San Juan 21:2 - Mixteco Metlatónoc

² ra saa kuu ra Simón Pedro, nduꞌu ra xiꞌin ra Tomás, ra kaꞌan na kuu kuati, xiꞌin ra Natanael, ra ñuu Caná ña ndikun ndiaa chi Galilea, xiꞌin ndia seꞌe ra Zebedeo, xiꞌin inka uvi ndia xitaꞌan xiꞌin Jesús.

San Juan 21:2 Iomraidhean Croise

San Mateo 10:3

Ra iin ra nani Felipe, iin ra nani Bartolomé, iin ra nani Tomás, iin ra nani Mateo, ra kaya xuꞌun ndaꞌa na ñuu ña kuaꞌan ndaꞌa Gobierno ñuu Roma; iin ra nani Jacobo, seꞌe ra Alfeo, iin ra nani Lebeo, ra kaꞌan tu na ña nani ra Tadeo va.

San Marcos 1:19

Ra iin vivii loꞌo ndiyaꞌa Jesús kuaꞌan ra, saa ra xini tu ra ra Jacobo va xiꞌin ra Juan, ñani ra, ndia seꞌe ra Zebedeo ña ndoꞌni ndia ini barca ndakaꞌma ndia inu ndia ña tiin ndia tiaka.

San Lucas 5:10

Ra ndakanda ni tu ini ra Jacobo, xiꞌin ra Juan ndia seꞌe ra Zebedeo, ndia itaꞌan xiꞌin ra Simón va. Ra saa ndikaꞌan Jesús xiꞌin ra Simón, kachi ra saa: ―Kuayüꞌvi kun; chi vichin nduu kun ra sañaꞌa yuvi ña ndakundikun na yuꞌu ―kachi ra xiꞌin ra.

San Juan 1:45

Ra saa ndixaꞌan ra Felipe nanduku ra ra Natanael ra ndikaꞌan ra xiꞌin ra kachi ra saa: ―Xa ndaniꞌi va ndi tia̱à ra tiaa ra Moisés xaꞌa, ra suvi xaꞌa ra kan ke ndikaꞌan tu na ndikaꞌan tuꞌun yuꞌu Ndioxi xinaꞌa va. Ra ra kan kuvi Jesús, seꞌe ra José ra ñuu Nazaret va ―kachi ra xiꞌin ra.

San Juan 11:16

Ra saa ndikaꞌan iin ra nani Tomás, ra kaꞌan na kuu kuati kachi ra saa, xiꞌin ndia sava ndia itaꞌan xiꞌin Jesús: ―Naꞌa ndo, ra na kuꞌun yo kuvi yo xiꞌin va ra ―*kachi ra.

San Juan 2:1

Ra saa kuu te ndiyaꞌa uni kii, ra saa ndixiyo iin viko tandaꞌa ñuu Caná, ña ndikun ndiaa chi Galilea. Ra ndixaa tu siꞌí Jesús va nuu iyoo viko kan,

San Juan 2:11

Ña yoꞌo ku ña xituꞌun ña nuu vaꞌa xa Jesús ñuu Caná, ña ndikun ndiaa chi Galilea, ña ndañaꞌa ra ndiee ña iyoo xiꞌin ra, saa ra kandixa va ndia itaꞌan xiꞌin ra ra.

San Juan 20:28

Saa ndikaꞌan ra Tomás, kachi ra saa: ―¡Tata mii yu, Ndioxi mii yu kuvi yoꞌo! ―kachi ra xiꞌin Jesús.

San Juan 4:46

Ra saa nandiko tuku Jesús chi ñuu Caná ña ndikun ndiaa Galilea nuu ndasa ra tiakuii vino. Ra yachin kan ndikaa iin ñuu ña nani Capernaum, ra ikan kanduꞌu iin tiaa ra xachiñu nuu ra rey Herodes ra Antipas, ra tiaa kan ra iyoo iin seꞌe ra, ra xa ra kuni kuvi va kuvi ra loꞌo kan.