San Juan 16:11 - Mixteco Metlatónoc

¹¹ ra kaꞌan ña xiꞌin na ra kundaa tu ini na, ña sandaku Ndioxi kuachi xiꞌin va na, saa chi ri kuchee xaꞌndia chiñu nuu ña yuuvi yoꞌo, ra xa nditiaꞌndia va xaꞌa ri ña ndiꞌi xaꞌa ri.

San Juan 16:11 Iomraidhean Croise

San Mateo 12:18

Koto ndo, chi ra yoꞌo kuvi ra xachiñu nuu yu, ra ndikaxin yu; ra kuꞌvi ni ini yu xini yu ra, ra kusii ni ini yu xiꞌin ra. Ra taxi yu Tachi Yii yu koo ña xiꞌin ra, ra kaꞌan ndoso ra tuꞌun yu nuu takundiꞌi na yuuvi, ra kundaa ini na ña sandaku yu kuachi xiꞌin na.

San Mateo 12:36

Ña kan ke kaꞌan yu xiꞌin ndo, ra na kundaa ini ndo, chi takundiꞌi tuꞌun kiꞌvi ña kaꞌan ndo, ra sandaku va Ndioxi kuachi xiꞌin ndo xaꞌa ña, te na xaa kii ña sandaku ra kuachi xiꞌin takundiꞌi na yuuvi yoꞌo.

San Lucas 10:18

Saa ndikaꞌan Jesús xiꞌin ndia kachi ra saa: ―Ña ndixa ke, xini va yu ke̱e timiaꞌa ndivi. Ra iin ta ndakava taxa, saa ndakava ri ndia nuu ñuꞌu chi ndikundiëe ri xiꞌin Ndioxi.

San Juan 12:31

Ra vichin ke ndixaa kii ña kundaku kuachi xiꞌin na yuuvi yoꞌo; ra vichin ke ndixaa tu kii ña kita tachi ndivaꞌa ña xaꞌndia chiñu nuu ña yuuvi yoꞌo va, kuꞌun ña.

San Juan 14:30

’Ra käꞌan kuaꞌa ni ka yu xiꞌin ndo; saa chi xa kuyachin va ri ñaꞌa, ri xaꞌndia chiñu nuu ña yuuvi yoꞌo vaxi ri. Ra köo vaꞌa mii ndiee vi ri kan nuu yuꞌu,

San Juan 16:12

’Ra iyoo kuaꞌa ni ka va ña kaꞌan yu xiꞌin ndo, ndi su kundiëe ndo xiꞌin vi ña.

Hechos 10:42

Ra mii ra kuvi tu ra xaꞌndia chiñu nuu ndi ña na kaꞌan ndoso ndi xaꞌa ra nuu takundiꞌi yuvi, ra ndatuꞌun tu ndi xaꞌa ra ña ndikaxin Ndioxi ra ña sayukun ra kuachi xiꞌin yuvi na tiaku, ra saa tu xiꞌin na ndii va.

Hechos 24:25

Ra ta xaa ra Pablo, ra saa xaꞌa ra ndakani ra nuu ra xaꞌa ña xiniñuꞌu vivii na kutiaku yuvi nuu Ndioxi, xiꞌin xaꞌa ña na kaꞌndia chiñu ra nuu iki kuñu ra, xiꞌin xaꞌa ña sayukun Ndioxi kuachi xiꞌin yuvi kii ña vaxi. Ra ta xini soꞌo ra chiñu Felix kan, saa ra ndiyuꞌvi va ra, ra saa ndikaꞌan ra xiꞌin ra Pablo kachi ra saa: ―Xa vaꞌa va, kuaꞌan vichin. Ra ndia te xa nuña yu, ra saa kana tuku yu yoꞌo kixi kun ―kachi ra.

Hechos 26:18

Ña vaꞌa na ndanuña nuu na, ra kee na nuu ñaa nuu xika na, ra ndakaka na nuu tuun ñuꞌu, ra kee tu na tixi ndiee timiaꞌa va, ra ndakundikun na Ndioxi, ra vaꞌa na kandixa na yuꞌu, ra koo kaꞌnu ini yu xaꞌa kuachi na, ra niꞌi taꞌvi na koo na xiꞌin na yii na kuu ñuu Ndioxi”, kachi ra.

Romanos 16:20

Ra Tata yo Ndioxi ra taxi ña vaꞌa, ra kama ni va ku̱ꞌni̱ xaꞌa ra Timiaꞌa tixi xaꞌa ndo, ra satiaa va ndo nuu ri. Ra Tata yo Jesucristo na taxi ña vaꞌa kutaꞌvi ndo.

Romanos 2:16

Ra kii ña sandaku Ndioxi kuachi xiꞌin takundiꞌi yuvi, ra ndia kuachi na ña iyoo seꞌe va kuvi sandaku ra, ra ndaꞌa Jesucristo va ke taxi Ndioxi ndiayu ña sandaku ra kuachi na, ta kuꞌva kachi mii tuꞌun vaꞌa xaꞌa Jesucristo, ña ^kaꞌan ndoso va yu.

1 Corintios 4:5

Ra xaꞌa ña kan ke kuëe kama ni na kaꞌan ndo xaꞌa ndia ndia ka ñaꞌa, saa chi mii va Tata yo Jesús kuvi ra ndañaꞌa ñaꞌa ña iyoo seꞌe nuu ñaa, ta xa na kixi ra. Ra mii Tata yo Jesús kuvi tu ra ndañaꞌa ña iyoo nima takundiꞌi va yuvi, ra ta kuꞌva iyoo mii chiñu ña xa na ke niꞌi na ña vaꞌa xaꞌa sa va ra.

2 Corintios 4:4

Saa chi xaꞌa ña kuëe kandixa na Ndioxi va kuvi ña sakuaa timiaꞌa, ri kuu ndioxi na yuuvi yoꞌo, ña xinituni na, ña vaꞌa na küni na ñuꞌu yeꞌe ña kuu tuꞌun Ndioxi, ña kuu mii ndiee, ña kuu kuenda Cristo, ra kuu naꞌna mii Ndioxi, ra tiaku.

Efesios 2:2

ña xa ndo, ra chiñu ña ^xa na yuuvi yoꞌo va kuvi ña xa ndo, ra xa tu ndo chiñu ña kuni ri kuchee, ri xaꞌndia chiñu nuu takundiꞌi tachi ndivaꞌa, ri taxi xini yuvi ña xïin na kandixa na Ndioxi va.

Colosenses 2:15

Ra ña ndixiꞌi Tata yo Jesucristo ndika cruz va kuvi ña sandiꞌi ra xaꞌa takundiꞌi ndiee, ña xaꞌndia chiñu nuu ña yuuvi yoꞌo, ra kindiaa ra ndiee ña, ra ta ^xa na xiꞌin yuvi na nuꞌni ña kuaꞌan na veꞌe kàà va, kuvi ña xa ra xiꞌin ña, ña xa tiaa ra nuu ña.

Hebreos 2:14

Ra ña xiniñuꞌu va kuvi ña nduu Tata yo Jesucristo ta kuꞌva iyoo mii yo na kuu seꞌe ra, ña vaꞌa ndixiꞌi ra xaꞌa yo; ra suꞌva va ke xa ra ña vaꞌa sandiꞌi ra xaꞌa ri ñaꞌa, ri xaꞌndia chiñu nuu ña xaꞌni, ri kuu timiaꞌa.

Hebreos 6:2

ra xiniñuꞌu ni tu kuchi va yo, ra xiniñuꞌu ni tu chinduꞌu yo ndaꞌa yo xini na ña kaꞌan yo xiꞌin Tata yo Ndioxi xaꞌa va na; ra xa sañaꞌa tu na yoo xaꞌa ña ndatiaku na ndii va, ra saa tu xaꞌa ña sayukun Tata yo Ndioxi kuachi xiꞌin takundiꞌi yuvi vaxi kii va.

Hebreos 9:27

Ra ta kuꞌva kuu xiꞌin Tata yo Jesucristo kuvi tu ña ^kuu xiꞌin takundiꞌi yuvi va, saa chi indaa ichi va kuvi ña xiniñuꞌu kuvi na, ndia saa ra ndiatu na ña sayukun Tata yo Ndioxi kuachi xiꞌin na kii ña vaxi va.

2 San Pedro 3:7

Ra ndivi, xiꞌin ñuꞌu nuu ndee yo, yoꞌo vichin, ra tuꞌun mii Tata yo Ndioxi va kuvi ña ^chindiatu ñaꞌa kii ña kaꞌmi ra ña. Ra kii kan kuvi tu ña sa yukun Tata yo Ndioxi kuachi xiꞌin takundiꞌi yuvi va, ra sandiꞌi ra xaꞌa yuvi na ndixïin kandixa ña ndikaꞌan ra.

1 San Juan 3:8

Ndi su yuvi na kuëe xikutuvi ña ^xa na chiñu kiꞌvi, ra kuenda timiaꞌa va kuvi na, saa chi timiaꞌa ra ndia kii xaꞌa vi kuvi ña xaꞌa ri kan, ña ^xa ri chiñu kiꞌvi. Ra xaꞌa ña kan ke kixi Tata yo Jesucristo ña sandiꞌi ra xaꞌa chiñu kiꞌvi ña ^xa ri.

Apocalipsis 1:7

Ra na kundaa ini ndo, chi iin nuu viko ke ndiko Iva yo Jesucristo kixi ra, ra kuni takundiꞌi va yuvi ra, ra ndia na xandivaꞌa xiꞌin va ra kuvi na kuni ñaꞌa, ra takundiꞌi na iyoo nuu ña yuuvi yoꞌo, ra kuaku ni na, te na kuni na xaa ra, saa chi köo ka ña kuvi niꞌi na sa na. Ra mii ña ndixa ke, saa ke kuu va. Amén.