San Juan 19:6 - Mixteco Metlatónoc

⁶ Saa ra te xini ndia kunaꞌnu nuu ndia sutu xiꞌin ndia kuu kumisio ndiaa veꞌe ñuꞌu kaꞌnu kan Jesús, ra saa xaꞌa ndia iin kokoꞌo ndaꞌyu ndia, kachi ndia saa: ―¡Takaa ra ndaꞌa cruz! ¡Takaa ra ndaꞌa cruz! ―^kachi ndia. Ra saa ndikaꞌan ra Pilato xiꞌin ndia kachi ra saa: ―Ndakiꞌin ndoꞌo ra, ra takaa ndo ra ndaꞌa cruz, saa chi köo kuachi ra ndaniꞌi yu ―*kachi ra.

San Juan 19:6 Iomraidhean Croise

San Mateo 26:58

Ra ra Pedro, ra xika xika va ndikun ra kuaꞌan ra sata Jesús, ra saa ndixaa ra ndia nuu keꞌe ra sutu Caifás ra kuchee nuu na sutu kan, ra ikan ndakunduꞌu ra xiꞌin ndia kumisio ndiaa yeꞌe ñuꞌu, ña ndiatu ra, kuni ra ni ke sa na xiꞌin Jesús.

San Mateo 27:22

Ra saa ndikaꞌan ra Pilato xiꞌin na kachi ra saa: ―¿Ra ni ke sa yu xiꞌin Jesús, ra kaꞌan ndo xaa sakaku ndoꞌo tu? ―kachi ra xiꞌin na. Ra saa iin siso siso ndakuiin na kachi na saa: ―¡Na kutakaa ra ndaꞌa cruz! ―kachi na.

San Mateo 27:24

Ra te xini ra Pilato ña kundiëe ka tuꞌun ra xiꞌin yuvi kan, saa chi na ndiee ka xaꞌa xa va kuvi na, saa ra xaꞌndia ra chiñu ña taxi na tiakuii ndaꞌa ra, ra saa ndakatia ra ndaꞌa ra nuu takundiꞌi na ñuu, ra ndikaꞌan ra xiꞌin na kachi ra saa: ―Ndïso ka yu xaꞌa nii tiaa yoꞌo, ña kutia ña, saa chi ra vaꞌa va kuvi ra, ra ndia ñaa ke kotoꞌni mii ka va ndo ―kachi ra xiꞌin na.

San Lucas 23:4

Ra saa ndikaꞌan ra Pilato xiꞌin ndia sutu kunaꞌnu nuu ndia sutu, xiꞌin takundiꞌi ka yuvi kan, kachi ra saa: ―Köo ndia nii kuachi tiaa yoꞌo ndaniꞌi yu ―kachi ra.

San Juan 18:3

Ra saa kuu, ra ndixaa va ra Judas xiꞌin kuaꞌa ni ndia soldado ñuu Roma, ra ndixaa tu ndia kumisio, ndia ndiaa veꞌe ñuꞌu kaꞌnu va, ra niꞌi ndia ichi xiꞌin itun, ra niꞌi tu ndia ñùꞌù ña tuun nuu va ndia; ra ndia kunaꞌnu nuu ndia sutu, xiꞌin ndia fariseo kuvi ndia, tiꞌvi ndia kumisio kan ndixaa ndia.

San Juan 18:31

Ra saa ndakuiin ra Pilato, kachi ra saa xiꞌin na: ―Ndakiꞌin ndo ra na kuꞌun ra xiꞌin ndo, ra na sandaku mii ndo kuachi xiꞌin va ra, ta kuꞌva kachi ndiayu ña iyoo ndaꞌa va ndo ―*kachi ra. Ra saa ndakuiin na kachi na saa: ―Nduꞌu, ra köo ndiayu ndaꞌa ndi ña kaꞌni ndi ndia nii yuvi na iyoo kuachi ―kachi na.

San Juan 18:38

Ra saa ndikaꞌan ra Pilato kachi ra saa, xiꞌin Jesús: ―¿Ndia ña kuvi ña ndaa? ―kachi ra. Ra te ndiꞌi ndikaꞌan ra tuꞌun yoꞌo, saa kanata ra chi keꞌe ra ndikaꞌan ra xiꞌin na judío, kachi ra saa: ―Ndia nii kuachi tiaa yoꞌo köo ndaniꞌi yu.

San Juan 19:15

Ndi su ndia kan ra ndia ndiee ka ndaꞌyu va kuvi ndia, kachi ndia saa: ―¡Tava ra! ¡Tava ra! Na kuꞌun ra kutakaa ra ndaꞌa cruz ―kachi ndia. Ra saa ndikaꞌan ra Pilato xiꞌin ndia, kachi ra saa: ―¿A kuni ndo, ña katakaa yu ra kuu rey ndo ndaꞌa cruz? ―*kachi ra. Ra saa ndakuiin ndia kunaꞌnu nuu ndia sutu kan, kachi ndia saa: ―Nduꞌu, ra köo inka rey nuu ndi, chi xa iyoo va ra César ―*kachi ndia.

San Juan 19:4

Ra saa kanata tuku ra Pilato, ra ndikaꞌan ra xiꞌin na kachi ra saa: ―Kotoꞌni ndo, chi xa yoꞌo, xaa tiaa yoꞌo nuu ndo, ra na kundaa ini ndo, chi ndia nii kuachi ra köo ndaniꞌi yu ―*kachi ra.

Hechos 2:23

Ndi su ndoꞌo, ra na tiin va kuvi ndo ra, ra ndataxi ndo ra ndaꞌa na yuvi kuachi, ra katakaa na ra ndaꞌa cruz ndixiꞌi ra. Ra na kundaa ini ndo chi ña ndoꞌo ra saa, ra süvi ña ndikuu sana kuvi ña, chi xa̱ ndiayu mii Ndioxi va ke ndoꞌo ra saa.

Hechos 7:52

Saa chi na xii xikua ndo kuvi na xa ndivaꞌa xiꞌin ndia ndikaꞌan tuꞌun yuꞌu Ndioxi xinaꞌa; ra xaꞌni tu na ndia xa ndikaꞌan ña kixi iin tiaa ra vaꞌa va. Ra ta kixi tiaa ra vaꞌa kan, saa ra ndukuiin tu ndoꞌo va tiin ndo ra, ra ndataxi ndo ra ndaꞌa na saa ini xini ñaꞌa, ra xaꞌni tu ndo ra xiꞌin va na.