San Juan 17:2 - Mixteco Metlatónoc

² Saa chi yoꞌo kuvi ra taxi takundiꞌi ndiayu ndaꞌa yu, ña kaꞌndia chiñu yu nuu takundiꞌi na yuuvi, ra taxi yu ña kutiaku takundiꞌi na taxi kun ndaꞌa yu ndia ndikaa ndikuꞌun.

San Juan 17:2 Iomraidhean Croise

San Mateo 11:27

Ra saa ndikaꞌan ka Jesús xiꞌin na ndee kan kachi ra saa: ―Tata yu kuvi ra ndataxi takundiꞌi ñáꞌa ndaꞌa yu. Ra ndia nii na xïni yuꞌu; chi indaa mituꞌun Tata yu Ndioxi va kuvi ra xini yuꞌu. Ra ndia nii tu na xïni Tata va yu, chi indaa yuꞌu, ra kuu seꞌe va ra kuvi ra xini ndia kuꞌva ke iyoo ra, ra saa tu yuvi na ndañaꞌa yu ra nuu va.

San Mateo 25:46

Ra saa kaꞌndia yu chiñu kachi yu saa: “Yuvi ñaꞌa yoꞌo, ra na ku̱ꞌu̱n na xitun nuu xixi ñùꞌù ñuu kaꞌñu; ra na vaꞌa, na toꞌo na kuꞌun ña koo na xiꞌin Ndioxi, iin ndisaa kii, ndia ndikaa ndikuꞌun va”, kachi yu xiꞌin na ―*kachi Jesús xiꞌin ndia itaꞌan xiꞌin ra.

San Mateo 28:18

Ra saa kuyachin Jesús nuu ndia, ra ndikaꞌan ra xiꞌin ndia kachi ra saa: ―Ndaꞌa yuꞌu ke ndataxi Ndioxi takundiꞌi ndiayu ña kaꞌndia yu chiñu ndivi, ra saa tu nuu ña yuuvi yoꞌo va.

San Juan 17:24

’Ra na taxi kun ndaꞌa yu yo̱ꞌo̱, Tata, ra kuni yu ña na kundee na xiꞌin yu nuu koo yu, ra saa ke vaꞌa na kuni na ña kaꞌnu, ña taxi kun ndaꞌa yu; saa chi yoꞌo kuvi ra xa kuꞌvi ni ini xini yuꞌu te täan kukava xaꞌa ña yuuvi yoꞌo vi.

San Juan 17:6

’Ra xa ndañaꞌa va yu yoꞌo, nuu na ndakaxin kun tiañu na yuuvi yoꞌo, ra kuenda yoꞌo va kuvi na, ra taxi kun na ndaꞌa yu, ra ^kandixa va na tuꞌun kun.

San Juan 17:9

’Ra xaku ndaꞌvi yu nuu kun xaꞌa takua na itaꞌan xiꞌin va yu, ndi su xäku ndaꞌvi vi yu xaꞌa na yuuvi yoꞌo, saa chi takua na taxi kun ndaꞌa va yu kuvi na kaꞌan yu xaꞌa xiꞌin kun; saa chi kuenda yoꞌo va kuvi na.

San Juan 3:35

Ra Ndioxi, ra kuu iva ra, ra kuꞌvi ni va ini ra xini ra ra, ña kan ke ndataxi ra takundiꞌi va ñaꞌa ña iyoo nuu ra ndaꞌa ra.

San Juan 4:14

Ndi su na koꞌo tiakuii ra ^taxi yuꞌu, ra ndia nii ka kii ndächi ini na. Saa chi tiakuii ra taxi yuꞌu, ra iin ta kuꞌva iyoo iin itia kaꞌnu iin saa koo ra, ña kana ra ini na, ra ra kan kuvi ra taxi ña kutiaku na ndia ndikaa ndikuꞌun ―kachi Jesús xiꞌin ña.

San Juan 6:27

Ra na sä chiñu ndo xaꞌa ñaꞌa ña xixi ndo ña ndiꞌi xaꞌa, chi na sa chiñu ndo xaꞌa ñaꞌa kuxi ndo ña kuëe ndiꞌi xaꞌa, ñaꞌa ña taxi ña kutiaku ndo, ndia ndikaa ndikuꞌun. Ra ñaꞌa ña kuxi ndo ra kutiaku ndo kan, ra ra xaa yoꞌo vichin va kuvi ra taxi ña, saa chi Tata ra Ndioxi va kuvi ra taxi ndiayu ndaꞌa ra ña sa ra ña ―kachi ra.

San Juan 6:37

Ra takundiꞌi yuvi na taxi Tata yu Ndioxi ndaꞌa yu, ra vaxi na nuu va yu, ra na vaxi nuu yu, ra täva yu na keꞌe.

San Juan 6:39

Ra chiñu ña kuni Tata yu Ndioxi ra tiꞌvi yuꞌu vaxi yu ke na sandoñüꞌu yu ndia nii yuvi na taxi ra ndaꞌa yu, chi ña kuni ra kan ke na sandatiaku yu na kii ña vaxi va.

Romanos 6:23

Saa chi yuvi na ^xa kuachi, ra ña chaꞌvi kuachi kan na ke kuvi va na, ndi su Ndioxi, ra ña saniꞌi tu ra kan yoo ke kutiaku yo xiꞌin ra ndia ndikaa ndikuꞌun va, xaꞌa ña xa nduu yo iin xiꞌin Cristo Jesús, ra kuu Tata yo.

1 Corintios 15:25

Saa chi ndia nii ñaꞌa kuchüun kasi nuu Tata yo Jesucristo, chi mii ra kuvi ra ^xaꞌndia chiñu vichin, ra kaꞌndia chiñu tu ra, iin saa ndia kii ña sandiꞌi ra xaꞌa takundiꞌi yuvi na kanitaꞌan xiꞌin va ra;

Efesios 1:20

ña sandatiaku ra Tata yo Jesucristo va, ra ndachinduꞌu ra ra xiin kuaꞌa ra ndivi ninu,

Filipenses 2:10

Ña vaꞌa ta xa na kuni soꞌo na ndee ndivi, xiꞌin na ndee nuu ñuꞌu, xiꞌin na ndee tixi ñuꞌu kivi Tata yo Jesucristo, ra iin nduxa ndakusiti na nuu va ra,

1 Timoteo 1:16

Ra vaꞌa ni saa va, ndi su kundaꞌvi va ini Tata yo Ndioxi xini ra yuꞌu, ra xiꞌna ni ka va nuu yuꞌu ndañaꞌa Tata yo Jesucristo ña kaꞌnu ni ini ra. Ra ña xa ra saa xiꞌin yu, ra ña vaꞌa na kuu yu iin ita niñu nuu yuvi na iyoo kuachi va kuvi ña, ra vaꞌa ndakundikun na Tata yo Jesucristo ra niꞌi na ña kutiaku na ndia ndikaa ndikuꞌun.

Hebreos 1:2

Ndi su saa kuu, ra ndiyaꞌa kuaꞌa ni va kuiya, ra kii ña ndee yo vichin, ra kuëe xa ka ra saa, chi vichin, ra xa ndaꞌa seꞌe va ra ke taxi ra tuꞌun ra, ra ndikaꞌan ndoso ra kan ña nuu yo. Ra seꞌe ra kuvi tu ra xiniñuꞌu ra ña xavaꞌa ra ña yuuvi, xiꞌin takundiꞌi ñaꞌa ña iyoo nuu ñuꞌu, xiꞌin takundiꞌi ñaꞌa ña iyoo ndiví, ra ndaꞌa ra kuu seꞌe ra ke ndataxi tu ra takundiꞌi va ñaꞌa ña iyoo nuu ña yuuvi yoꞌo.

1 San Pedro 3:22

Ra Tata yo Jesucristo, ra ndivi va ke nandaa ra, ra ndakunduꞌu ra xiin kuaꞌa tiayu kaꞌnu nuu nduꞌu Tata yo Ndioxi, ra xaꞌndia ra chiñu nuu na tatun Tata yo Ndioxi, ra saa tu nuu takundiꞌi ndiee ña xaꞌndia chiñu ndivi, ra saa tu nuu ndiee ña xaꞌndia chiñu nuu ña yuuvi yoꞌo va.

1 San Juan 1:2

Ra ra kuu tuꞌun ña taxi ña tiaku yoꞌo, ra ndañaꞌa va ra mii ra nuu ndi, ra xini nuu va ndi ra, ra xaꞌa ña kan ke ^ndatuꞌun ndi xaꞌa ra, ra kaꞌan tu ndi xiꞌin ndoꞌo va ña vaꞌa na kundaa ini ndo, chi ra yoꞌo kuvi mii ra taxi ña kutiaku yo ndia ndikaa ndikuꞌun va, ra xiꞌin mii Tata yo Ndioxi va kuvi ña ndixiyo ra. Ra ndañaꞌa ra mii ra nuu ndi vichin.

1 San Juan 2:25

Ra tu saa na sa ndo, saa ra taxi va Tata yo Jesucristo ña kutiaku ndo ndia ndikaa ndikuꞌun va, saa chi saa kindoo va ra.

1 San Juan 5:20

Ra xa kundaa tu ini yo ña kixi ra kuu Seꞌe Tata yo Ndioxi va, ra ra kan kuvi ra taxi ña xini tuni yo ña vaꞌa na tandiaa yo kutaꞌan yo xiꞌin Tata yo Ndioxi, ra ndaa. Ra vichin, ra itaꞌan va yo xiꞌin Tata yo Ndioxi, ra ndaa, saa chi itaꞌan tu yo xiꞌin Tata yo Jesucristo ra kuu seꞌe va ra. Ra Tata yo Jesucristo kuvi ra kuu Tata yo Ndioxi, ra ndaa va, ra ra kan kuvi tu ra taxi ña kutiaku yo ndia ndikaa ndikuꞌun va.

Judas 1:21

Ra na ndaköo ndo ña ndikun ndo Tata yo Ndioxi, ra kuꞌvi ni ini xini ndoꞌo, ra kondiaa va ra ndoꞌo; ra na kundiatu tu ndo ña xaa kii ña kundaꞌvi ini Tata yo Jesucristo yoo, ra taxi ra ña kutiaku yo ndia ndikaa ndikuꞌun.