San Juan 19:9 - Mixteco Metlatónoc

⁹ Ra saa nandiꞌvi tuku ra chi ini veꞌe chiñu, ra ndikaꞌan ra xiꞌin Jesús kachi ra saa: ―¿Ndia mii kuu ñuu kun? ―*kachi ra. Ndi su ndia nii tuꞌun nindäkuiin Jesús yuꞌu vi ra.

San Juan 19:9 Iomraidhean Croise

San Mateo 26:63

Ndi su ndia nii tuꞌun loꞌo nindäkuiin Jesús, ra saa ndikaꞌan tuku ra sutu kuchee kan xiꞌin ra kachi ra saa: ―Xiꞌin kivi Ndioxi ra tiaku ke na ndatuꞌun kun xiꞌin ndi vichin, ¿a ndixa yoꞌo kuvi ra kuu seꞌe Ndioxi, ra tiꞌvi ra vaxi sakaku na yuuvi yoꞌo? ―kachi ra xiꞌin ra.

San Mateo 27:27

Ra saa ndakiꞌin ndia soldado ndia xachiñu nuu ra gobernador kan Jesús, kuaꞌan ra xiꞌin ndia, ra ndixaa ra xiꞌin ndia chi nuu keꞌe veꞌe chiñu kaꞌnu kan, ra ikan ndakaya takundiꞌi ndia soldado ra iin xinunduu ndia ra ndita ndia.

San Lucas 23:9

Ña kan ke tiaa ni kuaꞌa nuu ña nindakatuꞌun ra Herodes Jesús. Ndi su ndia nii tuꞌun nindäkuiin Jesús yuꞌu ra.

San Juan 18:28

Ra saa kee na veꞌe ra Caifás xiꞌin Jesús, ra ndakundiaka na ra kuaꞌan ra xiꞌin na chi yeꞌe chiñu kaꞌnu, nuu ndikaa ra chiñu kuchee, ra nani Pilato ra kee ñuu Roma. Ra nani saa kuu na, saa ra xa kuaꞌan tuvi va, ra ndixïin vi mii na judío kan kiꞌvi na ndia nuu keꞌe veꞌe chiñu kaꞌnu kan, saa chi tu köo ra kuyakua na ra küvi kuxini na viko pascua tuvi na.

San Juan 18:33

Ra saa nandiꞌvi ra Pilato chi ini veꞌe chiñu kan, ra saa kana ra Jesús, ra ndindakatuꞌun ra ra kachi ra saa: ―¿A yoꞌo kuvi ra kuu rey na judío? ―kachi ra.

San Juan 18:34

Saa ndakuiin Jesús, kachi ra saa xiꞌin ra: ―¿A mii kun kuvi ra kaꞌan tuꞌun ñaa xiꞌin yu, a inka yuvi va xini soꞌo kun ndikaꞌan ña? ―kachi Jesús.

San Juan 18:37

Ra saa ndikaꞌan ra Pilato xiꞌin Jesús, kachi ra saa: ―¿Saa ra, rey kuvi ndixa va kun? ―*kachi ra. Ra saa ndakuiin Jesús, kachi ra saa xiꞌin ra: ―Xa mii kun ndikaꞌan ña kuu yu rey va. Ra xaꞌa ña yoꞌo ke kaku va yu, ra xaꞌa ña yoꞌo ke, xaa tu yu ña yuuvi yoꞌo va, ña vaꞌa na kaꞌan yu xaꞌa ña ndaa xiꞌin na yuuvi. Ra takundiꞌi na kandixa ña ndaa, ra kandixa tu na tuꞌun ña ^kaꞌan yu xiꞌin va na ―*kachi ra.

San Juan 19:10

Ra saa ndikaꞌan ra Pilato xiꞌin Jesús, kachi ra saa: ―¿Nichuun ndakuïin kun yuꞌu yu? ¿A kundäa ini kun ña iyoo ndiayu ndaꞌa yu ña takaa yu yoꞌo ndaꞌa cruz, ra iyoo tu ndiayu ndaꞌa yu ña saña ndika yu yoꞌo va? ―*kachi ra.

San Juan 19:8

Ndi su ta xini soꞌo ra Pilato ña ndikaꞌan ndia tuꞌun yoꞌo, saa ra ndiyuꞌvi vaꞌa ka va ra.

San Juan 8:14

Ra saa ndakuiin Jesús kachi ra saa xiꞌin ndia: ―Vaꞌa ni mii yu ku ra ndakuiin xaꞌa va yu, ndi su ndiaa yaꞌvi va ña kaꞌan yu. Saa chi yuꞌu ra kundaa va ini yu ndia chi ke kee yu, ra kundaa tu ini yu ndia chi ke kuꞌun va yu; ndi su ndoꞌo ra kundäa ini vi ndo ndia chi ke kee yu, ra nii kundäa tu ini ndo ndia chi kuꞌun va yu.

Filipenses 1:28

ra na kuayüꞌvi ndo nuu yuvi na saa ini xini ndoꞌo. Saa chi ña kuëe iyuꞌvi ndo nuu na, kuvi ña taxi kaxi kuꞌva nuu na ña ndiꞌi xaꞌa va na, ndi su kuꞌva ña taxi ña nuu ndoꞌo kuvi ña kaku va ndo, saa chi mii va Ndioxi kuvi ra chindiee taꞌan xiꞌin ndo.