San Juan 21:7 - Mixteco Metlatónoc

⁷ Saa ra ndikaꞌan va iin ra xitaꞌan xiꞌin Jesús, ra kuꞌvi ni ra xini ra, kachi ra saa xiꞌin ra Pedro: ―¡Tata yo Jesús va kuvi ra! ―*kachi ra. Ra ta xini soꞌo ra Simón Pedro tuꞌun kan, saa ra ndikun ndakundixi va ra tikoto ra, ra ndava niꞌni ra ini tiakuii kan kuaꞌan ra ndakitaꞌan ra xiꞌin Jesús va.

San Juan 21:7 Iomraidhean Croise

San Marcos 11:3

Ra tu ndia na ndakoyo kaꞌan xiꞌin ndo: “¿Nichuun ndaxi ndo ri?” kachi na, ra kaꞌan ndo xiꞌin na: “Iva yo ku ra kuniñuꞌu ri, ra takaꞌan va ndaxaa ri”, kachi ndo xiꞌin na ―kachi Jesús xiꞌin ndia.

San Lucas 12:35

Ra saa ndikaꞌan ka Jesús xiꞌin ndia itaꞌan xiꞌin ra kachi ra saa: ―Ra iin ndisaa kii na koo nduvi ndo, ra xa na kundixi vii va ndo tikoto ndo, ra xa koo nduvi tu ndo xiꞌin ñuꞌu ña kutuun nuu va ndo.

San Lucas 2:11

Chi vichin kaku iin ra loꞌo ñuu Belén, nuu kaku ra rey David; ra ra loꞌo yoꞌo ku Cristo, ra kaꞌnu nuu yo, ra ra ndikaxin Ndioxi sakaku ndoꞌo kuvi ra.

San Lucas 7:47

Ra ña kan ke kaꞌan yu xiꞌin kun vichin, chi kuaꞌa ni kuachi ña yoꞌo ra xa xa kaꞌnu va ini yu xaꞌa ña, ra kuꞌvi ni ini ña xini ña yuꞌu; ndi su na loꞌo ni iyoo kuachi tuvi na, ra loꞌo va kuꞌvi ini na xini na yuꞌu ―kachi Jesús xiꞌin ra Simón.

San Juan 13:23

Ra saa kuu ndia ndee ndia xixini ndia, ra yachin xiꞌin mii Jesús va nduꞌu iin ra itaꞌan xiꞌin ra, ra ^kuꞌvi ni ini ra xini ra.

San Juan 19:26

Ra te xini Jesús siꞌi ra xiꞌin ra itaꞌan xiꞌin ra, ra kuꞌvi vaꞌa ini ra xini ra, ña ndita yachin na kan, ra saa ndikaꞌan ra xiꞌin siꞌi ra, kachi ra saa: ―Nana, ñaa va ndichi seꞌe kun ―*kachi ra xiꞌin ña.

San Juan 20:2

Ra saa nandiko ña, ra xinu ña ndixaꞌan ña ndatuꞌun ña xiꞌin ra Simón Pedro ra xitaꞌan xiꞌin Jesús, ra saa tu xiꞌin inka ra xitaꞌan xiꞌin Jesús ra kuꞌvi ni ini ra xini va ra, ra kachi ña saa xiꞌin ndia: ―Ndixaꞌan va na ndatava na iki kuñu Tata yo ini yavi kan, ra kundäa ini yo, ndia mii ndixaꞌan na ndiaka na ña ―*kachi ña.

San Juan 20:20

Ra te ndiꞌi ndikaꞌan ra tuꞌun yoꞌo xiꞌin ndia xitaꞌan xiꞌin ra, ra saa ndiñaꞌa ra ndaꞌa ra xiꞌin kindika ra nuu ndia. Ra kusii ka vi ini ndia, te xini ndia ra.

San Juan 20:28

Saa ndikaꞌan ra Tomás, kachi ra saa: ―¡Tata mii yu, Ndioxi mii yu kuvi yoꞌo! ―kachi ra xiꞌin Jesús.

San Juan 21:20

Ra te ndikokuiin ra Pedro ndakutoꞌni ra, ra saa xini ra ndikun ra xitaꞌan xiꞌin Jesús, ra kuꞌvi ni ini ra xini ra, kuaꞌan ra sata ndia. Ra ra yoꞌo kuvi tu ra nindakatuꞌun Jesús, te xindee ndia xixini va ndia, ta kachi ra suꞌva: “¿Yoo ku na ndataxi yoꞌo, ndaꞌa na saa ini, Tata?” ―*kachi ra.

San Juan 21:24

Ra mii ra xitaꞌan xiꞌin Jesús yoꞌo, kuvi ra ndakuiin va xaꞌa ña yoꞌo, ra suvi mii ra kuvi tu ra tiaa va ña. Ra kundaa va ini ndi, chi mii ña ndaa va ke kaꞌan ra.

San Juan 21:8

Ra ndia sava kan nindoo vaxi xiꞌin itun kan va, ra ndia kañuꞌu va ndia inu ndia vaxi ndia, saa chi iin chitu ndaa va ña xiꞌin tiaka; ra kuꞌva iin ciento metro ka vi ke kumani, ra saa ndakoyo ndia yuꞌu mini kan.

Hechos 10:36

Ra mii tuꞌun yoꞌo ke ndikaꞌan tu ra xiꞌin na ñuu Israel va, ña tiꞌvi ra Jesucristo kixi ra ndikaꞌan ndoso ra tuꞌun vaꞌa ña ndakundee vii na xiꞌin, ra mii ra kuu tu Tata takundiꞌi va yuvi.

Hechos 2:36

’Ra xaꞌa ña kan ke xiniñuꞌu ni na kundaa ini takundiꞌi ndoꞌo, na taꞌan yo Israel, chi mii Jesús, ra katakaa ndo ndaꞌa cruz kan kuvi ra taxi Ndioxi ña kuu ra Tata yo, ra kuu tu ra ra sakaku yoo va ―kachi ra Pedro xiꞌin na.

1 Corintios 15:47

Ra tiaa ra nuu, ra xiꞌin ñuꞌu va ke kuvaꞌa ra, ra ta kuꞌva iyoo mii yo ke ndixiyo va ra; ndi su tiaa ra uvi ra kuu Tata yo Jesucristo, ra ndivi va ke kee ra kan.

2 Corintios 5:14

Ra vaꞌa ni tu sana ndi a iyoo vaꞌa ini va ndi, ndi su, ña xa ndi chiñu ña xa ndi, ra xaꞌa ña ^kuꞌvi ini Cristo xini ra takundiꞌi yuvi va kuvi ña, ra kundaa kaxi tu ini ndi ña ndixiꞌi ra xaꞌa takundiꞌi va yuvi, ra xaꞌa ña ndixiꞌi ra kuvi ña vaꞌa ndixiꞌi yuvi yata na xikuu va yo.

Santiago 2:1

Ñani yo, na ndakäxin ndo yuvi ña xa siin, xa siin sa ndo xiꞌin na vichin, xaꞌa ña xa ndikun ndo Tata yo Jesucristo, ra kaꞌnu.