San Juan 18:4 - Mixteco Metlatónoc

⁴ Ra xa kundaa va ini Jesús xaꞌa takundiꞌi tundoꞌo ña ndoꞌo ra, ra saa kuyachin ra nuu ndia ndixaa kan, ra ndikaꞌan ra xiꞌin ndia, kachi ra saa: ―¿Yoo kuvi na nanduku ndo? ―kachi ra.

San Juan 18:4 Iomraidhean Croise

San Mateo 16:21

Ra saa xaꞌa Jesús ndatuꞌun ra xiꞌin ndia itaꞌan xiꞌin ra, ña xiniñuꞌu kuꞌun ra ñuu Jerusalén, ra ndia xikuaꞌa, xiꞌin sutu ndia kunaꞌnu nuu ndia sutu, xiꞌin ndia maestro sañaꞌa ley Ndioxi, ra sandoꞌo ni ndia ra, ra kaꞌni ndia ra, ndi su kii uni ndatiaku va ra ―kachi ra xiꞌin ndia.

San Mateo 26:2

―Xa kundaa va ini ndo, chi ndia soo uvi kii va ke kumani ra tiandiaa kii ña ndatava na viko pascua, ra tiin na yuꞌu, ra xaa yoꞌo, ra ndataxi na yuꞌu ndaꞌa na saa ini xini yuꞌu, ra takaa na yuꞌu ndaꞌa cruz ―kachi Jesús xiꞌin ndia itaꞌan xiꞌin ra.

San Mateo 26:21

Ra nani saa kuu Jesús xixini ra xiꞌin ndia, ra saa ndikaꞌan ra xiꞌin ndia kachi ra saa: ―Ña ndixa kaꞌan yu xiꞌin ndo, saa chi iin ndoꞌo, ndia ndee xiꞌin yu vichin va kuvi ndo ndataxi yuꞌu ndaꞌa na saa ini xini yuꞌu ―kachi ra xiꞌin ndia.

San Mateo 26:31

Ra saa ndikaꞌan Jesús xiꞌin ndia kachi ra saa: ―Ñuu vichin ra yuꞌvi takundiꞌi va ndo, ra ndakoo mituꞌun va ndo yuꞌu, chi saa kachi tuꞌun Ndioxi: “Kuvi ra kuu paxto, ra ndutia ndiꞌi va ndikachi kuꞌun ri” ―kachi ña.

San Lucas 24:44

Ra saa ndikaꞌan ra xiꞌin ndia, kachi ra saa: ―Xaꞌa takundiꞌi ña kuu yoꞌo ke ndikaꞌan yu xiꞌin ndo te ndixiyo yu xiꞌin ndo ta yachi: ña xiniñuꞌu xinu nuu ndiayu Ndioxi ña ndakoo ra Moisés, ra saa tu ña ndikaꞌan na ndikaꞌan tuꞌun yuꞌu Ndioxi xinaꞌa va, ra saa ke ^kachi tu ña tiaa na nuu tutu Salmo va ―kachi Jesús xiꞌin ndia.

San Juan 13:1

Ra ndia saloꞌo ni va kumani ña koo viko pascua, ra xa ^kundaa va ini Jesús ña xa ndixaa kii ña ndakoo ra ña yuuvi yoꞌo, ra nandiko ra kunuꞌu ra chi nuu nduꞌu Iva ra. Ra kuꞌvi ka vi ini ra xini ra na ndikun sata ra, na iyoo nuu ña yuuvi yoꞌo, ra ña kuꞌvi ni ini ra xini ra na, ra ndiakua ndataxi ra mii ra ña ndixiꞌi ra xaꞌa na.

San Juan 13:11

Saa chi ^xa kundaa va ini Jesús xaꞌa tiaa ra ndataxi ñaꞌa ndaꞌa na saa ini, ña kan ke ndikaꞌan ra, ña süvi takundiꞌi ndia kuvi ndia ninduyaa.

San Juan 18:5

Ra saa ndakuiin ndia kachi ndia saa: ―Jesús ra ñuu Nazaret va kuvi ra nanduku ndi ―kachi ndia. Ra saa ndakuiin Jesús, kachi ra saa: ―Yuꞌu kuvi va ra ―kachi ra. Ra xa itaꞌan va ra Judas, ra ndixiko taꞌan xiꞌin Jesús, xiꞌin ndia.

San Juan 18:7

Ra saa nindakatuꞌun tuku va Jesús ndia, kachi ra saa: ―¿Yoo kuvi na nanduku ndo? ―kachi ra. Ra saa ndakuiin ndia, kachi ndia saa: ―Jesús, ra ñuu Nazaret va kuvi ra nanduku ndi ―kachi ndia.

San Juan 19:28

Ra te ndiꞌi kuu ña yoꞌo, ra xa kundaa va ini Jesús, ña xa ndixinu nuu takundiꞌi va chiñu xa ra, ra saa ndikaꞌan ra, kachi ra saa: ―Ichi ni ini yu ―*kachi ra. Ra tuꞌun yoꞌo ke ndikaꞌan ra, ña vaꞌa na xinu nuu tuꞌun Ndioxi ña kaꞌan xaꞌa ra, ndia te yachi vi.

San Juan 6:64

Ndi su sava ndo ra kandïxa vi ndo yuꞌu ―kachi ra xiꞌin na. Ra suꞌva ke kachi Jesús xiꞌin na, saa chi ndia ta kii xaꞌa vi ke xa kundaa ini ra, yoo kuvi na ndikandïxa ñaꞌa, ra xa kundaa tu ini ra, yoo kuvi ra xiko ñaꞌa nuu na sáa̱ ini va.

Hechos 2:28

Ra yoꞌo kuvi ra ndiñaꞌa nuu yu, Tata Ndioxi, ndia ña kuvi ichi vaꞌa ku̱ꞌu̱n yu, ichi nuu kutiaku yu iin ndisaa kii; ra kusiì ni ini yu, saa chi koo yu xiꞌin kun nuu iyoo kun, kachi Jesús xiꞌin Ndioxi, ^kachi ña tiaa ra rey David xinaꞌa ―*kachi ra Pedro xiꞌin yuvi kan.

1 San Pedro 4:1

Ra xaꞌa ña xiin Tata yo Jesucristo nditaxin iki kuñu ra, kuvi ña xiniñuꞌu na sa tu ndoꞌo ta kuꞌva xa ra kan va, ña koo nduvi ndo ndoꞌo ndo. Ra tu xiin ndo ña ndoꞌo ndo, saa ra kuni kachi ña saa xa ndakoo va ndo ña xa ndo chiñu kiꞌvi,