San Juan 2:24 - Mixteco Metlatónoc

²⁴ Ndi su Jesús ra ndikandïxa vi ra na, saa chi xa xíni̱ va ra ndia kuꞌva ke iyoo takundiꞌi yuvi.

San Juan 2:24 Iomraidhean Croise

San Mateo 9:4

Ndi su kundaa va ini Jesús ña ndakani ini na, ra saa ndikaꞌan ra xiꞌin na kachi ra saa: ―¿Nichuun kiꞌvi ni ndakani ini ndo?

San Marcos 2:8

Saa ra ndikun kundaa va ini Jesús ña ndakani ini na, ra ndikaꞌan ra xiꞌin na kachi ra saa: ―¿Nichuun ndakani ini ndo ña köo ichi yu sa yu ña yoꞌo?

San Juan 1:42

Ra saa ndiaka ra Andrés ra Simón ñani ra ndixaa ra nuu Jesús. Ra ta xini Jesús ra Simón, ra saa ndikaꞌan ra xiꞌin ra kachi ra saa: ―Yoꞌo kuvi Simón, seꞌe ra Jonás, ra vichin ndakunani kun Cefas ―kachi ra xiꞌin ra. Ra tuꞌun Cefas yoꞌo, ra Pedro va ke kachi ña.

San Juan 16:30

Ra vichin ke kundaa kaxi ini ndi ña kundaa ini kun xaꞌa takundiꞌi va ñaꞌa, saa chi vaꞌa ni ndakatüꞌun vi na yoꞌo, ra xa kaꞌan va kun ña kuni na ndakatuꞌun na. Ra xaꞌa ña kan ke kandixa va ndi yoꞌo ña kee kun nuu Ndioxi ―*kachi ndia.

San Juan 21:17

Saa ra nindakatuꞌun tuku va Jesús ra Pedro, ichi ña uni, kachi ra saa xiꞌin ra: ―Simón, seꞌe ra Jonás, ¿a kuꞌvi ni ini kun xini kun yuꞌu? ―*kachi ra. Saa ra kusuchi va ini ra Pedro, ña xa ndixinu uni ichi ndakatuꞌun Jesús ra, xaꞌa ña, a kuꞌvi ini ra xini ra ra. Ra saa ndakuiin ra, kachi ra saa: ―Tata, mii kun kuvi ra kundaa ini xaꞌa takundiꞌi va ña, ra kundaa va ini kun, ña kuꞌvi ni va ini yu xini yu yoꞌo ―*kachi ra xiꞌin Jesús. Ra saa ndikaꞌan Jesús xiꞌin ra, kachi ra saa: ―Saa ra kondiaa ndikachi vali sana yu ―*kachi ra.

San Juan 4:16

Ra saa ndikaꞌan Jesús xiꞌin ña kachi ra saa: ―Kuaꞌan ndakiꞌin yii kun ra na kixi ra xiꞌin kun yoꞌo ―kachi ra xiꞌin ña.

San Juan 5:42

Ra xa kundaa tu ini yu, ndia kuꞌva ke íin va ndo, chi ndoꞌo ra kuëe kuꞌvi ini ndo xini ndo Ndioxi.

San Juan 6:15

Ndi su te kundaa ini Jesús ña kuni na kundiaka nduxa na ra kuꞌun ra xiꞌin na, ra ndasa na ra rey kuni na, saa ra kuxiyo tuku ra nuu va na, ra ndakiꞌin mituꞌun saa ra kuaꞌan ra chi iku sukun va.

San Juan 6:64

Ndi su sava ndo ra kandïxa vi ndo yuꞌu ―kachi ra xiꞌin na. Ra suꞌva ke kachi Jesús xiꞌin na, saa chi ndia ta kii xaꞌa vi ke xa kundaa ini ra, yoo kuvi na ndikandïxa ñaꞌa, ra xa kundaa tu ini ra, yoo kuvi ra xiko ñaꞌa nuu na sáa̱ ini va.

Hechos 1:24

Ra saa ndikaꞌan na xiꞌin Ndioxi kachi na saa: ―Tata, yoꞌo kuvi ra xíni̱ ndia kuꞌva ke iyoo nima takundiꞌi yuvi; ra kuni̱ ndi na taxi kun kuꞌva nuu ndi, ra na kundaa ini ndi ndia iin ndia yoꞌo kuvi ndia ndakaxin kun,

Hechos 15:8

Saa chi xini va Ndioxi ndia kuꞌva ke iyoo nima na, ña kan ke vaꞌa xiin ra ndakiꞌin mani ra na, ra ta kuꞌva xa ra xiꞌin yoo ña taxi ra Tachi Yii ra, ña iyoo ña xiꞌin yo ke xa tu ra xiꞌin na kan va.

Hebreos 4:13

Ra takundiꞌi ñaꞌa ña xavaꞌa Tata yo Ndioxi, ra ndia nii ña kuchüun tiseꞌe nuu ra; saa chi iyoo yala takundiꞌi va ña nuu ra, ra xini ra takundiꞌi va ña. Ra nuu ra kan kuvi ña ndataxi yo xaꞌa takundiꞌi va chiñu ña xa yo.

Apocalipsis 2:23

Ra kaꞌni ndiꞌi yu na kuvi seꞌe ña; ra saa ke kundaa ini takundiꞌi na veꞌe ñuꞌu ña yuꞌu kuvi ra kundaa ini xaꞌa takundiꞌi ña ndikaa xini na, xiꞌin ña ndikaa nima na. Ra ta kuꞌva iyoo chiñu ña ^xa ndo saa ke koo tu yaꞌvi va ndo.