San Juan 21:3 - Mixteco Metlatónoc

³ Ra saa ndikaꞌan ra Simón Pedro, xiꞌin ndia kachi ra saa: ―Na kuꞌun yu kachiꞌi yu ―kachi ra. Ra saa ndakuiin ndia, kachi ndia saa: ―Kuꞌun va ndi xiꞌin kun ―kachi ndia xiꞌin ra. Ra saa kee ndia ndixaꞌan ndia nandaa ndia itun xika nuu mini, ndi su ñuú kan, ra iin niñuu ndaa va ndixika ndia, ndi su ndia nii tiaka ndinïꞌi ndia.

San Juan 21:3 Iomraidhean Croise

San Lucas 5:5

Saa ndakuiin ra Simón, kachi ra saa: ―Tata Maestro, xa iinii ñuu ndaa ndixika ndi xaꞌa ri, ra ndia nii ri nditïin vi ndi. Ndi su tu xa mii kun kachi saa, ra vaꞌa, na chikaa tuku va ndi ña ―kachi ra.

San Juan 21:4

Ra te xa kuaꞌan tuvi, saa ndixaa Jesús yuꞌu tiakuii kan, ra ndia xitaꞌan xiꞌin ra, ra nindäkuni vi ndia ra ña kuu ra Jesús.

Hechos 18:3

Ra ikan ndixiyo ra Pablo xachiñu ra xiꞌin va na, saa chi inuu chiñu xini va na, saa chi veꞌe tikoto vali ke xavaꞌa na kan, ra saa tu ra Pablo va.

Hechos 20:34

ra xa kundaa tu ini mii va ndo, chi xachiñu mii va yu, ña vaꞌa ndiniꞌi yu ña xiniñuꞌu yu xiꞌin ndia xitaꞌan xiꞌin yu.

1 Corintios 3:7

Ra xaꞌa ña kan ke, süvi ra chee vi kuvi ra chíꞌí ña, ra nii süvi ra chee kuvi tu ra kósó va ña, chi indaa Ndioxi va kuvi ra chee, saa chi ra kan va kuvi ra sakuaꞌnu ña.

1 Corintios 9:6

¿A takua yuꞌu, xiꞌin ra Bernabé va kuvi ndi xiniñuꞌu sachiñu, ra saa vi kuxi ndi?

1 Tesalonicenses 2:9

Ra xa ^kundaa va ini ndo ñani yo, chi xa nduxa va ndi ña xachiñu ndi, ña vaꞌa xixi ndi ta xindee ndi xiꞌin ndo, ra ndia ñuú, ndia kaꞌñu va xachiñu ndi, ra suꞌva va ke xa ndi ña vaꞌa ndakani ndi tuꞌun Ndioxi nuu ndo, ndi su nditävi ndi ndoꞌo ña nduku ndi ñaꞌa nuu ndo.