San Juan 3:2 - Mixteco Metlatónoc

² Ra saa kuu, ra kee ra iin ñuu ndixaꞌan ra nuu Jesús, ra ndikaꞌan ra xiꞌin ra kachi ra saa: ―Maestro, kundaa va ini ndi ña ndixa ke Ndioxi kuvi va ra tiꞌvi yoꞌo xaa kun ña sañaꞌa kun nduꞌu, saa chi ndia nii na kuchüun sa ña xituꞌun ña xa kun yoꞌo, tu köo Ndioxi íin xiꞌin na ―kachi ra.

San Juan 3:2 Iomraidhean Croise

San Mateo 22:16

Ra saa tiꞌvi ndia fariseo kan ndia itaꞌan xiꞌin ndia kuaꞌan ndia xiꞌin ndia itaꞌan xiꞌin ra Herodes, ña kuaꞌan ndia kotondoso ndia Jesús, ra te ndixaa ndia ra saa ndikaꞌan ndia kachi ndia saa xiꞌin ra: ―Tata Maestro, kundaa ini ndi chi ña kaꞌan kun ra ña ndixa ni va kuvi ña, ra sañaꞌa kun yuvi tuꞌun Ndioxi ta kuꞌva iyoo mii va ña, ra nii xä kun xaꞌa vi ña kaꞌan yuvi, chi iin kuu ndiꞌi va na nuu kun, ra köo na ndakaxin kun.

San Mateo 23:7

Ra kuni ni tu ndia ña na satoꞌo yuvi ndia, te ndakutaꞌan na xiꞌin ndia nuu yaꞌvi, ra “maestro” ke na kachi yuvi xiꞌin ndia kuni ndia.

San Mateo 23:8

’Ndi su ndoꞌo ra ndiätu ndo ña kaꞌan na “maestro” xiꞌin ndo, saa chi ndoꞌo ra iin kuvi va ndo xiꞌin takundiꞌi yuvi, ra indaa mituꞌun va kuu Cristo ra kuu Maestro ndo.

San Marcos 12:14

Ra saa ndi̱xàà na yuvi kan nuu xika Jesús, ra ndikaꞌan na xiꞌin ra kachi na saa: ―Tata Maestro, kundaa ini ndi, chi ña kaꞌan kun ra ña ndixa ni kuvi va ña, ra nii xä kun xaꞌa vi ña kaꞌan na yuvi, ra iin ku ndiꞌi va na nuu kun, köo na ndakaxin kun, chi sañaꞌa kun na ichi Ndioxi ta kuꞌva iyoo va ña. Ra yoꞌo ku ndixa va ra sañaꞌa ta kuꞌva kuni Ndioxi. Ra kaꞌan xiꞌin ndi vichin, ¿A vaꞌa ña chaꞌvi ndi nuu ra tata chiñu César ñuu Roma, xuꞌun ña nduku ra nuu ndi, a väꞌa? ¿A taxi ndi ña ndaꞌa ra a täxi ndi ña? ―kachi na xiꞌin ra.

San Juan 1:38

Ra saa ndikokuiin Jesús ndakutoꞌni ra, ra xini ra ña ndikun ndia kuaꞌan ndia sata ra, ra saa ndindakatuꞌun ra ndia kachi ra saa: ―¿Ni ke ^ndanduku ndo? ―kachi ra xiꞌin ndia. Ra saa ndakuiin ndia kachi ndia saa: ―Rabí, ¿ndia mii ke iyoo kun? ―kachi ndia xiꞌin ra. Tuꞌun “Rabí” yoꞌo, ra “maestro” va ke kachi ña.

San Juan 10:38

Ra tu ^xa va tu yu ña, saa ra vaꞌa ni na kandïxa va ndo yuꞌu, ndi su na kandixa va ndo chiñu ña xini ndo ^xa yu, ra saa ke vaꞌa na kundaa ini ndo ra kandixa ndo ña iyoo Tata yu Ndioxi xiꞌin yu, ra yuꞌu, tu iyoo xiꞌin ra kan va ―kachi ra xiꞌin ndia.

San Juan 12:37

Ra vaꞌa ni kuaꞌa ni va ña xituꞌun xa Jesús nuu na, ndi su ndikandïxa vi na ra.

San Juan 14:10

¿Ra a kandïxa va kun ña íin Tata yo Ndioxi xiꞌin yu, ra yuꞌu tu íin xiꞌin ra kan va? Ra tuꞌun ña kaꞌan yu, ra süvi tuꞌun mii yu kuvi ña. Chi Tata yo Ndioxi va kuvi ra taxi ña, ra mii ra kuvi tu ra xa takundiꞌi chiñu va.

San Juan 15:24

Ra tu kuëe ndixa yu, ña xituꞌun ña täan sa ndia nii yuvi kuni na, saa ra köo vi kuachi na, ndi su vichin, ra xa xini va na ña xituꞌun xa yu, ra xaꞌa ña kan ke ^kundasi na yuꞌu, ra ^kundasi tu na Tata yu Ndioxi va.

San Juan 2:11

Ña yoꞌo ku ña xituꞌun ña nuu vaꞌa xa Jesús ñuu Caná, ña ndikun ndiaa chi Galilea, ña ndañaꞌa ra ndiee ña iyoo xiꞌin ra, saa ra kandixa va ndia itaꞌan xiꞌin ra ra.

San Juan 20:16

Saa ra ndikaꞌan va Jesús xiꞌin ña, kachi ra saa: ―¡María! ―*kachi ra. Ra saa ndikokuiin ña ndakutoꞌni ña nuu ra, ra ndikaꞌan ña tuꞌun hebreo xiꞌin ra, kachi ña saa: ―¡Raboni! ―ra Maestro ke kachi tuꞌun yoꞌo.

San Juan 3:26

Ra saa kee sava ndia ndixaꞌan ndia nuu ra Juan ra ndikaꞌan ndia xiꞌin ra kachi ndia saa: ―Maestro, kutoꞌni, chi ra ndixiin xiꞌin kun chi inka xiyo yuꞌu itia Jordán, ra ndikaꞌan kun xaꞌa, ra vichin ra ^sakuchi tu ra kan va yuvi, ra kuaꞌa ni ka va na kuaꞌan nuu ra kan ―kachi ndia xiꞌin ra Juan.

San Juan 4:31

Ra nani saa kuu yuvi yoꞌo kuaꞌan na nuu nduꞌu ra, ra saa xaꞌa ndia itaꞌan xiꞌin ra ña xakundaꞌvi ndia nuu ra, ra kaꞌan ndia kachi ndia saa: ―Rabí, kuxi va ra loꞌo ―kachi ndia xiꞌin ra.

San Juan 5:36

Ndi su chee ni ka va iin ña ndakuiin xaꞌa yuꞌu nuu tuꞌun ña ndikaꞌan ra Juan, saa chi chiñu ña xa va yu ke ndakuiin xaꞌa yu, ra Tata yu Ndioxi va kuvi ra taxi chiñu yoꞌo ndaꞌa yu ña saxinu yu nuu ña, ra mii chiñu yoꞌo ke ndakuiin tu xaꞌa va yu ña tiꞌvi ra yuꞌu vaxi yu.

San Juan 6:2

Ra iin tiaꞌndia chee yuvi ndikun kuaꞌan sata ra, saa chi xini na ^xa ra ña xituꞌun ña sandaꞌa ra na xiꞌi.

San Juan 7:31

Ra kuaꞌa ni na ndee ini veꞌe ñuꞌu kaꞌnu kan, ra kandixa va na Jesús, ra ndikaꞌan na ^kachi na saa: ―Te na xaa ra kuu Cristo, ¿ra a kuaꞌa ni ka va ña xituꞌun sa ra kan, nuu ña ^xa ra yoꞌo? ―kachi na.

San Juan 9:16

Ra saa ndikaꞌan sava ndia fariseo kan kachi ndia saa: ―Tiaa ra xa saa kan ra süvi kuenda Ndioxi kuvi ra, saa chi xä toꞌo ra kii yii ña ndakindiee yo ―kachi ndia. Ndi su inka tu na kaꞌan kachi suꞌva va: ―¿Ni ke sa ra, ña vaꞌa sa ra ña xituꞌun, tu iin tiaa ra iyoo kuachi va kuvi ra? ―kachi na. Saa ra iin sana suꞌva va ini ndia saa chi nii nindakitäꞌan tuꞌun ndia.

Hechos 10:38

Ra xa kundaa tu ini ndo xaꞌa Jesús, ña taxi Ndioxi ndiee Tachi Yii ndaꞌa ra ña ndixiyo ña xiꞌin ra, ra xa kundaa tu ini ndo ña ndixika ra xa ra ña vaꞌa xiꞌin yuvi va, ra sandaꞌa tu ra na xindoꞌni ndaꞌa ndiee timiaꞌa va. Ra ña vaꞌa xa ra saa, ra mii va Ndioxi kuvi ra chindiee taꞌan xiꞌin ra.

Hechos 2:22

’Ra xaꞌa ña kan ke na tiaa soꞌo ndoꞌo na ñuu Israel ña ka̱ꞌa̱n yu xiꞌin ndo vichin xaꞌa Jesús ra ke̱e ñuu Nazaret: Ra xa kundaa va ini ndo chi Jesús, ra ndiee Ndioxi va ke ndixiyo xiꞌin ra; ña kan ke vaꞌa xa̱ ra kuaꞌa ni ña vaꞌa xiꞌin ña ndichi, xiꞌin ña xituꞌun.

Filipenses 1:14

Ra ña ^kundaa ini kuaꞌa ni na ñani yo, ña ndíkáa yu veꞌe kàà vichin, saa ra, ndutiaa tu ini na kan va, ra ^kaꞌan ndoso na tuꞌun vaꞌa xaꞌa Tata yo Jesucristo va, ra ndia nii ka tu yuvi kuayüꞌvi na nuu va.