa ke kaꞌan yu xiꞌin kun chi tu na ndakäku xaa iin yuvi, saa ra küvi vi kuni na nuu xaꞌndia Ndioxi chiñu ―kachi Jesús xiꞌin ra.

San Juan 3:3 Iomraidhean Croise

San Mateo 16:17

Ra saa ndakuiin Jesús kachi ra saa xiꞌin ra: ―Vaꞌa ni ^kee kun, Simón, seꞌe ra Jonás, saa chi süvi na yuuvi yoꞌo kuvi na nditaxi ña xinituni yoꞌo ndaꞌa kun, ña vaꞌa kundaa ini kun, chi Tata yu Ndioxi ra iyoo ndivi va kuvi ra taxi ña ndaꞌa kun.

San Mateo 19:24

Ra na kaꞌan ka yu xiꞌin ndo ña vaꞌa na kundaa ini ndo: Tu ña kuvi vi kuu ña, ra a iin sana vaꞌa ka va kiꞌvi iin camello chee yavi loꞌo xaꞌa iin tiku, nuu ña kiꞌvi iin ra kuika ichi nuu xaꞌndia Ndioxi chiñu ―kachi Jesús xiꞌin ndia.

San Mateo 21:31

¿Ra ndia iin ndia kan kuvi ndia xiin xa suvi chiñu ña xaꞌndia iva ndia nuu ndia, tuvi ndo? ―kachi Jesús xiꞌin na. Ra saa ndakuiin na kachi na saa: ―Ra nuu va ku ra xiin xachiñu nuu iva ―kachi na. Ra saa ndikaꞌan ka Jesús xiꞌin na kachi ra saa: ―Ña ndixa ke kaꞌan yu xiꞌin ndo vichin, chi na kaya xuꞌun ndaꞌa na ñuu, ña kuaꞌan ndaꞌa gobierno ñuu Roma, xiꞌin na siꞌi na ixiko mii, ra xiꞌna ka va na kan kuvi na kunuu kiꞌvi nuu xaꞌndia Ndioxi chiñu nuu ndoꞌo.

San Mateo 5:18

Ra ña ndixa ke kaꞌan yu xiꞌin ndo, ra na kundaa ini ndo: chi ndia nii tuꞌun loꞌo xiꞌin ndia nii letra loꞌo ña kuu ndiayu Ndioxi ña tiaa ra Moisés xinaꞌa, ra ndïꞌi xaꞌa ña, ra nii na ndiꞌi va xaꞌa ña yuuvi yoꞌo, ndi su xiniñuꞌu xinu ndiꞌi va ña kaꞌan tuꞌun Ndioxi.

San Marcos 10:14

Ra te xini Jesús ña xa ndia, saa ra nindaꞌyu ra nuu ndia kachi ra saa: ―Saña ndo na vali, na kixi na nuu yu, ra säsi ndo nuu na, chi na iyoo ta kuꞌva iyoo na vali yoꞌo ku na kuchuun kiꞌvi koo xiꞌin Ndioxi nuu xaꞌndia ra chiñu chi taxi na ña xaꞌndia chiñu ra nima na.

San Marcos 9:47

Ra tu nduchi nuu tu ndo kuvi ña ku mii kuachi ña sandakava ña ndoꞌo sa ndo kuachi, saa ra vaꞌa ka va na tava ndo ña, saa chi vaꞌa ka va ke na ni̱ꞌi̱ ndo kiꞌvi ndo xiꞌin iin xiyo nduchi nuu ndo nuu xaꞌndia Ndioxi chiñu koo ndo, nuu ña na kuꞌun ndo ndiaya xiꞌin uvi saa xiyo nduchi nuu ndo,

San Juan 1:13

Ra na yoꞌo, ra süvi ña ndikusii ini yuvi xiꞌin taꞌan na ke ninduu na seꞌe Ndioxi, chi ña kuni mii Ndioxi va ke nduu na seꞌe ra.

San Juan 1:5

Ra ñùꞌù kan kuvi ña tuun nuu ña ñaa, ña kuu ña väꞌa; ra ña ñaa ña kuu ña väꞌa kan, ra kuchüun vi ña ndaꞌva ña ñuꞌu ña tuun kan.

San Juan 1:51

Ra saa ndikaꞌan ka Jesús xiꞌin ra kachi ra saa: ―Ña ndixa ke ^kaꞌan yu xiꞌin ndo, saa chi vaxi kii, ra kuni ndo ña nuña ndivi, ra kuni tu ndo ndia tatun Ndioxi ña kuanda̱a ndia chi ndivi, ra vaxi nuu ndia sata yuꞌu ra xaa yoꞌo vichin ―kachi Jesús xiꞌin ndia.

San Juan 12:40

Ndioxi kuvi ra ndasi nuu na, ra ndasatieꞌe ra nima na, ña vaꞌa na küni na xiꞌin nduchi nuu na, ra nii na kuïin na kandixa na xiꞌin ndinuni nima na, ra nii na nandïko na nuu yu, ña sandaꞌa yu na, kachi ra.

San Juan 3:4

Ra saa ndindakatuꞌun ra Nicodemo Jesús kachi ra saa: ―¿Ni ke sa iin yuvi ña ndakaku tuku na ta xa chee na? ¿Ama kuvi ndita tuku na tixi siꞌi na ra ndakaku tuku na? ―kachi ra.

2 Corintios 4:4

Saa chi xaꞌa ña kuëe kandixa na Ndioxi va kuvi ña sakuaa timiaꞌa, ri kuu ndioxi na yuuvi yoꞌo, ña xinituni na, ña vaꞌa na küni na ñuꞌu yeꞌe ña kuu tuꞌun Ndioxi, ña kuu mii ndiee, ña kuu kuenda Cristo, ra kuu naꞌna mii Ndioxi, ra tiaku.

2 Corintios 5:17

Xaꞌa ña kan ke, yoo, na xa nduu iin xiꞌin Cristo, ra xa yuvi xaa va nduu yo; saa chi xa ndiꞌi va xaꞌa ña yata ña xa yo, ra xa ña xaa va kuvi ña ^xa yo vichin.

Gálatas 6:15

Saa chi tu xa iin va nduu yo xiꞌin Cristo, saa ra köo yaꞌvi ndiaa ka vi ña iyoo tuni yoo a ña köo va tu ña; chi ña ndiaa yaꞌvi kuvi ña xa nduu yo yuvi xaa xaꞌa ña xa Cristo va.

Efesios 2:1

Ra ta yachi, ra na ndii va ndixiyo ndo, xaꞌa ña yakua ña kuu kuachi

Tito 3:5

ra sakaku va ra yoo, ndi su süvi xaꞌa ña ndixa yo ndia iin chiñu vaꞌa ke ndisakaku ra yoo, chi xaꞌa ña kundaꞌvi ini ra yoo va kuvi ña. Ra xiꞌin ndiee Tachi Yii va ra ke sakaku ra yoo, ra ndakatia ra kuachi yo, ra nduu yo yuvi xa̱a ña kutiaku yo ta kuꞌva kuni mii ra.

Santiago 3:17

Ndi su yuvi na kuu mii ña ndichi ña taxi Tata yo Ndioxi, ra xä na kan chiñu yakua, ra nii kanitäꞌan tu na xiꞌin ndia nii yuvi va; ra toꞌo ni tu xa va na, ra tiayu ni tu ini va na, ra xikutüvi na ña sa na chiñu vaꞌa xiꞌin inka yuvi, ra nii ndakäxin tu na yuvi va, chi iin ku ndiꞌi va na nuu na, saa chi ta kuꞌva iyoo nima na ke xa tu na xiꞌin yuvi va.

1 San Pedro 1:3

Ra na ndasakaꞌnu yo Tata yo Ndioxi ra kuu iva Tata yo Jesucristo, saa chi kuꞌvi ni ini ra xini ra yoo, ra sandakaku xaa ra yoo, xaꞌa ña sandatiaku ra Tata yo Jesucristo tiañu na ndii. Ra ña xa Tata yo Ndioxi suꞌva ke ndinuni ni va ndiatu yo ña ndakiꞌin yo iin ña vaꞌa.

1 San Juan 2:29

Ra ña xa xini ndo, ña kuu Tata yo Jesucristo ra vaꞌa, ra na sakuaꞌa tu ndo ña sa ndo chiñu vaꞌa va, saa chi yuvi na kuu seꞌe ra, ra chiñu vaꞌa va ke xa na.

1 San Juan 3:9

Ra takundiꞌi yuvi na kúú seꞌe Tata yo Ndioxi, ra kuëe xa vi na kan chiñu kiꞌvi, saa chi mii va Tata Ndioxi iyoo nima na; ra ña kan ke küvi ka ndakundiee na ña sa na chiñu kiꞌvi, saa chi xa seꞌe Tata yo Ndioxi va kuvi na.

1 San Juan 5:1

Ra takundiꞌi yuvi na kandixa Tata yo Jesús ña kuu ra Cristo, ra ndikaxin Tata yo Ndioxi kixi ndixiꞌi xaꞌa yo, ra na kan kuvi na kuu seꞌe Tata yo Ndioxi va; ra yuvi na kuꞌvi ini xini Tata yo Ndioxi, ra kuꞌvi tu ini na xini na yuvi na kuu seꞌe va ra.

1 San Juan 5:18

Ra xa kundaa ini yo, chi yuvi na xa ndakundikun Tata yo Ndioxi ña nduu ra Iva na, ra kuëe xa ka na chiñu kiꞌvi; saa chi Tata yo Jesucristo, ra kuu seꞌe Tata yo Ndioxi va kuvi ra ndiaa na, ña kan ke ^kuchüun ka timiaꞌa sa ri ndia nii ñaꞌa xiꞌin na.

1 San Juan 5:4

Saa chi suꞌva va ke iyoo ña, takundiꞌi yuvi na xa nduu seꞌe Tata yo Ndioxi, ra xa ^xatiaa va na nuu ña väꞌa iyoo nuu ña yuuvi yoꞌo. Ra xaꞌa ña ndiaa ini yo Tata yo Jesucristo va kuvi ña ^kuchuun yo ^xatiaa yo nuu ña väꞌa kan.

Apocalipsis 3:14

’Ra vichin tiaa tu tutu ña kuꞌun nuu ra tatun Ndioxi, ra ndiso chiñu xiꞌin veꞌe ñuꞌu ñuu Laodicea ra suꞌva ke kachi kun xiꞌin ra: “Ra kaꞌan ña saa ke koo vaꞌa, ra ndinuni ni ndixa ^ndakuiin xaꞌa ña xa Ndioxi, ra ndaa, ra xaꞌa chituni ña yuuvi yoꞌo xiꞌin Ndioxi kuvi ra, kachi suꞌva: