San Juan 16:7 - Mixteco Metlatónoc

⁷ Ndi su ña ndaa va ke kaꞌan yu xiꞌin ndo: chi ña vaꞌa ni ka va ke na kuꞌun yu, saa chi tu na küꞌun yu, saa ra küvi vi kixi Tachi Yii Ndioxi ña chindiee taꞌan ña xiꞌin ndo, ña kan ke xiniñuꞌu kuꞌun va yu, ra saa ke vaꞌa tiꞌvi yu Tachi Yii, ña kixi ña koo ña xiꞌin ndo.

San Juan 16:7 Iomraidhean Croise

San Lucas 24:49

Ra ñuu Jerusalén yoꞌo ke kundiatu ndo, ra saa tiꞌvi yu ña kindoo Tata yu tiꞌvi ra sata ndo, ra ndia ta xa na ndakiꞌin ndo ndiee ña kee ndivi, saa vi ke kee ndo kuꞌun ndo ña kaꞌan ndoso ndo tuꞌun yu ―kachi Jesús xiꞌin ndia xitaꞌan xiꞌin ra.

San Lucas 4:25

Ra ña ndixa ke kaꞌan yu xiꞌin ndo, chi saa ndoꞌo na te xinaꞌa ta ndixika ra Elías, ra ndikaꞌan ndoso tuꞌun yuꞌu Ndioxi: ta ndasi Ndioxi ndivi ra ndiküun ka savi uni kuiya sava. Ra ndiee ni xindikaa tama ra ndikaꞌun ni ini yuvi, ra kuaꞌa ni na siꞌi na ndukuaan xindee ñuu Israel, ra ndoꞌo ni ini na.

San Lucas 9:27

Ña ndaa kaꞌan yu xiꞌin ndo, chi sava ndoꞌo na ndee yoꞌo vichin, ra saa kuu tiaku ka va ndo, ra kuni nuu va ndo ña kaꞌndia Ndioxi chiñu ―kachi Jesús xiꞌin na.

San Juan 14:26

ndi su Tachi Yii, ña tiꞌvi Tata yo Ndioxi kixi nuu va yu kuvi ña chindiee taꞌan xiꞌin ndo, ra taxi ña tuꞌun ndiee ini ndaꞌa ndo, ra sañaꞌa tu ña ndoꞌo xaꞌa takundiꞌi chiñu, ra sandakaꞌan tu ña ndoꞌo xaꞌa takundiꞌi tuꞌun ña ^kaꞌan yu xiꞌin va ndo.

San Juan 14:28

Ra xa xini va soꞌo ndo, ña ndikaꞌan yu xiꞌin ndo ña kuꞌun yu, ndi su nandiko va tu yu sata ndo. Ra tu ndixa ke kuꞌvi ini ndo xini ndo yuꞌu, saa ra ndo kusii ka ini va kuvi ndo, ña ^kundaa ini ndo ña kuꞌun yu nuu Tata yu, saa chi kaꞌnu ni ka va ra kan nuu yuꞌu.

San Juan 14:3

Ra te xa na ndiꞌi savii yu nuu kundee ndo ña kuꞌun yu vichin, ra saa nandiko yu ndakiꞌin yu ndoꞌo ña kuꞌun ndo xiꞌin yu, ra mii nuu koo yu ke kundee tu ndoꞌo va xiꞌin yu.

San Juan 15:26

’Ra te xa na xa̱a̱ Tachi Yii ña chindiee taꞌan xiꞌin ndo, ña tiꞌvi yu kixi, ña kuu mii Tata yu Ndioxi, ra ña kan va kuvi ña ndatuꞌun mii ña ndaa xiꞌin ndo xaꞌa yu.

San Juan 16:8

Ra ta xa na xaa Tachi Yii Ndioxi, ra ña kan va kuvi ña kaꞌan xiꞌin na yuuvi yoꞌo, ra kundaa va ini na ña iyoo kuachi na, ra kaꞌan ña xiꞌin na ña iyoo iin ichi ndaku, ra kaꞌan tu ña xiꞌin na, ña sandaku Ndioxi kuachi xiꞌin va na.

San Juan 7:39

Ra ña ndikaꞌan Jesús tuꞌun yoꞌo xiꞌin na, ra xaꞌa Tachi Yii Ndioxi ña xinu koo xiꞌin takundiꞌi na kandixa tuꞌun va ra ke ndikaꞌan ra ña; saa chi täan xaa vi Tachi Yii Ndioxi ña koo ña xiꞌin na, chi täan nandiko Jesús kunuꞌu ra ndivi.

Hechos 10:34

Ra saa xaꞌa ra Pedro ndakani ra nuu na kachi ra saa: ―Ña ndixa ke kundaa ini yu vichin chi Ndioxi ra ndakäxin ra yuvi.

Hechos 2:33

Ra nadaa ra ndivi ndakunduꞌu ra xitia kuaꞌa Ndioxi ña ^xaꞌndia ra chiñu vichin; ra ndakiꞌin ra Tachi Yii ndaꞌa Tata ra, ra tiꞌvi ra ña xaa ña sata ndi vichin, ra ta kuꞌva kindoo ra ke xa va ra. Ña kan ke vaꞌa xini ndo, ra xini tu soꞌo va ndo takundiꞌi ña kuu yoꞌo vichin, ra mii va Jesús kuvi ra ^xa ña.

Romanos 8:28

Ra xa kundaa va ini yo, chi yuvi na kuꞌvi ni ini xini Ndioxi, ra takundiꞌi ña vaxi nuu na, ra ña chindiee taꞌan xiꞌin na ña kuvi kundaku ini va na kuvi ña. Ra na ^xa Ndioxi saa xiꞌin, ra na kindoo ini mii ra kana va ra kuvi na.

2 Corintios 4:17

Saa chi tundoꞌo ña ndoꞌo ndi, ña tiaku ndi vichin, ra ña loꞌo va kuvi ña, ra ña yaꞌa va kuvi ña; ndi su ña chindiee taꞌan ka va kuvi ña xiꞌin ndi, ña vaꞌa na ndakiꞌin ndi iin ña vaꞌa ña kuëe ndiꞌi xaꞌa, ña ndiaa yaꞌvi ni.