San Juan 13:23 - Mixteco Metlatónoc

²³ Ra saa kuu ndia ndee ndia xixini ndia, ra yachin xiꞌin mii Jesús va nduꞌu iin ra itaꞌan xiꞌin ra, ra ^kuꞌvi ni ini ra xini ra.

San Juan 13:23 Iomraidhean Croise

San Lucas 16:22

Ra saa kuu ra nditiandiaa va kii ña ndixiꞌi ra ndaꞌvi Lázaro kan. Ra xaa na tatun Ndioxi ndakiꞌin na ra kuaꞌan ra xiꞌin na ndivi, ra ndakunduꞌu ra xiꞌin ra Abraham va. Ra saa kuu ra ndixiꞌi tu ra kuika kan va, ra ndinduxin va na ra.

San Juan 1:18

Ndioxi ra ndia nii na täan kuni ñaꞌa ra seꞌe ra, ra mituꞌun, ra íin xiꞌin ra ndiꞌi kii va kuvi ra ^ndañaꞌa ra kuu iva ra nuu yo.

San Juan 11:3

Ra saa tiꞌvi na siꞌi kuꞌva ra Lázaro kan, chiñu kuaꞌan ña nuu Jesús, ra kachi na saa: ―Tata, ndiee na kuii ndoꞌo ra itaꞌan xiꞌin kun, ra nani Lázaro ―kachi na.

San Juan 11:36

Ra saa ndikaꞌan na judío kan, kachi na saa: ―Kutoꞌni ndo, chi tiaa ni kuꞌvi ini ra xini ra ra ―kachi na.

San Juan 11:5

Ra vaꞌa ni kuꞌvi ni va ini Jesús xini ra ña Marta, xiꞌin ña María, xiꞌin ra Lázaro,

San Juan 13:24

Ra saa ndixika ndaꞌa ra Simón Pedro nuu ra ña na ndakatuꞌun ra Jesús, ra vaꞌa kundaa ini ndia yoo xaꞌa ke ndikaꞌan ra.

San Juan 13:25

Saa nduyachin vaꞌa ka va ra xiin Jesús, ra ndindakatuꞌun ra ra, kachi ra saa: ―Tata, ¿yoo kuvi ra sa saa? ―kachi ra.

San Juan 19:26

Ra te xini Jesús siꞌi ra xiꞌin ra itaꞌan xiꞌin ra, ra kuꞌvi vaꞌa ini ra xini ra, ña ndita yachin na kan, ra saa ndikaꞌan ra xiꞌin siꞌi ra, kachi ra saa: ―Nana, ñaa va ndichi seꞌe kun ―*kachi ra xiꞌin ña.

San Juan 20:2

Ra saa nandiko ña, ra xinu ña ndixaꞌan ña ndatuꞌun ña xiꞌin ra Simón Pedro ra xitaꞌan xiꞌin Jesús, ra saa tu xiꞌin inka ra xitaꞌan xiꞌin Jesús ra kuꞌvi ni ini ra xini va ra, ra kachi ña saa xiꞌin ndia: ―Ndixaꞌan va na ndatava na iki kuñu Tata yo ini yavi kan, ra kundäa ini yo, ndia mii ndixaꞌan na ndiaka na ña ―*kachi ña.

San Juan 21:20

Ra te ndikokuiin ra Pedro ndakutoꞌni ra, ra saa xini ra ndikun ra xitaꞌan xiꞌin Jesús, ra kuꞌvi ni ini ra xini ra, kuaꞌan ra sata ndia. Ra ra yoꞌo kuvi tu ra nindakatuꞌun Jesús, te xindee ndia xixini va ndia, ta kachi ra suꞌva: “¿Yoo ku na ndataxi yoꞌo, ndaꞌa na saa ini, Tata?” ―*kachi ra.

San Juan 21:24

Ra mii ra xitaꞌan xiꞌin Jesús yoꞌo, kuvi ra ndakuiin va xaꞌa ña yoꞌo, ra suvi mii ra kuvi tu ra tiaa va ña. Ra kundaa va ini ndi, chi mii ña ndaa va ke kaꞌan ra.

San Juan 21:7

Saa ra ndikaꞌan va iin ra xitaꞌan xiꞌin Jesús, ra kuꞌvi ni ra xini ra, kachi ra saa xiꞌin ra Pedro: ―¡Tata yo Jesús va kuvi ra! ―*kachi ra. Ra ta xini soꞌo ra Simón Pedro tuꞌun kan, saa ra ndikun ndakundixi va ra tikoto ra, ra ndava niꞌni ra ini tiakuii kan kuaꞌan ra ndakitaꞌan ra xiꞌin Jesús va.