San Juan 19:11 - Mixteco Metlatónoc

¹¹ Saa ndakuiin Jesús, kachi ra saa xiꞌin ra: ―Ndia nii chiñu küvi kaꞌndia kun xaꞌa yu, tu süvi Ndioxi nditaxi ndiayu ndaꞌa kun; ndi su tiaa ra ndataxi yuꞌu ndaꞌa kun, ra chee ni ka va kuachi ra kan ―*kachi ra.

San Juan 19:11 Iomraidhean Croise

San Mateo 26:65

Saa ra iin ndata saa ini ra sutu kuchee kan tikoto ña ndixi ra, ra ndikaꞌan ra kachi ra saa: ―Ra ndaa yuꞌu va ku ra yoꞌo Ndioxi. ¿Ra nichuun ke kuniñuꞌu ka vi yo yuvi na kaꞌan tieꞌe nuu ra?, chi xa xini soꞌo tu mii va ndo, ña ndaa yuꞌu ra Ndioxi.

San Mateo 27:2

Ra saa chikuꞌni na Jesús, ra ndakundiaka na ra kuaꞌan ra xiꞌin na, ña ndataxi na ra ndaꞌa ra Poncio Pilato ra kuu gobernador.

San Mateo 6:13

Ra täxi kun koyo ndi ndaꞌa ña väꞌa; Chi na ndakiꞌin va kun nduꞌu ndaꞌa ña. Chi yoꞌo kuvi ra kaꞌnu xaꞌndia chiñu, ra kuu mii kun ndiee, ra xaꞌndia kun xaꞌa takundiꞌi va ñaꞌa, ndia ndikaa ndikuꞌun. Amén.

San Marcos 14:44

Ra xa ndikataꞌan va ra Judas xiꞌin na ndia kuꞌva ke ndataxi ra Jesús ndaꞌa na. Ra suꞌva kachi ra xiꞌin na: ―Ra xaa yu kaꞌan ndioxi yu xiꞌin kan kuvi ra tiin ndo, ra tuun vaꞌa katun ndo ra, ra na kuꞌun ra xiꞌin ndo ―kachi ra xiꞌin na.

San Lucas 22:53

A su iin takundiꞌi va kii ndixiyo yu xiꞌin ndo ini veꞌe ñuꞌu kaꞌnu, ra nditïin ndo yuꞌu. Ndi su vichin ke xa ndixaa hora ña sa ndo ña kuni va ndo, saa chi vichin ke kaꞌndia ña ndivaꞌa chiñu va ―kachi Jesús xiꞌin ndia.

San Juan 18:13

Ra saa ndakundiaka ndia ra kuaꞌan ra xiꞌin ndia nuu ra Anás, ra kuu siso ra Caifás. Ra ra Caifás kan kuvi ra kuu sutu, ra kuchee nuu takundiꞌi ndia sutu kuiya kan.

San Juan 18:3

Ra saa kuu, ra ndixaa va ra Judas xiꞌin kuaꞌa ni ndia soldado ñuu Roma, ra ndixaa tu ndia kumisio, ndia ndiaa veꞌe ñuꞌu kaꞌnu va, ra niꞌi ndia ichi xiꞌin itun, ra niꞌi tu ndia ñùꞌù ña tuun nuu va ndia; ra ndia kunaꞌnu nuu ndia sutu, xiꞌin ndia fariseo kuvi ndia, tiꞌvi ndia kumisio kan ndixaa ndia.

San Juan 19:10

Ra saa ndikaꞌan ra Pilato xiꞌin Jesús, kachi ra saa: ―¿Nichuun ndakuïin kun yuꞌu yu? ¿A kundäa ini kun ña iyoo ndiayu ndaꞌa yu ña takaa yu yoꞌo ndaꞌa cruz, ra iyoo tu ndiayu ndaꞌa yu ña saña ndika yu yoꞌo va? ―*kachi ra.

San Juan 3:27

Ra saa ndakuiin ra Juan kachi ra saa: ―Ndia nii yuvi ra küvi sa na iin chiñu tu na täxi Ndioxi ndiayu ndaꞌa na ña sa na ña.

San Juan 7:30

Ra saa xaꞌa sava na kuni tiin na Jesús ña chikaa na ra veꞌe kàà, ndi su ndia nii na ndixändiee ini ña tiin na ra, saa chi täan xaa kii ña tiin na ra.

San Juan 9:41

Ra saa ndakuiin Jesús kachi ra saa xiꞌin ndia: ―Tu ndia kuaa ndixiyo ndo, saa ra köo vi kuachi ndo, ndi su vichin ra vaꞌa va nuu ndo, kachi ndo, ra ña kan ke iyoo va kuachi ndo ―kachi Jesús xiꞌin ndia.

Hechos 2:23

Ndi su ndoꞌo, ra na tiin va kuvi ndo ra, ra ndataxi ndo ra ndaꞌa na yuvi kuachi, ra katakaa na ra ndaꞌa cruz ndixiꞌi ra. Ra na kundaa ini ndo chi ña ndoꞌo ra saa, ra süvi ña ndikuu sana kuvi ña, chi xa̱ ndiayu mii Ndioxi va ke ndoꞌo ra saa.

Hechos 3:13

Chi Ndioxi ra kaꞌnu, ra xindikun, ra Abraham, xiꞌin ra Isaac, xiꞌin ra Jacob ndia kuu xii xikua yo, kuvi ra ndasa chee Jesús ra kuu seꞌe ra, ra ra yoꞌo kuvi ra tiin ndo ndataxi ndo ndaꞌa na chiñu va, ra nditäxi ndo sa̱ña̱ ra, ta kuni ra Pilato ña sa̱ñá ra ra.

Hechos 4:28

Ra ña xa na suꞌva, ra ña xa chituni kun kuu va ke saxinu na nuu.

Romanos 11:36

Saa chi takundiꞌi ñaꞌa, ra mii va Ndioxi kuvi ra ^taxi ña, ra mii ra kuvi tu ra xavaꞌa va ña, ra xaꞌa mii ra ke kuvaꞌa va ña. ¡Ra ra kaꞌnu ni kuvi Tata yo Ndioxi ndia ndikaa ndikuꞌun! Amén.

Romanos 13:1

Ra takundiꞌi yuvi ra xiniñuꞌu va kandixa na, na chiñu. Saa chi köo vi na chiñu tu süvi Ndioxi kuvi ra kaꞌan ña koo na. Ra na chiñu na iyoo, ra mii va Ndioxi kuvi ra taxi ndiayu ña kuu na na chiñu.

Santiago 1:17

saa chi takundiꞌi ña vaꞌa, xiꞌin ña ndaku, ra mii va Tata yo Ndioxi, ra xavaꞌa takundiꞌi kimi ri iyeꞌe ndee ndivi va kuvi ra taxi ña ndaꞌa yo. Ra ra kan, ra kuëe ndasama ra saa chi ta iyoo ra iyoo va ra ndia ndikaa ndikuꞌun.

Santiago 4:17

Ra ña xa ^xini ndo sa ndo chiñu vaꞌa, ra ^xïin tu ndo sa ndo ña, saa ra kuachi va kuvi ña ^xa ndo nuu Tata yo Ndioxi.