San Juan 15:4 - Mixteco Metlatónoc

⁴ Ña kan ke na kundikun ndiaa va ndo yuꞌu, ra yuꞌu tu kuiin xiꞌin ndoꞌo va. Ra na kundaa ini ndo, chi takundiꞌi yoꞌó vali ndaꞌa teꞌe uva, ra tu na kundïkun ndiaa ña sata mii yoꞌo chee teꞌe uva, saa ra küvi vi taxi ña uva, ra mii saa ke ndoꞌo tu ndoꞌo va, tu na kundïkun ndiaa ndo yuꞌu.

San Juan 15:4 Iomraidhean Croise

San Mateo 12:33

Ra saa ndikaꞌan ka Jesús xiꞌin ndia kachi ra saa: ―Takundiꞌi itun kuiꞌi tu vaꞌa, ra kuiꞌi ña vaꞌa ke kuun ndaꞌa va nu; ra itun kuiꞌi tu väꞌa, ra kuiꞌi ña väꞌa ke kuun ndaꞌa va nu; ña kan ke xiꞌin kuiꞌi ña kuun ndaꞌa va itun ke ndakuni yo nu.

San Lucas 8:15

Ra ña ndikoyo ñuꞌu xaꞌan, kuvi yuvi na xini soꞌo tuꞌun Ndioxi. Ra ndinuni ni kandixa na tuꞌun ña xini soꞌo na, ra chuvaꞌa na ña nima na. Ra kuëe ndiko ini na, chi niña ña vaꞌa va xa na ―kachi Jesús xiꞌin ndia.

San Juan 14:20

Ra te xa na xaa kii kan ke kundaa kaxi ini ndo, ña íin yu xiꞌin Tata yu Ndioxi, ra ndoꞌo tu iyoo xiꞌin yuꞌu va, ra yuꞌu tu íin xiꞌin ndoꞌo va.

San Juan 17:23

Ra yuꞌu kuvi ra íin xiꞌin na yoꞌo, ra yoꞌo kuvi tu ra íin xiꞌin yuꞌu va, saa chi saa ke vaꞌa ndinuni ni kutaꞌan na xiꞌin taꞌan na, ña vaꞌa na kundaa ini na yuuvi yoꞌo, ña tiꞌvi kun yuꞌu, xaa yu nuu ña yuuvi yoꞌo, saa chi ^kuꞌvi ni ini kun xini kun na, ta kuꞌva ^kuꞌvi ini kun xini kun yuꞌu.

San Juan 6:56

Ra yuvi na kaxi kuñu yu, ra koꞌo na nii yu, ra na kan kuvi na ndikun yuꞌu, ra yuꞌu tu íin xiꞌin na kan va.

San Juan 8:31

Ra saa ndikaꞌan Jesús xiꞌin na judío na ndakundikun sata ra kachi ra saa: ―Tu iin ndisaa kii na kundikun ndo tuꞌun ña ^kaꞌan yu xiꞌin ndo, saa ra ndoꞌo kuvi ndo ndikun ndixa yuꞌu va.

Hechos 11:23

Ra te ndixaa ra Bernabé ñuu kan, saa xini ra ña vaꞌa ña kaꞌnu xa Ndioxi xiꞌin na, saa ra kusii ni ini ra. Ra ndikaꞌan ra xiꞌin na, ña na ndakundiee ni ka na chikaa na ndiee ña kundikun Jesús xiꞌin ndinuni nima na, kachi ra xiꞌin na.

Hechos 14:22

Ra ta ndixaa ndia ta iin iin ñuu kan, ra saa ndikaꞌan ndia xiꞌin na ndikun Jesús ña ndaku ni na koo ini na, ra ndikaꞌan ka tu ndia xiꞌin na, ña xiniñuꞌu ndoꞌo ni va na, ra saa ke kuchuun na kiꞌvi na nuu xaꞌndia Ndioxi chiñu.

2 Corintios 13:5

Ra na kotondoso ndo mii va ndo, a ndixa ke ndiaa ini ndo Tata yo Jesucristo; ra xa kundaa va ini ndo chi íin va ra xiꞌin ndo, ra tu köo va tu ra íin xiꞌin ndo, saa ra süvi vi kuenda ra kuvi ndo.

Gálatas 2:20

Yuꞌu, ra xa xiꞌin Cristo va kuvi ña takaa yu ndika cruz vichin, ra tiäku ka yu ña sa yu ña kuni iki kuñu yu, saa chi xa Cristo va iyoo nima yu; ra ña tiaku yu xiꞌin iki kuñu yu vichin, ra xaꞌa ña ndiaa ini yu Tata yo Jesucristo ra kuu seꞌe Ndioxi va kuvi ña, saa chi ra kan kuvi ra kuꞌvi ni ini xini yuꞌu, ra ndataxi ra mii ra ña ndixiꞌi ra xaꞌa yu ndika cruz.

Efesios 3:17

Saa chi saa ke vaꞌa koo Cristo nima ndo xaꞌa ña ndiaa ini ndo ra, ra saa ke kuvi koo ni tu ña kuꞌvi ini ña taxi Ndioxi va nuu ndo, ra koo ndaku nima ndo.

Filipenses 1:11

Ra kaꞌan tu yu xiꞌin Ndioxi ña na chindiee taꞌan Jesucristo xiꞌin ndo, ña vaꞌa na sa ndo niña chiñu vaꞌa va, ña vaꞌa na kuni inka yuvi, ra satoꞌo na Tata yo Ndioxi, ra ndasakaꞌnu na ra.

Colosenses 1:23

ra ña vaꞌa na xaa ndo nuu Ndioxi, ra ña xiniñuꞌu va kuvi ña ndaku ni na koo nima ndo, ña kundikun ndo Tata yo Jesucristo, ña vaꞌa na ndaköo ndo tuꞌun vaꞌa xaꞌa Tata yo Jesucristo ña xini soꞌo ndo. Ra tuꞌun vaꞌa yoꞌo, ra xa iinii kuvi va nuu ña yuuvi xini soꞌo na ña, ra suvi kuvi tu ña kaꞌan ndoso yuꞌu, ra Pablo va.

Colosenses 1:27

Ra saa ke xa Tata yo Ndioxi, saa chi ña kuni ra ña na kundaa ini na kuu kuenda mii ra, xaꞌa ña ndixiyo seꞌe ta yachi va kuvi ña. Ra tuꞌun ra ña ndaa, ña kaꞌnu, ña nduvi ni, ra ña kuni soꞌo takundiꞌi na yuuvi va kuvi ña. Ra ña ndixiyo seꞌé ña kaꞌan tuꞌun Tata yo Ndioxi xaꞌa kuvi ña: iyoo Tata yo Jesucristo nima ndoꞌo na küu judío vichin va, ra kundaa kaxi tu ini ndo ña kuꞌun ndo koo ndo xiꞌin ra ndivi ninu va.

Colosenses 2:6

Ra xaꞌa ña kan ke, ta kuꞌva xa ndo ña kandixa ndo tuꞌun Ndioxi ña kaꞌan xaꞌa Tata yo Jesucristo ña kuu ra ra xaꞌndia chiñu, ke na sa tu ndo, ña sa ndo chiñu ña xaꞌndia ra nuu ndo vichin va.

1 Tesalonicenses 3:5

Ra xaꞌa ña ndikundäa ini yu xaꞌa ndo, kuvi ña ndiküvi ka kunduꞌu taxin yu, chi ña xa yu ke tiꞌvi yu ra ñani yo Timoteo ndixaa ra xitoꞌni ra ndoꞌo va, ña vaꞌa na kundaa ini ra, a ndiaa ka ini ndo Tata yo Jesús, saa chi ña ^ndiꞌi ini yu kuvi ña iyo ni kotondoso Timiaꞌa ndoꞌo, ra nandiko ini ndo, saa chi tu na nandiko ini ndo, saa ra ña uun va kuvi ña ndatuꞌun ndi xiꞌin ndo.

Hebreos 10:39

Ndi su yoo, ra kuëe iyoo yo ta kuꞌva iyoo yuvi na nandiko chi sata, ra ndiꞌi xaꞌa na, chi yoo, ra Tata yo Ndioxi va kuvi ra ndiaa ini yo, ra ndiatu tu yo ña sakaku ra nima va yo.

1 San Juan 2:6

Ra yuvi na kaꞌan ña itaꞌan na xiꞌin Tata yo Ndioxi, ra xiniñuꞌu na sa na chiñu vaꞌa ta kuꞌva xa Tata yo Jesucristo ña kixi ra nuu ña yuuvi yoꞌo va.

2 San Juan 1:9

Ra na kundaa ini ndo, chi yuvi na kanduu tuꞌun ña sañaꞌa Tata yo Jesucristo, ra süvi vi Tata yo Ndioxi kuvi ra itaꞌan na xiꞌin; ndi su yuvi na ^sañaꞌa ta kuꞌva iyoo tuꞌun ña sañaꞌa Tata yo Jesucristo, ra itaꞌan va na kan xiꞌin Tata yo Ndioxi, ra saa tu xiꞌin Tata yo Jesucristo, ra kuu seꞌe va ra.