San Juan 18:8 - Mixteco Metlatónoc

⁸ Ra saa ndikaꞌan Jesús xiꞌin ndia kachi ra saa: ―Xa ndikaꞌan va yu xiꞌin ndo, chi yuꞌu kuvi va ra. Ra tu yuꞌu va kuvi ra nanduku ndo, saa ra na tïin vi ndo, ndia itaꞌan xiꞌin yu, chi na saña ndia kuꞌun va ndia ―kachi ra.

San Juan 18:8 Iomraidhean Croise

San Mateo 26:56

Ndi su, suꞌva ke xiniñuꞌu kuu va, ra saa ke xinu nuu ña kaꞌan tuꞌun Ndioxi, ña ndikaꞌan na ndikaꞌan tuꞌun yuꞌu Ndioxi xinaꞌa ―*kachi Jesús xiꞌin na. Ndia saa, ra xinu ndiꞌi va ndia itaꞌan xiꞌin Jesús, kuaꞌan ndia, ra ndakoo ndaꞌa va ndia ra.

San Juan 10:28

Ra ^taxi yu ña kutiaku ri ndia ndikaa ndikuꞌun, ra ndia nii kii ndïꞌi xaꞌa ri, ra ndia nii tu na kuchüun kindiaa ri ndaꞌa va yu.

San Juan 13:1

Ra ndia saloꞌo ni va kumani ña koo viko pascua, ra xa ^kundaa va ini Jesús ña xa ndixaa kii ña ndakoo ra ña yuuvi yoꞌo, ra nandiko ra kunuꞌu ra chi nuu nduꞌu Iva ra. Ra kuꞌvi ka vi ini ra xini ra na ndikun sata ra, na iyoo nuu ña yuuvi yoꞌo, ra ña kuꞌvi ni ini ra xini ra na, ra ndiakua ndataxi ra mii ra ña ndixiꞌi ra xaꞌa na.

San Juan 13:36

Ra saa ndindakatuꞌun ra Simón Pedro Jesús kachi ra saa: ―Tata, ¿ndia mii ke kuꞌun kun? ―kachi ra. Ra saa ndakuiin Jesús kachi ra saa: ―Nuu kuꞌun yu, ra küvi vi kuꞌun kun xiꞌin yu vichin, ndi su kundikun va kun xaa kun te xa na ndiꞌi ―kachi ra.

San Juan 16:32

Ra na kundaa ini ndo, chi vaxi kii, ra xa mii kii vichin kuvi va ña, ra takundiꞌi ndoꞌo, ra kunu va ndo kunuꞌu ndo veꞌe ndo, ra ndakoo mituꞌun va ndo yuꞌu. Ndi su xa saa kuïin mituꞌun vi yu, chi kuiin va Tata yu Ndioxi xiꞌin yu.

San Juan 18:7

Ra saa nindakatuꞌun tuku va Jesús ndia, kachi ra saa: ―¿Yoo kuvi na nanduku ndo? ―kachi ra. Ra saa ndakuiin ndia, kachi ndia saa: ―Jesús, ra ñuu Nazaret va kuvi ra nanduku ndi ―kachi ndia.

San Juan 18:9

Ra suꞌva ke kuu, ña vaꞌa ndixinu nuu tuꞌun ña ndikaꞌan mii Jesús, te kachi ra suꞌva; “Na taxi kun ndaꞌa yu, Tata, ra ndia nii na ndisandoñüꞌu yu”, kachi ra.

1 Corintios 10:13

Ra taꞌan tundoꞌo ña ^ndoꞌo ndo ke ^ndoꞌo tu takundiꞌi va na. Ndi su na kundaa ini ndo chi Ndioxi, ra ra vaꞌa va kuvi ra, ra kuïin vi ra xaꞌa ndo, saa chi ^täxi vi ra kixi tundoꞌo ña kuchüun ndo sa ndiee ini ndo nuu ndaꞌa ndo. Saa chi nii na kixi va tundoꞌo ña kotondoso ña ndoꞌo, ra mii va Ndioxi kuvi ra chindiee taꞌan xiꞌin ndo, ña vaꞌa sa ndiee ini ndo nuu ña.

2 Corintios 12:9

Ndi su suꞌva va kachi ra xiꞌin yu: “Na kusii ini kun xiꞌin ndiee yu ña iyoo xiꞌin va kun; saa chi vaꞌa ka va ndañaꞌa yuvi mii na ña iyoo ndiee yu xiꞌin na, ta kuvita ini na”, kachi ra xiꞌin yu. Ra xaꞌa ña kan ke kusii va ini yu, xiꞌin ña xa vita yuꞌu, saa chi saa ke vaꞌa ka ^ndañaꞌa yu mii yu ña iyoo ndiee Tata yo Jesucristo xiꞌin va yu.

Efesios 5:25

Ra tiaa ra iyoo yasiꞌi, ra ña xiniñuꞌu va kuvi ña na kuꞌvi ini ra yasiꞌi ra, ta kuꞌva xa Tata yo Jesucristo ña kuꞌvi ini ra xini ra na veꞌe ñuꞌu, ra ndataxi ra mii ra ña ndixiꞌi ra xaꞌa na.

1 San Pedro 5:7

Ra ndaꞌa Tata yo Ndioxi va kuvi ña na chinduꞌu ndo takundiꞌi ña ndiꞌi ni ini ndo xaꞌa, saa chi ra kan, ra ndiꞌi va ini ra xaꞌa ndo, ra mii ra kuvi tu ra ndiaa ndoꞌo va.