San Juan 13:9 - Mixteco Metlatónoc

⁹ Ra saa ndakuiin ra Simón Pedro kachi ra saa: ―Tata, tu saa, ra süvi takua xaꞌa yu ke ndakatia kun, chi na ndakatia tu kun ndaꞌa yu, xiꞌin xini va yu ―kachi ra.

San Juan 13:9 Iomraidhean Croise

San Mateo 27:24

Ra te xini ra Pilato ña kundiëe ka tuꞌun ra xiꞌin yuvi kan, saa chi na ndiee ka xaꞌa xa va kuvi na, saa ra xaꞌndia ra chiñu ña taxi na tiakuii ndaꞌa ra, ra saa ndakatia ra ndaꞌa ra nuu takundiꞌi na ñuu, ra ndikaꞌan ra xiꞌin na kachi ra saa: ―Ndïso ka yu xaꞌa nii tiaa yoꞌo, ña kutia ña, saa chi ra vaꞌa va kuvi ra, ra ndia ñaa ke kotoꞌni mii ka va ndo ―kachi ra xiꞌin na.

San Juan 13:10

Saa ndikaꞌan Jesús kachi ra saa xiꞌin ra: ―Yuvi na xa chichi ra ndia takua xaꞌa va na kan ke xiniñuꞌu ndoo, saa chi yäkua ka na. Ra ndoꞌo tu, ra xa ndo nduyaa va kuvi ndo, saa chi yäkua ka ndo, ndi su süvi takundiꞌi tu ndo ninduyaa ―kachi ra.

San Juan 13:8

Ra saa ndikaꞌan ka ra Pedro kachi ra saa: ―Tata, ndia nii kii täxi yu ndakatia kun xaꞌa yu ―kachi ra. Ra saa ndakuiin Jesús kachi ra saa xiꞌin ra: ―Tu na ndakätia yu xaꞌa kun, saa ra küvi kutaꞌan kun xiꞌin yu ―kachi ra.

Hebreos 10:22

xiniñuꞌu na kuyachin yo nuu Tata yo Ndioxi xiꞌin ndinuni nima yo, xiꞌin xaꞌa ña ndinuni ni ndiaa ini yo Tata yo Jesucristo; saa chi xa ndakatia va ra nima yo, ña vaꞌa na ndakäni ka ini yo ña iyoo kuachi yo, ra xa ndakatia tu ra iki kuñu yo xiꞌin tiakuii, ra vaꞌa ni va.

1 San Pedro 3:21

Ra ña ndikaku ra Noé nuu tiakuii kan, ra xaꞌa ña chichi yo tiakuii, ra sakaku Tata yo Ndioxi yoo va kuvi ña kaꞌan ña. Ra mii ña ndaa, ra süvi vi xaꞌa ña chichi yo tiakuii kuvi ña ndiꞌi xaꞌa kuachi yo, chi xaꞌa ña kaꞌan yo xiꞌin Tata yo Ndioxi ña na chindiee taꞌan ra xiꞌin yo ña na sä ka yo chiñu kiꞌvi va kuvi ña ^sandiꞌi ra xaꞌa kuachi yo. Ra ña sakaku tu ra yoo, ra xaꞌa ña kandixa yo ña ndatiaku Tata yo Jesucristo va kuvi ña.