San Juan 2:19 - Mixteco Metlatónoc

¹⁹ Ra saa ndakuiin Jesús kachi ra saa xiꞌin ndia: ―^Kani ndo veꞌe ñuꞌu kaꞌnu yóꞌo, ra kii uni ndakani ndichi yu ña ―kachi ra xiꞌin ndia.

San Juan 2:19 Iomraidhean Croise

San Mateo 12:40

Saa chi ta kuꞌva ndoꞌo ra Jonás, ña xindikaa ra ini iin tiaka chee uni kaꞌñu xiꞌin uni ñuu, ra saa ke kuu tu xiꞌin yuꞌu ra xaa yoꞌo va, chi uni kaꞌñu xiꞌin uni ñuu ke kundikaa tu yuꞌu va tixi ñuꞌú.

San Mateo 16:21

Ra saa xaꞌa Jesús ndatuꞌun ra xiꞌin ndia itaꞌan xiꞌin ra, ña xiniñuꞌu kuꞌun ra ñuu Jerusalén, ra ndia xikuaꞌa, xiꞌin sutu ndia kunaꞌnu nuu ndia sutu, xiꞌin ndia maestro sañaꞌa ley Ndioxi, ra sandoꞌo ni ndia ra, ra kaꞌni ndia ra, ndi su kii uni ndatiaku va ra ―kachi ra xiꞌin ndia.

San Mateo 27:40

kachi na saa: ―¡Yoꞌo, ra ndikaꞌan kani veꞌe ñuꞌu Ndioxi, ra kii uni xa ndakanindichi tuku kun ña, kachi kun, ra sakaku mii kun vichin, ra sanuu mii kun ndaꞌa cruz, tu ndixa seꞌe Ndioxi kuvi kun! ―kachi na xiꞌin Jesús.

San Mateo 27:63

ra ndikaꞌan ndia xiꞌin ra kachi ndia saa: ―Tata gobernador, vaxi ndi nuu kun ndatuꞌun ndi xiꞌin kun, saa chi ndakuꞌun ini ndi xaꞌa tuꞌun ña ndikaꞌan Jesús, ra maña, ra sandaꞌvi yuvi kan, te xitiaku ra, chi ndikaꞌan ra kachi ra saa: “Te xa na kuvi yu ra kii uni ndatiaku tuku va yu”, kachi ra.

San Marcos 14:58

―Nduꞌu xini soꞌo ña ndikaꞌan ra kachi ra saa: “Kani yu veꞌe ñuꞌu ña xavaꞌa na yuvi yoꞌo, ra kii uni saa ndakanindichi yu inka ña, ndi süvi ka ña savaꞌa ndaꞌa na kuvi ña kan”, kachi ra xini soꞌo ndi ―kachi na.

San Marcos 15:29

Ra na yaꞌa kuaꞌan ichi kan, ra iin xiko xi̱ni̱ na ña kañaꞌa ni na xiꞌin ra, kachi na saa: ―¡Yoꞌo ra ndikaꞌan kani veꞌe ñuꞌu Ndioxi, ra kii uni xa ndakanindichi tuku kun ña, kachi kun,

San Marcos 8:31

Saa xaꞌa Jesús ndakani ra nuu ndia kachi ra saa: ―Yuꞌu, ra xaa yoꞌo, ra xiniñuꞌu ndoꞌo ni yu, ra na xikuaꞌa ñuu Israel, xiꞌin na sutu kunaꞌnu, xiꞌin na maestro sañaꞌa ley Ndioxi ña ndakoo ra Moisés, ra kundasi ni na yuꞌu, ra kaꞌni na yuꞌu, su ndi kii uni ra ndatiaku va yu ―kachi ra xiꞌin ndia.

San Juan 11:25

Saa ndikaꞌan Jesús xiꞌin ña kachi ra saa: ―Yuꞌu kuvi ra sandatiaku yuvi, ra taxi tu yu ña kutiaku va na. Ra na kandixa yuꞌu, ra vaꞌa ni xa ndixiꞌi va na, ndi su kutiaku va na.

San Juan 5:19

Ra saa ndakuiin Jesús kachi ra saa xiꞌin ndia: ―Ña ndixa ke kaꞌan yu xiꞌin ndo, chi ra kuu seꞌe Ndioxi, ra ndia nii chiñu loꞌo ke kuchüun ra sa vii ra xiꞌin ndiee mii ra; saa chi takundiꞌi chiñu ña ^xini ra ^xa Iva va ra ke ^xa ra.

Hechos 2:24

Ndi su ndatiaku va ra xa Ndioxi, saa chi mii va Ndioxi kuvi ra sakaku ra ndaꞌa ña ndii, chi köo ndiayu ndaꞌa ña ndii ña kaꞌndia ña chiñu nuu ra.

Hechos 2:32

Ra ra ndikaꞌan ra xaꞌa kan kuvi mii Jesús, ra ndatiaku xa Ndioxi vichin va. Ra nduꞌu kuvi ndia ndixa xini ña ndatiaku ra.

Hechos 3:15

ra ra ^taxi ña tiaku yo xaꞌni va ndo! Ndi su sandatiaku va Ndioxi ra, ra nduꞌu kuvi ndia xini ña ndixa ke ndatiaku va ra.

Hechos 3:26

Ra te ndakani ndichi Ndioxi Jesús ra kuvi seꞌe ra, ra xiꞌna ka va nuu yoo na Israel ke ^tiꞌvi ra ra kixi ra, ña taxi ra ña vaꞌa kutaꞌvi yo, ña kan ke na nandiko ini ta iin ta iin ndo xaꞌa kuachi ndo ―*kachi ra Pedro xiꞌin na.

Hechos 6:14

Ra xini tu soꞌo ndi ña ndikaꞌan ra, ña kani Jesús, ra kee ñuu Nazaret, veꞌe ñuꞌu, ra ndasama ndiꞌi tu ra chiñu ña xa yunaꞌa yo xa va yo ña ndakoo ra Moisés ―*kachi na.

Romanos 4:24

chi ndikaꞌyu tu ña xaꞌa takundiꞌi va yo. Chi ña ndiaa ini yo Jesucristo va ke ndakiꞌin mani Ndioxi yoo, ña nduu yo ta kuꞌva iyoo yuvi na köo kuachi nuu ra, saa chi ^kandixa va yo ña sandatiaku Ndioxi, Tata yo Jesús.

Romanos 6:4

Saa chi te chichi yo, ra yo ninduxin va kuvi yo xiꞌin Cristo, ra ta kanata yo ini tiakuii, ra yo ndatiaku va kuvi yo xiꞌin ra, ta kuꞌva xa mii Ndioxi ña sandatiaku ra ra xiꞌin takundiꞌi ndiee ra; ra ña ndatiaku yo ña nduu yo yuvi xaa vichin, ra ña kutiaku yo ta kuꞌva ^kuni mii Ndioxi va kuvi ña.

Romanos 8:11

Ra tu iyoo va tu Tachi Yii Ndioxi ra sandatiaku Cristo Jesús nima ndo, ra mii ra kan kuvi tu ra sandatiaku iki kuñu ña ndiꞌi xaꞌa, ña kuu mii va ndo, xiꞌin ndiee Tachi Yii ra ña iyoo nima ndo.

1 Corintios 15:12

Ra tu ndatiaku va Tata yo Jesucristo, kachi ndi kaꞌan ndoso ndi, ¿ra nichuun ke kaꞌan tu sava ndo ña kuëe ^ndatiaku na ndii?

Colosenses 2:12

Saa chi ña chichi ndo, ra na ndinduxin va kuvi ndo xiꞌin Tata yo Jesucristo, ra ndatiaku tu ndo xiꞌin va ra, ña ndatiaku ra, saa chi xa ndiaa va ini ndo ndiee Tata yo Ndioxi ña sandatiaku Tata yo Jesucristo.

1 San Pedro 3:18

Saa chi ndoꞌo ni tu Tata yo Jesucristo va xaꞌa kuachi yo, ndi su indaa ichi saa ke ndoꞌo va ra, saa chi ndïko ka ra ña ndoꞌo tuku ra. Ra ra kan, ra ndia nii kuachi ra ndixïyo, ndi su xiin va ra ña ndixiꞌi ra xaꞌa yoo na yuuvi kuachi yoꞌo, ña vaꞌa sanduyachin ra yoo nuu Tata yo Ndioxi, ra ndikaku yo. Ra te ndixiꞌi Tata yo Jesucristo, ra takua iki kuñu va ra kuvi ña ndiꞌi xaꞌa, ndi su ndatiaku va tu ra xiꞌin inka iki kuñu xaa ña xa kuu mii ra ta yachi ña küvi kuni yo.